Спорт
Клубот со повеќе европски од домашни титули се врати во Премиерлигата првпат од 1999
Нотингем форест го доби „мечот од 150 милиони фунти“ против Хадерсфилд на „Вембли“ со 1:0 за да обезбеди враќање во Премиерлигата првпат од 1999 година, приклучувајќи им се на Фулам и Бурнемаут во елитата.
Единствениот гол на мечот пред 80.000 фанови падна во 43. минута од мечот кога младиот дефанзивец на Хадерсфилд, Ливај Колвил ја смести топката во сопствената мрежа.
Ова претставува огромен успех за газдата на Нотингем, грчкиот милијардер Евангелос Маринакис, инаку сопственик и на Олимпијакос, кој го купи клубот во 2017 година. Форест беа последни на табелата во Чемпионшип во септември, кога беше именуван новиот тренер Стив Купер, за во неверојатен финиш да завршат на четвртото место, по што во полуфиналето на плејофот ги елиминираа Шефилд јунајтед.
Форест, инаку, е единствениот клуб во историјата на европскиот фудбал, кој има повеќе европски отколку национални титули. Форест во 1978 година под водство на легендарниот тренер Брајан Клоф ја освоија титулата од Првата дивизија, за во 1979 година да го совладаат Малме во финалето на Европскиот куп со 1:0, а во 1980 да ја освојат и втората европска круна, со 1:0 победа над Хамбургер.
OWN GOAL!
Levi Colwill’s own goal gives Nottingham Forest the lead over Huddersfield Town ?#NFFC | #EFLPlayoffs
pic.twitter.com/05mYYmPbQC— Fast Football Goals (@fastfootygoal) May 29, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА потврди – 26 наместо 23 играчи на ЕУРО 2024
Репрезентациите кои ќе учествуваат на претстојното Европско првенство во Германија ќе имаат на располагање 26 играчи, потврди УЕФА.
Извршниот комитет на Европската фудбалска унија потврди дека е смнето правилото според кое селекторите на можеа да пријават 23 фудбалери.
Овој предлог беше поддржан претходно оваа година на состанокот на Националниот комитет за натпреварување на УЕФА.
Идејата за прв пат беше претставена на селекторскиот собир во Дизелдорф.
Оваа измена беше предложена поради згуснатиот распоред оваа сезона и ризикот од повреди.
Претставниците на Националниот натпреварувачки комитет во петокот и официјално го заверија сето она што беше претходно предложено, договорено и прифатено од мнозинството.
Европското првенство ќе се одржи од 14 јуни до 14 јули во Германија.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.
Спорт
Модриќ мора да се прифати два услови доколку сака да остане во Реал
Лука Модриќ има договор со Реал до крајот на сезоната и се уште не е познато каде ќе игра 38-годишниот играч за врска следната сезона. Желбата на Модриќ е да остане во Реал, но има голем број понуди од други клубови.
Капитенот на хрватската репрезентација го бараат Динамо, саудиски клубови, екипи од МЛС лигата, а се почесто се зборува и за интересот на Јувентус.
Карлос Карпио, новинар на „Марка“, откри дека Модриќ мора да прифати два услови доколку сака да остане во Реал. Мора да прифати да биде резерва и да прифати значително намалување на платата. Модриќ наводно заработува околу 20 милиони евра по сезона.
„Се сомневам дека ќе остане во Реал, но ако остане, тоа ќе биде со помала плата. Модриќ не прифати добро ниту една одлука на Анчелоти да биде резерва. Легендите никогаш не се послушни замени“, вели Карпио.
Модриќ сезонава забележа 40 настапи, два гола и шест асистенции. Хрватото во Реал пристигна во 2012 година од Тотенхем за 35 милиони евра.