Спорт
Голден стејт ја освои титулата, Кари е МВП
Кошаркарите на Голден стејт ворирорс направија уште еден брејк, славеа со 103:90 во Бостон и ја освоија шампионската титула во НБА-лигата. Вориорси ја освоија седмата титула во својата историја (1947, 1956, 1975, 2015, 2017, 2018, 2022 година).
МВП на финалето, првпат во кариерата, иако ова му е четврти прстен е Стеф Кари, кој мечот го заврши со 34 поени (12/21) и седум скока и седум асистенции.
Бостон подобро го отвори натпреварот и многу брзо дојде до двоцифрена предност (+12), а ретко кој во „ТД Гарден“ во тие моменти очекуваше дека толку брзо ќе има пресврт.
Вориорси експресно фатија приклучок, а на крајот од првиот период имаа предност (22:27).
Бостон целосно се распадна во втората четвртина.
Не можеа да погодат ништо и покрај тоа што стрелците не беа расположени и на другата страна, дозволија премногу скокови во нападот, па тоа се одрази на резултатот.
Во еден момент беше и +21 за гостите, но на полувреме се замина со 15 разлика (39:54).
Бостон во третата четвртина успеаја да ја намалат разликата на 10 поени, но немаа сила за пресврт. На крајот Ворироси заслужено славеа.
Покрај споменатиот Кари најдобар кај шампионите беше Дрејмонд Грин со 12 поени, 12 скока, осум асистенции и две украдени топки и блокади.
Вигинс постигна 18 поени, со шест скока, пет успешни додавања, четири украдени топки и три блокади.
Џордан Пул имаше 15, а Клеј Томпсон само 12 поени со 5/20 од игра.
На другата страна најефикасен беше Џејлен Браун со 34 поени (12/23), седум скока, три асистенции и една украдена.
Ал Хорфорд додаде 19 поени со 14 скока, две украдени топки и една блокада, а целосно потфрли Џејсон Тејтум со 13 поени (6/18), седум скока, три украдени топки и една блокада.
Двоцифрен беше и Роберт Вилијамс со десет поени, со седум скока и пет блокади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Атаман повеќе да работи, помалку да зборува, Слукас нема самодоверба“
Пини Гершон,легенда на Макаби и европската кошарка, кој со Макаби ја освои Евролигата во 2004 и 2005 година, го критикуваше Панатинаикос и пред се тренерот Ергин Атаман.
Макаби води со 2-1 во четвртфиналната серија од плејофот во Евролигата, а четвртиот меч се игра вечерва во Белград.
„Атаман зборува повеќе отколку што си ја врши својата работа како тренер. Разбирам дека е под голем притисок, но мислам дека за следната сезона е поблиску до Турција отколку до Грција. Не сакам да се мешам во политика бидејќи тоа се глупости“, вели 72-годишниот Гершон и додава:
„Тој и Димитрис Јанакопулос (сопственикот на Панатинаикос) ја измислија приказната за да ги стават судиите под притисок, но однесувањето на Панатинаикос во последните години не прави Евролигата да биде на нивна страна.“
На Гершон не му се допадна говорот на телото на Атаман ниту за време на третиот натпревар.
„Некои играчи на Панатинаикос не го сакаат за тренер. Во третиот натпревар седна на клупата, а тоа испраќа лоша порака до играчите. Тренерот секогаш треба да биде активен, за играчите да почувствуваат дека е присутен“.
Вејд Болдвин, кој не играше во третиот натпревар е неизвесен и за натпреварот број 4.
„Макаби е подобар тим со Болдвин, но покажаа дека се супериорни и без него. Ако се врати по четврти натпревар, тоа може да биде големо психолошко засилување за нив“.
Исто така, Гершон смета дека на Костас Слукас му недостасува самодоверба.
„Кошаркарите на Панатинаикос ја изгубија самодовербата, видов играч од 3,5 милиони евра без самодоверба. Слукас е искусен, но ја загуби самодовербата“, заклучува Гершон.
Спорт
(Видео) Карагер заврши во „Жолтиот ѕид“ па пијан ги ги интервјуирал играчите
Џејми Карагер не можеше да одолее на привлечноста на „Жолтиот ѕид“. Првиот полуфинален натпревр во Лигата на шампионите меѓу Борусија Дортмунд и ПСЖ (1:0) го искористи од прва рака да ја почувствува атмосферата на „Вестфален“.
Карагер од трибината, со навивачите на Борусија го виде победничкиот гол на Никлас Филкруг, со кој Борусија обезбеди минимална предност пред реваншот во Париз.
Поранешниот фудбалер на Ливерпул, сега фудбалски коментатор и аналитичар одлично се забавуваше меѓу најверните навивачи на „милионерите“. Можеби малку премногу, бидејќи се врати во алкохолизирана состојба.
Од студиото го прашаа дали е доволно трезен за да го води интервјуто, кога се врати и го зазеде своето место покрај Петер Шмајхел.
„Тоа всушност има смисла, затоа што не јадев премногу. Јадев чизбургер ооколу два и пол кога стигнав до хотелот. Тоа може да објасни зошто ми се платка јазикот додека зборувам! Осум пива на „Жолтиот ѕид“, имам ново семејство, ново семејство на пријатели, тоа беше едно од најдобрите искуства во мојот живот, неверојатно“, одговори Карагер.
Во микс зоната, Карагер и Шмајхел го интервјуираа Џејдон Санчо. Карагер го праша: „Ако дојдеш до финалето можеме ли заедно да испиеме неколку пива“.
„Не пијам“, кратко му одговори Санчо.
Jamie Carragher smashed after 8 pints, interviewing Jadon Sancho…
CBS never misses 🤣🤣 pic.twitter.com/CCnsZ7ZMgA
— Project Football (@ProjectFootball) May 1, 2024
Спорт
Анадолу Ефес верува во Мијатовиќ
Хрватскиот тренер Томислав Мијатовиќ ја продолжи соработката со Анадолу Ефес, потврди од клубот од Истанбул.
Мијатовиќ го презеде турскиот тим на почетокот на февруари, истиот ден кога беше објавено дека ќе си замине Ердем Џан.
Во тој момент Ефес беше на 16. место во Евролигата, но до крајот на регуларниот дел успеа да се избори за место во плеј-ин.
Таму беа елиминирани од Виртус, но клупските челници искажаа задоволство од неговата работа, поради што и му понудија договор на две сезони.
Ефес пред три дена ја совлада Дарушафака во 29. коло од турскиот шампионат и со тоа го обезбеди првото место пред почетокот на плеј-офот.