Спорт
Партизан ја заврши сезоната, нема да игра во српското првенство
Кошаркарите на белградски Партизан нема да играат во плеј-офот од кошаркарската лига на Србија. Клубот на веб-страницата објави дека играчите ја завршиле сезоната 2021/22.
КК Партизан на јавноста и се обрати преку соопштение, во кое како причина за повлекувањето ги наведоа инцидентите што се случуваа во текот на финалната серија во АБА лигата, против Црвена звезда. Партизан серијата ја загуби со 2:3.
Во клубот стравувале дека инцидентите би можеле да се потворат и во евентуалното финале со Црвена звезда во домашното првенство.
Партизан наведува дека со овој чин сака да покаже дека не сака да биде дел од „хулигански партии на неодговорни поединци“, без разлика на бојата на клубот за кој навиваат.
Исто така клубот бара Кошаркарската лига на Србија да се врати под капата на Кошаркарскиот сојуз на Србија за да излезе од позицијата „во која поединци имаат монопол да ги носат сите важни одлуки“.
Клубот од „Хумска 1“, пред две недели, јавно го искажа незадоволството од тоа што Црвена звезда и во плеј-офот на Србија, ја има предноста на домашниот терен.
Пред почетокот на сезоната, на состанок на сите клубови, меѓу кои и Партизан, била донесена одлука предноста на домашниот терен во српскиот шампионат да ја има најдобро пласираната екипа во регионалната АБА лига.
На потег се сега органите на Српската кошаркарска лига и Сојузот, според правилникот, Паризан треба да биде исфрлен во Третата лига.
Инаку во полу-финалето Партизан требаше да игра со ФПМ Железник, втората двојка е Црвена звезда-Мега. Полу-финалните серии ќе започнат во петок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.
Спорт
(Видео) Брејк на Минесота во Денвер
Актуелните шампиони Денвер Нагетс, со пораз ја започнаа полуфиналната серија во Западната конференција. Во „Бол арена“, Дебевер доживеа пораз од Минесота Тимбервулвс 99:106.
Денвер одигра далеку под просекот, со лоши проценти на реализиција и Вулвс апсолутно заслужено победија.
Јокиќ постигна 32 поени, имаше осум скока и девет асистенции, но загуби и седум топки, притоа шутираше 11/25 од поле.
Ниту Џамал Мареј не се прослави во шутот со 6/14 и 17 поени, додека Портер Јуниор натпреварот го заврши со 20 поени, со реализација 6/13.
Кај гостите од Минесота се истакна Ентони Едвардс со 43 поени, Таунс постигна 20, но многу важна улога имаше Наз Рид со 16 поени, од кои 14 во последниот дел, како и Руди Гобер со два многу важни коша во клучните моменти од натпреварот.
Едвардс стана вториот играч на 22-годишна возраст или помлад, по Коби Брајант, кој има два последователни натпревари во плејофот со повеќе од 40 поени.