Спорт
Ериксен нема да го продолжи договорот со Брентфорд
Кристијан Ериксен нема да го продолжи договорот со Брентфорд. Тој ќе биде член на овој клуб до крајот овој месец.
Откако лани колабираше на теренот на мечот против Финска, на ЕП, Ериксен го раскина договорот со Интер. Во зимскиот преоден рок потпиша договор со Брентфорд, за кој минатата сезона забележа 11 настапи, постигна еден гол и забележа четири асистенции.
Ериксен не планира да го продолжи договорот и бара нов клуб, а поради вградениот дефибрилатор, ограничен е бројот на лиги во кои може да игра, бидејќи во некои тоа е забрането поради преголем ризик по здравјето.
Англиските медиуми пренесуваат дека Ериксен е на мета на Њукасл.
Неофицијално најбогатиот клуб во светот под тренерот Еди Хау следната сезона сака да состави тим со кој ќе го нападне горниот дел од табелата, односно местата кои носат пласман во европските купови. Покрај Њукасл, интерес за Ериксен покажува и Тотенхем, каде менаџер е Антонио Конте, поранешниот тренер на Ериксен во Интер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тешко се справува со улогата на резерва – Димитриевски проговори за статусот во Валенсија
Столе Димитиревски, во летниот преоден рок како слободен играч од Рајо Ваљекано се пресели во Валенсија. Планот на клубот беше да го продаде Георги Мамардашвили и на голот да застане Димитиревски.
Валенсија го продаде грузискиот голман во Ливерпул, но во договорот со клубот од „Енфилд“ пој оваа сеозна остана како позајмен играч на „Местаља“. Ваквиот договоро меѓу двата клуба му донесе на Димитриевски статус на резера.
„Ситуацијата е комплицирана, десет години постојано бранев, а сега сум резерва. Тешко се снаоѓам во оваа ситуација. Сега сум во положба кога се обидувам да му помогнам на тимот бидејќи имаме и многу млади играчи. Знаеме дека во фудбалот може да се случат чудни работи, а тоа ми се има случено и претходно. Јас сум во клубот каде што сакав да бидам, сега работам и ја чекам мојата шанса. Се надевам дека тренерот ќе ми ја даде таа шанса“, изјави Димитриевски за „Радио Марка“.
Валенсија, по девет рунди има само една победа и со шест бода се наоѓа на 18.место на табелата. Почетокот на сезоната покажува дека великанот од „Местаља“ сезонава ќе води грчевите борба за опстанок во лигата.
Спорт
Бабунски: Целта е да ги победиме овие два натпревари
Извор/ ffm.mk
Македонската репрезентација започна со подготовки за претстојните два натпревари против Летонија (10. октомври) во Рига и Ерменија (13. октомври) во Ереван од групата во Лига на нации.
Македонскиот репрезентативец, Давид Бабунски вели дека целта за нашата најдобра селекција се две победи и потврда на првото место во групата.
„Посочени сме како фаворити во групата, но ние треба да бидеме скромни и да се бориме за шансата која ја имаме. Нема да биде лесно, посебно што играме на гостински терен. Денеска сите го развиваат фудбалот, играат тактички добро. Немаме многу време за подготовки, правиме анализа за да ги идентификуваме нивните слаби страни и се разбира ние да ги искористиме нашите шанси за да ги освоиме сите шест бода“.
Спорт
Меси емотивно го доживеа повлекувањето на Иниеста
Лионел Меси емотивно го доживеа пензионирањето на поранешениот соиграч од Барселона, Андрес Иниеста.
Иниеста по 22 сезони реши да стави крај на кариерата, со меси заедно играа во Барселона 14 годинио.
Стрелецот на „најважниот гол во историјата на шпанскиот фудбал“, се смета за еден од најдобрите играчи од средниот ред на сите времиња. Неговиот гол во 117.минута во финалето со Холандија на Шпанија и ја донесе титулата светски рпвак во 2010 година.
„Еден од најмагичните соиграчи и со кој најмногу уживав играјќи. Андрес Иниеста, ќе и недостигаш на топката, ќе ни недостигаш“, порача Меси на Инстаграм со заедничка слика од прославата во дресот на Барса.
„Ти посакувам се најдобро, ти си феномен“, потенцираше Аргентинецот.
Меси и Иниеста заедно освоија 32 титули во Барса, од кои пет во ЛШ. По заминувањето од Барселона, Иниеста кариерата ја продолжи во Јапонија во Кобе, каде играше до јули минатата година.
Неговиот последен ангажман беше во Обединетите Арапски Емирати.