Свет
Експертите на СЗО одлучуваат дали да воведат вонредна состојба поради мајмунските сипаници

СЗО денеска проценува дали епидемијата на мајмунски сипаници треба да се прогласи за вонредна состојба за јавното здравје, како што беше случајот со Ковид-19.
Претходно, беа прогласени само шест такви итни случаи: Ковид-19 (2020), епидемијата на ебола во Демократска Република Конго (2019), вирусот зика (2016), полиомиелитис или детска парализа (2014), епидемијата на ебола во Западна Африка (2014) и H1N1 – пандемичен вирус или свински грип (2009).
Доколку тоа се случи, би било можно да се активираат механизмите за меѓународна соработка насочени кон ограничување на понатамошното ширење на болеста, а тоа би било и сигнал до поединечните земји да бидат подготвени, односно да ги зајакнат капацитетите на своите здравствени услуги, според една британска агенција.
СЗО ја дефинира вонредната состојба за јавно здравје од меѓународно значење како „итен случај што е идентификуван како ризик за јавното здравје на други земји поради меѓународното ширење на болеста и потенцијално бара координиран меѓународен одговор“.
Директорот на СЗО, Тедрос Аданом Гебрејсус, претходно изјави дека е јасно оти има необична ситуација бидејќи вирусот сега се однесува поинаку и дека мајмунските сипаници се појавуваат во сè поголем број земји поради што е потребен координиран одговор.
Оваа прокламација во голема мера служи за да привлече внимание и не отвора официјално финансирање или нови мерки иако може да им даде поголема тежина на советите и активностите на СЗО што ги преземаат земјите.
Стручната комисија дава препорака, но конечната одлука за прогласување вонредна состојба за јавното здравје од меѓународно значење ја носи генералниот директор на СЗО, Тедрос Аданом Гебрејсус, пренесе „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Србија ќе се приклучи на развојот на руската вакцина против рак

Претседателот на Србија, Александар Вучиќ, изјави дека разговарал со Александар Кецман, директор на Институтот „Гамалеја“ во Москва, кој го информирал дека во Русија се развива вакцина против рак.
„Ми објаснија одредени работи. Имаме голем процент на заболени од рак. Оваа вакцина е поинаква, бидејќи им помага на веќе болните луѓе — не е превентивна. Може да биде успешна до 85 проценти,“ рече Вучиќ.
Тој додаде дека Србија ќе се вклучи во проектот веднаш штом Русија го дозволи тоа:
„Ќе подготвиме целосна инфраструктура за да бидеме спремни за два до три месеци. Не можеме уште да ја произведуваме, но ќе направиме сè за да бидеме подготвени.“
Вучиќ нагласи дека во Србија има повеќе случаи на малигни заболувања отколку во другите земји, што, според него, е поврзано со последиците од бомбардирањето во 1999 година.
Свет
Ројтерс: Зеленски ќе му презентира на Трамп план за користење на ракетите „Томахавк“

Украинскиот претседател Володимир Зеленски подготвува презентација за Доналд Трамп во која ќе објасни како Украина би ги користела крстосувачките ракети „Томахавк“ доколку САД одобрат нивна испорака, објави Ројтерс повикувајќи се на висок извор.
Според агенцијата, Киев смета дека овие ракети со домет од над 1.600 километри би можеле да го променат текот на војната, овозможувајќи напади врз цели длабоко во Русија, вклучувајќи енергетски постројки и воени бази.
Сепак, не е извесно дали Трамп ќе ја прифати украинската аргументација. Тој вчера изјави дека на САД им се потребни сопствените залихи на „Томахавк“ и изрази загриженост поради нивното исцрпување.
Свет
Орбан и Путин разговарале за можниот самит со Трамп во Будимпешта

Унгарскиот премиер Виктор Орбан телефонски разговарал со рускиот претседател Владимир Путин за планираниот состанок меѓу Путин и американскиот претседател Доналд Трамп во Будимпешта, соопшти Кремљ. Според соопштението, иницијативата за разговорот дошла од унгарската страна.
„Орбан ја изрази подготвеноста да помогне во организирањето на можниот руско-американски самит во Будимпешта“, се наведува во соопштението на Кремљ.
Путин го информирал Орбан за неговиот неодамнешен телефонски разговор со Трамп и изјавил дека планираниот состанок ќе го искористи за дискусија околу „алгоритамот на понатамошни чекори“ со цел пронаоѓање начин за завршување на војната во Украина.
По разговорот, Орбан на социјалните мрежи напиша дека „подготовките се во полн ек“, очигледно алудирајќи на можниот самит во унгарската престолнина.
Трамп и Путин разговарале вчера, првпат по речиси два месеца. Американскиот претседател потоа најави дека планира состанок со рускиот лидер во Будимпешта — што би билa првa неговa посетa на главен град на земја членка на ЕУ од почетокот на инвазијата врз Украина.
Трамп изјави дека Путин не ја поддржува идејата САД да ѝ испорачаат на Украина ракети „Томахaвк“ и додаде дека „можеби сега не е совршен момент“ за воведување дополнителни санкции насочени кон руските енергетски приходи.