Спорт
Реми во соседското дерби Шпанија-Португалија, Халанд ја „реши“ Србија

Шпанија и Португалија одиграа 1:1 во првото дерби во новата сезона во Лигата на нации, Чешка успеа да ја совлада Швајцарија со 2:0, додека Ерлинг Халанд го постигна единствениот гол за Норвешка да победи на гости кај Србија во меч од Лига Б.
Алваро Мората ги донесе Шпанците во водство во 25. минута од мечот по одличната асистенција на Пабло Сарабија, пред во 82. минута од мечот Рикардо Хорта да израмни за Португалија. Во вториот меч од групата 2 во Лига А, Чешка стигна до импресивна 2:1 победа.
Во Лига Б, пак, Ерлинг Халанд покажа фантастична брзина постигнувајќи прекрасен гол за да ги предводи Норвешка до 0:1 победа над Србите. Во истата група, Шведска со головите на Форсберг и Кулушевски стигна до 0:2 победа кај Словенија.
ЛИГА НА НАЦИИ
ЛИГА А, ГРУПА 2
Чешка – Швајцарија 2:1
Шпанија – Португалија 1:1
ЛИГА Б, ГРУПА 2
Израел – Исланд 2:2
ЛИГА Б, ГРУПА 4
Словенија – Шведска 0:2
Србија – Норвешка 0:1
ЛИГА Ц, ГРУПА 2
Северна Ирска – Грција 0:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нагелсман и официјално ја презеде Германија

Јулијан Нагелсман и официјално е селектор на германската репрезентација и ќе ја води на следното Европско првенство следната година.
Младиот стручњак кој има само 36 години последен во март оваа година остана без работа, кога доби отказ во Баерн Минхен.
Интересно е што и сега како и претходно во Минхен, на клупата на германската репрезентација ќе го наследи Ханси Флик.
Германците се домаќини на претстојното ЕУРО 2024, но долго време се мачат, особено откако беа елиминирани во групната фаза на Мундијалот, влегоа во серија лоши резултати.
Нагелсман ќе влезе во историјата како најмладиот селектор на Германија. Своето деби на клупата ќе го има на 14. октомври на пријателскиот натпревар против селекцијата на САД во Конектикат.
Спорт
Винисисус ќе го пропушти градското дерби

Фудбалерите на Реал Мадрид во недела ги очекува големо градско дерби, на „Метрополитено“ ќе му гостуваат на Атлетико Мадрид. Како што пренесуваат шпанските медиуми, Карло Анчелоти има проблеми во составувањето на тимот.
„Релево“, пишува дека бразилскиот репрезентативец Винисиус Жуниор нема да игра поради повредата на грбот.
Тренерот Анчелоти се надеваше дека Бразлецот ќе игра, но како што сега стојат работите покрај дербито, тој ќе го пропушти и натпреварот во среда, против Лас Палмас.
„Мадрилењо“ ќе се игра во недела од 21:00 часот по средноевропско време. Реал оствари максимални пет победи на стартот на сезоната, додека избраниците на Диего Симеоне на четири натпревари освоија седум бода.
Спорт
Едегард доби нов договор и највисока плата во Арсенал

Норвешкиот фудбалер Мартин Едегард го продолжи договорот со Арсенал до 2028 година.
Едегард пристигна во Арсенал од Реал Мадрид за 35.000.000 евра. За „тобџиите“ има одиграно 112 натпревари, постигна 27 голови и забележа 15 асистенции.
Играчот од средниот ред на Арсенал е финансиски награден и со тоа што неговата плата сега ќе биде значително поголема, досега добиваше 120.000 фунти неделно (околу 7.200.000 евра годишно). Едегард би требало да стане најплатен фудбалер на „топчиите“.
Тоа значи дека сега ќе зема поголема плата од Каи Хаверц кој е најплатен во тимот со 20.000.000 евра годишно.