Српскиот медиум Н1 објави снимка од инцидентот во населбата Медаковиќ во Белград, а на видеото се гледа кога хулиганите бегаат по нападот на Ѓорѓе Мијатовиќ, кој почина подоцна во вечерните часови во Ургентниот центар.

Нападот се случи во неделата нешто по 18:00 часот.

Инаку, групата хулигани кои го нападнаа Ѓорѓе Мијатовиќ, кој веднаш по тој инцидент почина во Ургентниот центар, со месеци им прави проблеми на жителите од зградите во населбата Медаковиќ, а само ден пред инцидентот кршеле клупи и му се заканувале на граѓанин кој ги замолил да не го прават тоа. Граѓанинот веднаш го пријавил случајот во полиција која излегла на местото на настанот и разговарала со нив. Како што велат станарите, таа не ги легитимирала бидејќи се малолетни, пренесува Нова.рс.

UZNEMIRUJUĆE: Deo snimka napada na Mijatovića na kom se vide huligani https://t.co/E85iPZTqvO (VIDEO)

— TV N1 Beograd (@n1srbija) May 27, 2024

Жителите се загрижени за својата безбедност и пред се за безбедноста на нивните деца кои излегуваат во паркот, поради група тинејџери кои се секогаш таму кога е убаво времето, прават врева, го нарушуваат јавниот ред и мир, а децата се плашат од нив. Како што пренесуваат српските медиуми, станува збор за млади мажи, но и девојчиња на возраст од 15 до 17 години.

Како што рече министерот за внатрешни работи Ивица Дачиќ во утринската програма, жртвата, брат на потпретседателот на Владата на Федерацијата на Босна и Херцеговина и министерот за развој и претприемништво, Војин Мијатовиќ, излегол да разговара со хулиганите бидејќи неговиот син се пожали дека му е украдена топката.

Дачиќ во емисијата изјави дека се утврдуваат околностите на смртта и дали настанала како последица на нападот, додавајќи дека лекарите рекле дека Ѓорѓе Мијатовиќ имал епи-напади и дополнителни болести, па причината за смртта ќе ја утврди обдукцијата. Но, веднаш потоа таблоидите, меѓу кои и Блиц, објавија информација дека човекот (по инцидентот) паднал и со главата удрил во бетон.

„Кога се вратил дома и рекол на сопругата дека сам паднал, по што добил епилептичен напад“, вели изворот.

Српското МВР соопшти дека има двајца осомничени и дека по нив се трага, како и дека телото е пренесено во Институтот за судска медицина за обдукција, пишува Н1.

Вишото јавно обвинителство во Белград и нареди на полицијата да ги идентификува учесниците на настанот и да ги собере сите потребни податоци и информации за настанот по што Ѓ.М. почина во Ургентниот центар во Белград.

Во Вишото јавно обвинителство во Заечар заврши сослушувањето на двајца сведоци во рамки на истрагата за убиството на двегодишното девојче Данка Илиќ, за кое се уапсени работниците на „Водовод“ во Бор, Дејан Драгијевиќ и Срѓан Јанковиќ. Според Нова.рс, денеска биле сослушани директорот на „Водовод“ Бор, Горан Павиќ, како и пријател на осомничениот Јанковиќ.

Како што пишува Нова.рс, пријателот на Јанковиќ бил сослушан за тоа што тој му го позајмил автомобилот на осомничениот при потрагата по Данка.

Засега не се знае за какви се околности се изјаснувале сведоците. Се претпоставува дека директорот на „Водовод“ Бор зборувал и за однесувањето на осомничените во деновите на потрагата по Данка, со оглед на тоа дека за делото биле уапсени работници на таа фирма.

Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки на сите индиции и информации ги уапси Срѓан Јанковиќ и Дејан Драгијевиќ од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на возилото и го однеле на депонија.

Телото на девојчето се уште не е пронајдено.

Едно лице загина, а четворица патници се повредени во падот на спортскиот авион во саботата во шумата јужно од Керестинац кај Загреб. На летот биле регистрирани пет патници.

За падот на авионот се огласи и полицијата, која објави некои нови детали од несреќата.

„На 25 мај околу 15.51 часот е добиена пријава за пад на мал авион во атарот на населбата Лучко. Веднаш по добивањето на пријавата, полициски службеници заедно со други служби излегле на терен.  На местото на настанот, во Ступничко-обрешка шума, на повредените им била укажана лекарска помош и било утврдено дека во авионската несреќа едно лице загинало.

Имено, авионот Цесна со унгарски регистерски таблички го управувал 27-годишен маж, а од засега неутврдени причини авионот се урнал 20-ина минути по полетувањето.

Заедно со пилотот во авионот имало уште четири лица, 30-годишен маж, двајца мажи на возраст од 39 и 22 години и една 68-годишна жена. На повредените им била укажана лекарска помош во здравствени установи во Загреб.

Истрагата ја води дежурниот заменик на Жупаниското државно обвинителство во Велика Горица во соработка со инспектори за авионска несреќа. Истрагата и кривичната истрага продолжуваат за да се утврдат сите околности“, велат од полицијата, пренесува „Индекс“.