Луис Сиарез е еден од играчите кои Барселона ги вклучи меѓу своите легенди. Тој одигра 283 натпревари за клубот, постигна 195 голови и забележа 113 асистенции на патот до 13 трофеи, вклучувајќи една за најдобриот клуб во Лигата на шампионите и четири за најдобриот тим во Ла Лига.

По Барса играше и за Атлетико Мадрид, а токму тие два клуба го одиграа дербито од шпанското првенство во саботата навечер.

Суарез беше на натпреварот, а по него направи потег за кој пишуваат шпанските медиуми. Иако легендата на Барселона има одиграно точно 200 натпревари повеќе за тој клуб од Атлетико и има постигнато 161 гол помалку, уругвајскиот напаѓач се уште е поврзан со мадридскиот клуб со кој беше шпански шампион во сезоната 2020/21. Таа сезона постигна 21 гол, вклучувајќи го и последниот во Ваљадолид со кој „јорганџиите“ ја освоија 10.титула во клупската историја.

Тоа го докажа со тоа што ги почести играчите на Диего Симеоне со оброк од неговиот ресторан по дербито во кое Атлетико победи со 2:1. Победата против Барселона беше 12-та по ред за Атлетико, ако се погледнат резултатите на клубовите во сите натпреварувања.

Очигледно Суарез не може да и прости на Барселона, поточно на тогашниот тренер Роналд Куман, кој буквално го избрка од клубот.

Фудбалерите на Атлетико Мадрид синоќа ја шокираа Барселона на „Монжуик“, победувајќи со 2-1 со голот на Александер Серлот во 96. минута, во големото дерби од 18. коло на шпанската Ла Лига.

Атлетико на тој начин го обезбеди првото место на крајот од годината, со 41 бод, три повеќе од Барса и четири од Реал, кој денеска и гостува на Севилја.

„Јорганџиите“ за прв пат славеа на теренот на Барселона по 2006 година, а сласта на триумфот во Каталонија над големиот ривал конечно ја почувствува долгогодишниот тренер на Атлетико, Диего Симеоне. Неговиот тим синоќа покажа дека е доволно зрел да ја врати титулата на „Метрополитано“ по четири години.

„Среќен сум, не можам да лажам. Страдавме, Барселона играше исклучително добро, постојано не напаѓаа. Но, ние се браневме брилијантно, одбраната беше извонредна, Облак пред се. Тоа ни овозможи да опстанеме. Тимот беше трпелив , го искористивме контранападот на Серлот и остваривме голем триумф. Ова е тимска победа, бидејќи ние сме најсилни кога сме група“, истакна Симеоне по мечот.

Зборуваше за играчите, а го пофали и Серлот кој на најдобар можен начин зошто натпреварите ги започнува од клупата за резерви.

„Не извлече од неволја, ни донесе голема победа. Можеби Барселона не заслужи да загуби. Имаа многу шанси против нас, но и против Лас Палмас и Леганес. Сепак, фудбалот е таков спорт, кога не можете да постигнете гол, тогаш имате голем проблем“, заврши Симеоне.

Интересно, Александер Серлот ја победи Барселона на гостински терен со три различни клуба во Ла Лига (Сосиедад, Виљареал и Атлетико) во последните две сезони и секогаш бил стрелец.

Виктор Вембањама одигра натпревар каков што ретко се гледа во НБА, а неговите Сан Антонио Спарс го совлада Портланд Трејл Блејзерс со 114:94. Најдобриот дебитант во минатогодишната НБА сезона постигна 30 поени, имаше седум скока и дури 10 блокади, со што статистички го предводеше својот тим до победа.

Во најубедливата победа на неговиот тим оваа сезона, тој одигра неполни 30 минути, а тоа му беше доволно да стане само шестиот играч во историјата на НБА со 30 поени и 10 блокади.

Хаким Олаџувон во кариерата одиграл пет такви натпревари, Дејвид Робинсон три и Артис Гилмор, Двајт Хауард и Карим Абдул-Џабар по еден. 20-годишниот француски кошаркар кој е висок 221 сантиметар од синоќа е дел од ова друштво

Со четири тројки на натпреварот против Блејзерс, Вембањама стана првиот играч во историјата на НБА кој искомбинирал барем толку тројки со 10 блокади, а исто така и првиот што одиграл повеќе од еден натпревар во кој поделил 10 банани играчи пред неговиот 21 роденден. Истото го направи и против Торонто во февруари.

Бананите се дел од статистиката во НБА од 1974 година. Во својата втора сезона во НБА, Вембањама веќе стана рекордер за познатата франшиза на Сан Антонио, бидејќи ова беше негов 62 последователен натпревар во кој блокираше барем еден шут. Пред него рекордер беше Дејвид Робинсон, легандата на Сан Антонио, со серија од 61 ваков натпревар.

Вембањама исто така против Портланд ја постигна својата 200-та тројка. Тоа го направи во 94. натпревар во кариерата. Сеф Кари, рекордерот со најмногу постигнати тројки во НБА (3.839), постигна 187 во првите 94 натпревари.