Спорт
Брејк на Селтикс во Сан Франциско – Бостон води во финалната серја против Голден стејт
Бостон селтикс со брејк во Сан Франциско го отвори големото финале во НБА-лигата. Селтикси ги совладаа Голден стејт вориорси со 120:108. Феноменалната последна четвртина, која Слетикси ја добија со 40:16 го реши победникот. На овој натпревар е поставен рекорд на постигнати тројки. Комбинирано двата тима погодија 40 тројки.
Домашните играчи подобро го отворија натпреварот, но и Бостон имаше свој одговор на тоа. Селтикси на стартот не им дозволија на Вориорси да стекнат значајна предност.
Првата четвртина ја одбележа маестралниот Стеф Кари, кој воведните 12 минути ги заврши со 21 поен, од кои 6 тројки.
Голден Стејт водеше во текот на првото полувреме, стигнаа и до 10 поени предност, но играчите на Бостон се вратија и поведоа на крајот на втората четвртина.
Бостон поведе со 56:54.
Во третиот квартал, играчите од Сан Франциско влегоа во шутерски ритам, во еден момент имаа и 15 поени предност.
Таа предност можеше да биде поголема, но Селтикси не дозволија да се случи тоа. На крајот од третата четвртина Голден Стејт вориорс водеа со 12 поени разлика 92:80.
Четвртата четвртина почна со серијата во Бостон иницирана од феноменалниот Џејлен Браун.
Таа серија беше клучна за победата на Селтикс. Бостон израмни, а со двете тројки на Ал Хорфорд стекна предност од шест поени.
Во тие моменти Селтикси не можеа да промашат, Вориорси немаа одговор на оваа блескава четвртина на Бостон и Селтикси дојдоа до победа и „брејк“ на гостински терен.
Најефикасен во редовите на победничката екипа беше Ал Хорфрод со 26 поени. Покрај тоа, имаше и шест скока, три асистенции, а шест пати беше прецизен во шутот за три.
Покрај него, одличен меч одигра и Џејлен Браун, особено во последната четвтина. Браун постигна 25 поени со седум скока и пет асистенции.
Пејтон Причард постигна 21 поен, Маркус Смарт 18, а Џејсон Тејтум одигра многу полошо за неговите стандарди. Натпреварот заврши со 12 поени и 13 асистенции, но тој шутираше очајно – 3/17 од игра.
Стеф Кари беше одличен во тимот на Голден Стејт со 34 поени, пет скока и пет асистенции. Ендрју Вигинс постигна 20, а Клеј Томпсон 15 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Ферстапен е најдобриот возач во историјата на Формула 1“
Герхард Бергер, поранешниот возач на Ферари во Формула 1, нема дилема кој е најдобриот на сите времиња.
Австриецот во преден план го стави актуелниот светски шампион Макс Ферстапен.
„Тој ја има таа неверојатна способност да го избере вистинскиот момент за претекнување. Тоа го немаа ниту Сена, ниту Шумахер, ниту Хамилтон“, изјави Бергер.
На пофалбите за Холанѓанецот им немаше крај.
„Макс е секогаш на вистинското место во вистинско време. На стартот, во првиот свиок, во дуел. Никој не го прави тоа подобро од него. Затоа мислам дека тој е најдобриот кој некогаш ја возел формулата“, вели Бергер.
Ферстапен досега има остварено 61 победа во кариерата и има три светски шампионски титули со добри шанси да освои четврта. Сепак, тој е се уште далеку од Хамилтон и Шумахер по бројот на вкупни победи и титули, кои освоија по седум пехари наменети за најдобриот во генералниот пласман.
Спорт
„Ѓоковиќ гоат? Лудо е да се дискутира за тоа“
Руската тенисерка Дарија Касаткина проговори за „големата тениска тројка“ во која се Новак Ѓоковиќ, Роџер Федерер и Рафаел Надал.
Таа истакна дека тројцата немаат конкуренција, прво рече дека не можат да ги споредуваат Рафаел Надал и Карлос Алкарас, но дека единственото нешто што им е заедничко е тоа што двајцата се од Шпанија, а потоа беше прашана за „големата тројка“.
„Тие тројца се недостижни“, рече Касаткина, по што брзо беше прашана дали Новак е чекор понапред.
„Знаете, кога некој има идол, го сака без разлика на резултатите и дали се споредливи и во мојот случај, бидејќи почнав од детството“, рече Русинката чиј идол е Рафаел Надал и продолжи:
„Објективно, гледајќи ги резултатите, Новак Ѓоковиќ е најдобар на сите времиња, лудо е да се дискутира за тоа. Се друго е прашање на вкус“.
Спорт
Интересно ветување на Паоло Фонсека за новинарите
Паоло Фонсека денеска одржа прес-конференција пред првиот натпревар во Лигата на шампионите во кој Милан во вторник ќе се соочи со Ливерпул.
Тренерот на Милан им даде интересно ветување на новинарите пред натпреварите со Ливерпул во Лигата на шампионите и Интер во Серија А.
Фонсека изјави дека иако има два меча за краток период, на двата натпревари можат да играат исти играчи, но дека дефинитивно ќе размисли за ротација.
„Имаме три натпревари оваа недела и треба да размислиме за се. Утрешниот е најважен, но не можам да заборавам дека овој викенд играме дерби во Серија А“, изјави Фонсека.
А потоа дојде ветувањето на новинарите:
„Ако ги победиме двата натпревари, ветувам дека ќе ви донесам „пастел де ната“ на прес-конференцијата“, рече Фонсека со насмевка.