Спорт
Рој Џонс Јуниор и Кличко во расправија за украинската војна
Рој Џонс Јуниор, една од најголемите боксерски легенди, „удри“ по поранешниот украински шампион во тешка категорија, Владимир Кличко, кој јавно изјави дека боксерот нема „морален компас“ поради поддршката која ја дава на Русија.
Американецот Џонс боксуваше во Русија четири пати пред крајот на својата блескава кариера во која освои титули во четири различни категории (од средно-тешка до тешка категорија), пред во 2015 година да земе и руско државјанство, велејќи дека сака да ги подобри руско-американските односи и посочувајќи деа во Русија „повеќе го респектираат“.
По почетокот на војната во Украина, Кличко го нападна Џонс откако двајцата беа примени во Куќата на славните на боксот, праќајќи порака преку социјачните мрежи.
„На чија страна си? На страната на агресорот, или на страната на тој кој го брани своето право на живот? Те почитувам како боксер, но навистина се сомневам дека имаш морален компас“, изјави Кличко.
На Џонс не му се допаѓаше ова.
„Имам луѓе од двете страни на оградата. Не сакам да гледам како некој умира. Имам сакани на двете страни на оградата. Ме сфаќате? Деца на ова страна, луѓе на таа страна. Како да ви кажам дека Русија е виновна? Или дека Украина е виновна? Немам поим кој е во право и не ми е грижа бидејќи тоа не е моја работа и не сум политичар. Ако мислиш дека можеш да се тепаш со мене во рингот, тоа е друго. Јас уште боксувам. Ако го сакаш тоа, тогаш можеме да влеземе во рингот веднаш“, изјави Џонс, кој последен пат беше во рингот во егзибицискиот меч со Мајк Тајсон на крајот на 2020 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лудница во спринтот во Херез, победи Мартин
Хорхе Мартин го освои првото место на спринт трка во Херез во рамките на Мото ГП шампионатот.
Шпанецот на Прамак Дукати беше убедлив, максимално ги искористи проблемите со кои се соочија неговите конкуренти и на крајот ја мина целта за 19:52.682 минути.
На второто место со речиси три секунди заостанување се најде младиот Педро Акоста (ГасГас) кој продолжи да постигнува одлични резултати во својата прва сезона во кралската класа.
Блесна и тоа не по своја вина и Фабио Кваратараро. Светскиот шампион со Јамаха од 2021 година од 23. дојде до третото место.
Спринтот во Херез сигурно е една од најинтересните и најчудните трки во Мото ГП во последните 10 години.
Буквално сите кандидати за висок пласман паднаа, а само Марк Маркез успеа да се врати и да ја продолжи трката. Шпанецот којс тартуваше од пол-позицијата, првото место го загуби во првите неколку свиоци.
Сепак не се откажа, во деветтиот круг успеа да го мине Мартин, но на чело на трката беше само еден круг, бидејќи падна, се врати на патеката и на крајот го освои осмото место.
Трката не ја заврши ниту актуелниот шампион, Пеко Бањаја, исто како и Вињалес, Басијанини, Алекс Маркез, Биндер…
Спорт
(Видео) Вест Хем (дефинитивно) го исфрли Ливерпул од шампионската трка
Вест Хем попладнево го исфрли Ливерпул од шампионската трка. Во рамките на 35.коло, Вест Хем и Ливерпул одиграа 2:2. Ливерпул остана на третата позиција со 75 бода, два помалку и натпревар повеќе од лидерот Арсенал. На третото место е Манчестер сити со 76 бода и два натпревар помалку од лидерот на на табелата.
Вест Хем поведе во 43. минута благодарение на Џерод Бовен, кој погоди по кронерот на Кудуз.
Бовен со овој гол влезе во историјата на Вест Хем. Ниту еден играч пред него не постигнал 16 голови во една сезона во Премиер лигата.
Ливерпул израмни на самиот почеток на второто полувреме. Робертсон во 48.минута го совлада Ареола.
Ливерпул направи пресврт 17 минути подоцна. Карамбол ситуација пред голот на Вест Хем, заврши со комичен авто-гол на голманот Ареола.
Голманот на Вест Хем одлчно реагираше по ударот на Дијаз во 73.минута.
Казната Ливерпул го стигна четири минути подцна кога Антонио гои постави конечните 2:2.
Спорт
Газета дело Спорт: Милан избра нов тренер
Хулен Лопетеги би требало да биде тренер на Милан од следната сезона, пренесува „Газета дело Спорт“.
Шпанецот ќе дојде на местото на Сзтефано Пиоли, кој по пет сезони ќе го напушти „Сан Сиро“.
На Пиоли му пресудија променливите резултати оваа сезона. Милан на половина од сезоната отпадна од трката за шампионската титула, испадна во групната фаза во Лигата на шампионите, се пресели во Лига Европа и доживеа елиминација во четвртфиналето од Рома.
Лопетеги го напушти англискиот премиерлигаш Вулверхемптон претходно оваа сезона и оттогаш е без работа. Тој беше шпански селектор од 2016 до 2018 година, доби отказ неколку дена пред стартот на Светското првенство во Русија, бидејќи потпиша договор со Реал.
Мандатот во „кралскиот клуб“ му траеше само пет месеци, потоа се пресели во Севилја со која имаше успешни две сезони.