Спорт
Бостон ја доби мајсторката во Мајами – Селтикс и Вориорс ќе се борат за НБА-титулата
Кошаркарите на Бостон Селтикс изборија пласман во финалето во НБА-лигата. Селтикс во Мајами ја доби мајсторката против Хит со 100:96. Селтикс за титулата ќе се бори со Голден стејт Вориорс, кој во пет натпревари го елиминираа Далас.
Бостон во Мајами играше против најдобриот тим на Истокот во регуларниот дел од сезоната и против традицијата. Првпат по 1974 година Селтикс доби мајсторка во финалето кога играл на гостински терен.
Селтикс водеше и го контролира резултатот во текот на целиот натпревар. На почетокот на вториот дел Мајами беше блиску до пресврт, уште еднаш Хит се врати во четвртата четвртина кога разликата беше еден посед, а Селтикси се најдоа во проблеми на крајот од мечот кога Мајами се доближи на два поена негатива со серијата од 9:0.
Потоа Мајами доби уште една шанса по промашувањето на Маркус Смарт. Џими Батлер имаше шут за израмнување, но го промаши. Смарт потоа погоди две слободни фрлања и така го постави конечниот резултат.
Во решавачкиот меч во Мајами, Бостон до победата го предводеше Џејсон Тејтум со 26 поени и 10 скока, односно Џејлен Браун и Маркус Смит со по 24 поени. За МВП на финалната серија е прогласен Тејтум. Тој ја доби наградата Лери Бирд, која се доделува од оваа година. Кај Мајами се истакнаа Џими Батлер со 35 поени и Бем Адебајо со 25 поени и 11 скока.
Селтикс 17 пати бил шампион во НБА-лигата, последен пат беше во финалето на НБА пред 12 години кога беше поразен од Лејкерси во седум натпревари. Голден Стејт е во потрага по седмата титула, а последната ја освои во 2018 година. Во 2019 година го загуби финалето од Торонто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Атаман повеќе да работи, помалку да зборува, Слукас нема самодоверба“
Пини Гершон,легенда на Макаби и европската кошарка, кој со Макаби ја освои Евролигата во 2004 и 2005 година, го критикуваше Панатинаикос и пред се тренерот Ергин Атаман.
Макаби води со 2-1 во четвртфиналната серија од плејофот во Евролигата, а четвртиот меч се игра вечерва во Белград.
„Атаман зборува повеќе отколку што си ја врши својата работа како тренер. Разбирам дека е под голем притисок, но мислам дека за следната сезона е поблиску до Турција отколку до Грција. Не сакам да се мешам во политика бидејќи тоа се глупости“, вели 72-годишниот Гершон и додава:
„Тој и Димитрис Јанакопулос (сопственикот на Панатинаикос) ја измислија приказната за да ги стават судиите под притисок, но однесувањето на Панатинаикос во последните години не прави Евролигата да биде на нивна страна.“
На Гершон не му се допадна говорот на телото на Атаман ниту за време на третиот натпревар.
„Некои играчи на Панатинаикос не го сакаат за тренер. Во третиот натпревар седна на клупата, а тоа испраќа лоша порака до играчите. Тренерот секогаш треба да биде активен, за играчите да почувствуваат дека е присутен“.
Вејд Болдвин, кој не играше во третиот натпревар е неизвесен и за натпреварот број 4.
„Макаби е подобар тим со Болдвин, но покажаа дека се супериорни и без него. Ако се врати по четврти натпревар, тоа може да биде големо психолошко засилување за нив“.
Исто така, Гершон смета дека на Костас Слукас му недостасува самодоверба.
„Кошаркарите на Панатинаикос ја изгубија самодовербата, видов играч од 3,5 милиони евра без самодоверба. Слукас е искусен, но ја загуби самодовербата“, заклучува Гершон.
Спорт
(Видео) Карагер заврши во „Жолтиот ѕид“ па пијан ги ги интервјуирал играчите
Џејми Карагер не можеше да одолее на привлечноста на „Жолтиот ѕид“. Првиот полуфинален натпревр во Лигата на шампионите меѓу Борусија Дортмунд и ПСЖ (1:0) го искористи од прва рака да ја почувствува атмосферата на „Вестфален“.
Карагер од трибината, со навивачите на Борусија го виде победничкиот гол на Никлас Филкруг, со кој Борусија обезбеди минимална предност пред реваншот во Париз.
Поранешниот фудбалер на Ливерпул, сега фудбалски коментатор и аналитичар одлично се забавуваше меѓу најверните навивачи на „милионерите“. Можеби малку премногу, бидејќи се врати во алкохолизирана состојба.
Од студиото го прашаа дали е доволно трезен за да го води интервјуто, кога се врати и го зазеде своето место покрај Петер Шмајхел.
„Тоа всушност има смисла, затоа што не јадев премногу. Јадев чизбургер ооколу два и пол кога стигнав до хотелот. Тоа може да објасни зошто ми се платка јазикот додека зборувам! Осум пива на „Жолтиот ѕид“, имам ново семејство, ново семејство на пријатели, тоа беше едно од најдобрите искуства во мојот живот, неверојатно“, одговори Карагер.
Во микс зоната, Карагер и Шмајхел го интервјуираа Џејдон Санчо. Карагер го праша: „Ако дојдеш до финалето можеме ли заедно да испиеме неколку пива“.
„Не пијам“, кратко му одговори Санчо.
Jamie Carragher smashed after 8 pints, interviewing Jadon Sancho…
CBS never misses 🤣🤣 pic.twitter.com/CCnsZ7ZMgA
— Project Football (@ProjectFootball) May 1, 2024
Спорт
Анадолу Ефес верува во Мијатовиќ
Хрватскиот тренер Томислав Мијатовиќ ја продолжи соработката со Анадолу Ефес, потврди од клубот од Истанбул.
Мијатовиќ го презеде турскиот тим на почетокот на февруари, истиот ден кога беше објавено дека ќе си замине Ердем Џан.
Во тој момент Ефес беше на 16. место во Евролигата, но до крајот на регуларниот дел успеа да се избори за место во плеј-ин.
Таму беа елиминирани од Виртус, но клупските челници искажаа задоволство од неговата работа, поради што и му понудија договор на две сезони.
Ефес пред три дена ја совлада Дарушафака во 29. коло од турскиот шампионат и со тоа го обезбеди првото место пред почетокот на плеј-офот.