Свет
(Видео) Поплави во Сиднеј, се евакуираат илјадници луѓе – најавени се поинтензивни врнежи
Наредба за евакуација е издадена за десетици илјади жители на Сиднеј, откако обилните врнежи поплавија неколку населби во најголемиот град во Австралија, а метеоролозите предупредија на поинтензивни врнежи.
Областа со низок воздушен притисок над источниот брег на Австралија ќе донесе повеќе дождови во текот на денот, особено во државата Нов Јужен Велс, објави „Ројтерс“.
Околу 30.000 жители на Нов Јужен Велс мора да се евакуираат, а фрустрацијата достигна врв во некои населби во Сиднеј, откако поплавите по трет пат оваа година потопија домови, фарми и мостови, додава британската новинска агенција.
„Ова е поразително, во неверување сме. Повеќето луѓе штотуку закрепнаа од претходната поплава, ги поставија своите домови, деловни активности и, за жал, мораме да кажеме дека тоа се повторува“ – изјави Тереза Фидели, градоначалничка на градот Камден, кој се наоѓа на 65 километри од деловниот центар од Сиднеј.
Засега нема информации за смртни случаи, а надлежните ги повикаа граѓаните да ги напуштат домовите и да ги избегнуваат поплавените патишта.
Метеоролозите проценуваат дека во следните 24 часа на потег од 300 километри во Нов Јужен Велс, од Њукасл до јужниот дел на Сиднеј, би можеле да наврнат околу 100 милиметри дожд на метар квадратен.
Наврнаа повеќе од 200 милиметри дожд во многу области, а на некои места и до 350 милиметри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Тешка сообраќајка кај Загреб, има загинати, пристигна и хеликоптерот на Брзата помош
Тешка сообраќајна несреќа се случи денеска околу 17 часот на патот меѓу Клоштар Иваниќ и Дубрава.
Според првите информации, во судирот на два автомобили загинало најмалку едно лице, а на повредените им пристигнале пожарникарите и итната медицинска помош од хеликоптер, пренесува порталот Пригорски.хр.
Патот е затворен за сообраќај, а деталите за трагедијата ќе бидат познати по полициската истрага.
Свет
Бајден: Можна е општа војна на Блискиот Исток, но можно е и да се дојде до решение
Американскиот претседател Џозеф Бајден изјави денеска дека е можна општа војна на Блискиот Исток, но дека постои и можност да се постигне решение за конфликтите на Израел во Газа и со Хезболах.
„Општа војна е можна, но мислам дека има и можност – сè уште сме во игра да постигнеме решение што може суштински да го промени целиот регион“, изјави Бајден за ABC.
Бајден рече дека е „мирен“ во врска со неговата одлука да се откаже од претседателската трка во 2024 година.
Свет
Команда на украинската армија: Сите Украинци на возраст од 18 до 60 години можат да се борат
Командата на украинската копнена армија соопшти дека се донесени нови одлуки во врска со мобилизацијата на Украинците и дека сите граѓани на возраст од 18 до 60 години можат доброволно да учествуваат во борбата против руските сили.
Командата наведува дека не може јавно да ги соопшти деталите бидејќи, како што истакнува, „слободниот пристап до прашањата за регрутирање единици ја проширува способноста на непријателот да ги процени нашите ресурси и планови“, пренесе агенцијата УНИАН.
Старосната граница за мобилизација во Украина е намалена во мај годинава од 27 на 25 години.