Спорт
Свирежите не му пречат! Ѓоковиќ го „збриша“ Шварцман, сега чека мега-дуел со Надал
Светскиот рекет број 1 и актуелен шампион од Ролан Гарос, Новак Ѓоковиќ покажа дека полека ја враќа својата најдобра форма, доминирајќи против Аргентинецот Диего Шварцман за пласман во четврт-финалето на францускиот гренд слем, каде што може да има мега-дуел со вечниот ривал и некрунисаниот „крал“ на турнирот, Рафа Надал.
Зачудувачки, Србинот беше пречекан со свирежи од дел од париска публика, што дури предизвика и коментаторот на „Јуроспорт“, Алекс Коретча да застане во одбрана на тенисот, велејќи дека се работи за крајно непочитување кон голем тенисер. Освен на стартот на вториот сет, кога дозволи Шварцман да поведе со 0:3, Ѓоковиќ покажа одлична игра за да стигне до 6:1/6:3/6:3 победа над Аргентинецот за 2 часа и 17 минути игра.
Во четврт-финалето, Ѓоковиќ би играл со подобриот од мечот на Надал со канадската тениска надеж, Феликс Оже-Алијасим, а потоа во полуфиналето потенцијално победникот би „налетал“ на младата шпанска тениска надеж, Карлос Алкараз, кој вечерва го игра своето осминафинале против Русинот Карен Хачанов.
? Just sit back and admire Novak Djokovic at his best ?#RolandGarros pic.twitter.com/elUMHjvyJD
— Eurosport (@eurosport) May 29, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола: Блиску сум до заминување
Манчестер сити со победата против Вест Хем четврта година по ред стана шампион на Англија. Оваа титула е шеста за Пеп Гвардиола на клупата на „граѓаните“.
Славниот тренер има договор до 2025 година, а неговата изјава по кревањето на пехарот ги шокираше навивачите на Сити.
„Реалноста е дека поблиску сум до заминување отколку да останам. Зборував со челниците, чувствувам дека сакам да останам. Останувам следната сезона, тоа е сигурно. Но, ќе разговараме во текот на сезоната. Овде сум во клубот осум, девет години… Ќе видиме што ќе се случи понатаму“, изјави Гвардиола.
Пеп го презеде Сити во 2016 година и освои се што можеше да се освои со клубот. Во својата кариера овој 53-годишен фудбалер успешно ги водеше Барселона и Баерн.
Сити го водел на 471 натпревар. Оствари 349 победи, 57 нерешени и 65 порази.
Спорт
Метла за Партизан – Црвена звезда пред 20.000 „гробари“ ја освои титулата во АБА лигата
Кошаркарите на Црвена звезда ја освоија титулата во АБА лигата, откако во финалната серија против Партизан ја добија со 3:0. Третиот меч на теренот на Партизан, екипата на Црвена звезда го доби со 82:76.
Ова беше шести последователен триумф на тимот на Јанис Сферопулос над тимот предводен од Жељко Обрадовиќ, шести во 2024 година.
Звезда со тоа го освои вториот трофеј сезонава, откако во февруари во Ниш го освои националниот куп.
Црвена звезда му се реваншираше на Партизан за поразот во ланското финале и ја прекина една долга традиција во АБА лигата. Ниту една екипа во претходните четирите претходни финални серии не успеа да победи на гостински терен.
Третиот меч во целост им припадна на црвено-белите. Партизан само еднаш имаше предност, во раната фаза од третата четвртина. Звезда експресно ја врати предноста, а во решавачкиот период влезе со предност од седум поени.
Голем чекор кон победата тимот на Сверопулос направи кога дојде до двоцифрена предност. Партизан до крајот се обиде но не успеа да направи пресврт.
Црвена зведа до победата ја предводеа Митровиќ и Гедраитис со по 12 поени, првиот имаше и осум скока, Дос Сантос постигна 11, а Лазиќ и Давидовац по девет поени. Тренерот Сферопулос играше со 11 играчи и сите постигнаа поени.
Партизан го предводеа Аврамовиќ со 17 и Анѓушиќ со 13 поени. Разочараа Пантер и Лидеј со пет, односно четири поени.
МВП на финалната серија е Бразилецот Јаго Дос Сантос.
Спорт
(Видео) Страшен меч во Виљареал, Сорлот му даде четири гола на Реал
Во претпоследното коло од шпанската Ла Лига, спектакуларен натпревар одиграа Виљареал и Реал Мадрид. На крајот немаше победник (4:4) и покрај тоа што на полувреме Реал имаше предност 1:4.
Натпреварот го одбележа норвешкиот напаѓач Александар Сорлот кој постигна четири гола, но навивачите на жолтата подморница немаат премногу причини за задоволство, бидејќи останаа без шанси да изборат место во европските купови.
Првото полувреме го одбележа доминацијата на гостите, Арда Гулер го доведе кралскиот клуб во водство во 14. минута, а Хоселу во 30. минута го зголеми водството. Девет минути подоцна Сорлот ја намали негативата, но до крајот на првото полувреме Лукас Васкез и Гулер со вториот гол му донесоа предност на Реал од 4:1.
Во вториот дел шоуо на Сорлот. Норвежанецот погоди во 48., 52. и 56. минута и го изедначи резултатот. Норвежанецот дојде до 26 гол сезонава, односно 23. до во Примера, два повеќе од Артем Добик од Џирона.
Сорлот сега е најсериозниот кандидат за трофејот Пичичи, кој го добива најдобриот стрелец во лигата.