Свет
(Видео) Очевидци за крвавиот настан во Копенхаген: Ги мамеше луѓето да му се приближат
Напаѓачаот од Копенхаген се обидел да ги намами жртвите велејќи им дека неговото оружје е лажно, за да ги натера да му пријдат, раскажуваат сведоци на ужасниот чин што ја потресе Данска.
„Беше доволно психопат да лови луѓе, но не трчаше“, изјави очевидец за јавната телевизија ДР.
Кога одекнаа првите истрели, стотици луѓе се упатија кон излезот, покажаа снимките, додека други се сокрија во трговскиот центар.
#BREAKING: Several people dead after mass shooting at shopping centre in Copenhagen, Danish police say; suspect custody
— I.E.N. (@BreakingIEN) July 3, 2022
„Одеднаш слушнавме истрели и брзо истрчавме во ходникот“, вели Изабела, која останала скриена два часа.
„Се плашев, многумина плачеа“, додаде таа.
Градоначалникот на Копенхаген изјави дека е формиран кризен штаб и дека е пружена психолошка помош.
„Ќерките планираа да одат на концертот на Хари Стајлс. Ми се јавија од ресторанот и ми рекоа дека некој пука“, изјавил за АФП, Ханс Кристијан Столц, 53-годишен Швеѓанец, кој дошол да ги земе своите деца на местото на настанот.
#BREAKING: Police responding to reported shooting incident at shopping centre in Copenhagen, Denmark
— I.E.N. (@BreakingIEN) July 3, 2022
„Прво мислевме дека луѓето трчаат затоа што го виделе Хари, а потоа сфативме дека луѓето се во паника и дека трчаат да си го спасат животот“, изјавила неговата ќерка Касандра.
„Јас и мојот тим се молиме за загинатите во трговскиот центар во Копенхаген. Згрозен сум“, напиша британскиот пејач на „Снепчет“.
I’m heartbroken along with the people of Copenhagen. I adore this city. The people are so warm and full of love.
I’m devastated for the victims, their families, and everyone hurting.
I’m sorry we couldn’t be together. Please look after each other. H
— Harry Styles. (@Harry_Styles) July 3, 2022
Данскиот премиер го осуди „суровиот напад“ во трговскиот центар каде што имало возрасни, млади и деца. Данската кралица Маргарет Втора и неколку странски лидери испратија сочувство, како и организацискиот одбор на велосипедската трка Тур де Франс.
Последниот напад во Копенхаген се случи на 14 и 15 февруари 2015 година, кога две лица беа убиени, а петмина ранети во неколку престрелки мотивирани од исламисти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Иран воведе санкции кон САД и Велика Британија поради поддршката кон Израел
Иранските власти денеска објавија дека воведуваат санкции против неколку американски и британски поединци и субјекти поради нивната поддршка на Израел во војната против палестинското движење Хамас во Појасот Газа.
Иранската дипломатија соопшти дека санкциите се однесуваат на седум Американци, меѓу кои и генералот Брајан Фентон, шеф на командата за специјални операции и вицеадмиралот Бред Купер, поранешен шеф на американските поморски сили на Блискиот Исток.
Од британските функционери и субјекти цел на санкциите се министерот за одбрана Грант Шапс и британската кралска морнарица во Црвеното Море.
Санкции беа најавени и против американските компании „Локид Мартин“ и „Шеврон“ и британските компании „Елбит системс“, „Паркер Мегит“ и „Рафаел УК“.
Иранското Министерство за надворешни работи додаде дека санкциите вклучуваат „блокирање на сметки и трансакции во иранскиот финансиски и банкарски систем, блокирање на средства под јурисдикција на Иран, како и забрана за издавање визи и влез на иранска територија“.
Влијанието на овие мерки врз поединци или субјекти, како и врз можните средства или трансакции со Иран, сепак, останува неизвесно.
Од почетокот на војната во Појасот Газа, предизвикана на 7 октомври со нападот на палестинското исламистичко движење Хамас на израелска територија, нагло се зголемија тензиите меѓу Израел од една страна и Иран и неговите сојузници, особено либанскиот Хезболах, од друга.
Ситуацијата се вжешти на 13 април, кога Иран изврши напад врз Израел, со 350 беспилотни летала и проектили, од кои повеќето беа пресретнати со помош на САД и други земји.
Иранските власти тогаш објавија дека дејствувале во „самоодбрана“ по смртоносниот напад што му се припишува на Израел врз иранскиот конзулат во Дамаск на 1 април.
Свет
Нетанјаху: Ако Евреите не се заштитат самите, никој нема да ги заштити
Евреите мора да бидат способни да се „одбранат“ бидејќи никој нема да ги заштити, изјави денеска израелскиот премиер Бенјамин Нетанјаху, додека се повеќе се креваат гласови против војната што Израел ја води во Појасот Газа.
„Ако треба да се браниме, ќе се браниме. Ако е можно да се мобилизираат „оние што не се Евреи“, тоа е добро. Но, ако не се заштитиме, никој нема да го направи тоа“, рече Нетанјаху.
Премиерот ова го изјави на приемот на преживеаните од нацистичкиот геноцид кои во недела ќе учествуваат на церемонијата на Денот на сеќавањето на Холокаустот во меморијалниот центар Јад Вашем.
Разорната војна што Израел ја започна во Појасот Газа како одмазда за нападот на палестинското движење Хамас на 7 октомври во Израел предизвикува зголемени критики ширум светот.
Осврнувајќи се на студентското движење во знак на солидарност со Палестинците во градовите на американските колеџи, Нетанјаху рече дека ги осудува „страшните демонстрации на антисемитските орди кои повикуваат на уништување на Израел и ги напаѓаат еврејските студенти и професори“.
Нетанјаху, исто така, се соочува со отворено меѓународно противење на неговата намера да започне голема офанзива врз градот Рафах, во јужниот дел на Појасот Газа.
Тоа е засолниште за еден и пол милион Палестинци, од кои огромното мнозинство се раселени поради војната, додека израелските власти сметаат дека градот е последното упориште на борците на Хамас.
Свет
Трамп: Погледнете ги Лондон и Париз, тие се непрепознатливи
Поранешниот американски претседател Доналд Трамп изјави за време на предизборниот митинг во Висконсин дека Лондон и Париз се „непрепознатливи“, пренесува „Politico“.
„Видовме што се случи кога Европа ги отвори вратите за џихад. Погледнете го Париз, погледнете го Лондон. Тие се непрепознатливи“, рече Трамп, кој ќе се кандидира за нов мандат во Белата куќа на претседателските избори во ноември годинава.
„Ќе влезам во многу проблеми со луѓето во Париз и луѓето во Лондон, но знаете што, тоа е факт. Тие се непрепознатливи и не можеме да дозволиме тоа да и се случи на нашата земја. Имаме неверојатна култура, традиција. Не можеме да дозволиме тоа да се случи овде и никогаш нема да дозволам да им се случи на Соединетите Американски Држави“, рече тој.
Трамп често ги критикуваше европските земји. Во декември 2015 година, набргу откако Париз беше погоден од смртоносен исламистички терористички напад, тој рече дека населбите во Париз и Лондон се толку опасни што полицијата одбила да оди таму. Во тоа време, Трамп го бранеше својот план „целосно да им забрани на муслиманите да влезат во САД“.
И покрај тоа што беше критикуван за тие забелешки, Трамп продолжи да ја брани својата позиција. „Вистинскиот Париз е различен од Градот на светлината за кој читате. Има области во Париз каде луѓето се толку радикализирани и толку злобни, што полицијата одбива да оди таму. Тие нема да одат таму. Тоа ќе се случи на нашата земја“, предупреди тој.
Во јануари 2016 година тој изјави дека животот во Брисел е како да живееш во „пекол“ поради недостаток на „асимилација“ на муслиманското население.