Црна хроника
На сила украл паричник и побегнал, уапсен 21-годишен прилепчанец
21-годишен прилепчанец бил уапсен откако со употреба на сила одзел паричник и побегнал, но случајни минувачи го спречиле и задржале, соопшти полицијата.
Имено денеска на плоштадот „Методија Андонов Ченто” во Прилеп, полициски службеници го лишиле од слобода Д.Р.(21) од Прилеп затоа што претходно со употреба на сила од Д.С. одзел паричник и се обидел да избега, но бил спречен и задржан од случајни минувачи.
Тој бил приведен во полициска станица и по целосно документирање на случајот против него ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Три лица од Непал го напуштиле хотелот во Охрид каде биле вработени, полицијата презема мерки за нивно пронаоѓање
Вчера во 09.45 часот во СВР Охрид е пријавено дека 29-годишниот С.С., 22-годишниот Д.С. и 20-годишниот Н.К., сите од Непал, го напуштиле хотелот каде биле сместени и биле вработени, извести СВР Охрид.
Се преземаат мерки за пронаоѓање на лицата.
Црна хроника
Тешко повреден охриѓанец: во обид да избегне директен судир со возило, изгубил контрола врз мопедот
Вчера во 13.40 часот, на крстосница на булеварот „Јане Сандански“ со улицата „Галичица“ во Охрид, 60-годишниот З.Ц. од Охрид, управувајќи мопед „пежо“ со охридски регистарски ознаки, во обид да избегне директен судар со патничко возило, кое претекнувало друго возило, изгубил контрола и паднал на коловоз, извести СВР Охрид.
„Притоа, тој се здобил со тешки телесни повреди констатирани во болницата „Св.Еразмо“ во Охрид. Полициската станица за безбедност во патниот сообраќај презема мерки за пронаоѓање на возачот на патничкото возило кој не застанал да му пружи помош на моторциклистот, туку веднаш го напуштил местото, по што ќе биде поднесена соодветна пријава“, соопшти СВР Охрид.
Увид на местото на несреќата извршија полициски екипи.
Црна хроника
21-годишник од Берово користел туѓа дебитна картичка за свои потреби
Надворешна канцеларија за криминалистички работи Берово поднесе кривична пријава против Б.З.(21) од Берово.
Тој според полицијата се сомничи за сторено кривично дело „оштетување и неовластено навлегување во компјутерски систем“.
Во периодот од 03.06. до 11.06.2024, пријавениот во повеќе наврати користел дебитна картичка на друго лице и вршел плаќања за свои потреби.