Спорт
Илиќ го наследи Пердју во ЦСКА Софија
Србинот Саша Илиќ го наследи Англиченецот Алан Пердју, на тренерската позиција во ЦСКА од Софија. Пардју си даде оставка од позицијата тренер и технички директор на бугарскиот клуб ЦСКА Софија откако навивачите на клубот фрлале банани кон своите црномурести фудбалери.
Клубот објави, дека Илиќ потпишал двегодишен договор, тој од понеделник и официјално ќе го преземе тимот.
Илиќ тренерската кариера ја започна во помладите категории на Фудбалскиот сојуз на Србија, а потоа го презеде Чукарички, доби отказ пролетва, по мечот со Партизан, кога јавно го критикуваше судијата дека ги оштетил црно-белите и дека неговиот играч заслужил црвен картон.
Се шпекулираше дека би можел да го преземе Партизан по заминувањето на Александар Станојевиќ, но тој очигледно процени дека е рано за ваков предизвик.
Инаку, Илиќ го замени Англичанецот Алан Пердју, кој по околу два месеци го напушти клубот од Софија поради расистички испади на навивачите. Пердју беше и технички директор на клубот.
Сепак, познатиот англиски тренер реши да го напушти бугарскиот тим поради инцидентот, кој се случи пред натпреварот од последното коло против Ботев.
Навивачите на ЦСКА незадоволни од лошите резултати на клубот оваа сезона, го нападнаа клупскиот автобус. Навивачите на софискиот клуб фрлаа банани по црномурестите играчи на ЦСКА и ги навредуваа на расна основа.
Натпреварот се одигра, а Пердју реши да се раздели со софискиот прволигаш.
Пердју беше прогласен за најдобар тренер во Премиер лигата во 2012 година, откако со Њукасл го освои петтото место во англиското првенство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Што значи фудбалот за тебе? Одговорот на Иниеста е солзи
Андрес Иниеста пред неколку дена најави прес-конференција која ја закажа за 8 октомври во Барселона. Се шпекулира и сите очекуваат тој да објави дека става крај на својата играчка кариера.
Ден пред средбата со медиумите, Иниеста на социјалните мрежи објави кратко видео од кое треба да имаме претстава што не очекува.
Иако не беше конкретно наведено, се е јасно – Андрес Иниеста ја заврши кариерата.
„Што за тебе значи фудбалот?“, видеото започнува со тоа прашање.
Одговорот доаѓа по пауза и избришани солзи…
„За мене фудбалот беше…“ и нема крај на реченицата.
El Juego Continúa ❤️⚽️ 8️⃣🔟2️⃣4️⃣ pic.twitter.com/YLrDOfxVCB
— Andrés Iniesta (@andresiniesta8) October 7, 2024
Луис Енрике ќе каже дека се сеќава кога децата биле на улиците и кога мајките ги повикувале кога ќе се стемни и веќе не се гледа топката.
„Тоа е Андрес Иниеста за мене. Тој има 40 години и се уште не е сигурен – дали да продолжам да играм“.
И соиграчите и тренерите на Иниеста ќе се менуваат во своите изјави, ќе го фалат великанот што го имаше играта… Но, одговорот на Иниеста што е за него фудбалот – го нема.
Иако во двете минути од видеото наречено „Играта продолжува“, воздишките и солзите на Иниеста го кажуваат она што тој очигледно не може да го каже.
Спорт
Крај на сезоната и за Дуван Запата
Викендов сезоната која е на самиот почетоко заврши за уште еден фудбалер. Колумбиецот Дуван Запата, спроед прогнозите ќе паузари седум до девет месеци.
Запата се повреди во саботата на натпреварот против Интер.
Беше изнесен од теренот на носилки, па деталните анализи потврдија дека му се оштетени предните вкрстени лигаменти на коленото, а исто така го оштетил менискусот, што дополнително ја усложнува ситуацијата.
Запата е петтиот фудбалер кој во последниве две недели се здоби со тешка повреда поради која ја заврѓи сезоната.
Претходно тоа им се случи на Родри од Манчестер сити, десниот бек на Реал, Дани Карвахал, стоперот на Јувентус, Бремер, како и Марк-Андре тер Штеген и Марк Бернал од Барселона.
Спорт
Погба и Јувентус ќе ја раскинат соработката
Пол Погба официјално ќе се врати на терените следната година откако и официјално беше потврдено дека сусоензијата од четири години му е намалена на 18 месеци.
Светскиот првак со Франција ќе може да тренира од јануари, а од март 2025 година целосно може да му се врати на фудбалот.
Според Фарбрицио Романо, Јувентус и Погба сега ќе отворат преговори за раскин на договорот и се очекува тој наскоро да биде слободен агент.
Погба беше казнет откако беше позитивен на тестостерон на натпреварот од првото коло минатата сезона кога Јувентус играше со Удинезе.