Европа
Соботка: „Украина во ЕУ без Западен Балкан – Никогаш”
„Австрија никогаш нема да и одобри кандидатски статус на Украина за членство во ЕУ на сметка на Западен Балкан“. Ова го соопштил претседателот на австрискиот парламент Волфганг Соботка, пренесуваат агенциите.
„Австрија никогаш нема да го поддржи тоа“, изјавил Соботка во интервју за АПА.
Тој посочил дека за Австрија е важно сите земји од Западен Балкан не само да имаат европска перспектива, туку и да им се покаже начинот на кој можат да влезат во ЕУ.
Тој потсетил дека австрискиот канцелар Карл Нехамер јасно ставил до знаење дека нема да има брз пристапен процес за Украина. За австрискиот предлог за пристапниот процес, Соботка рекол дека тоа е добро за земјите од Западен Балкан.
„Процесот го управуваат земјите што сакаат да се приклучат. Ако ги исполнат сите услови, тогаш ќе бидат членки“, објаснил тој.
Истовремено, го критикувал актуелниот пристапен процес со 35 поглавја, во кои, како што посочил, според написите на медиумите, „преговорите се одвиваат на неодредено време без да им се покаже перспектива на граѓаните“.
Покрај тоа, вели тој, австрискиот „нон-пејпер“ црпи поуки од претходните процеси на пристапување.
„Бугарија и Романија се приклучија по многу краток период и сакавме да решиме повеќе прашања како што е владеењето на правото. Не сакаме таква ситуација по втор пат“, објаснил тој.
Оценил, според извештаите во медиумите, дека ветото на Бугарија против Северна Македонија е неподносливо и дека го нарушува угледот на ЕУ во регионот.
Австрискиот „нон-пејпер“ е добар за спречување на вакви блокади, додал тој, според написите во медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.