Спорт
Пабло Ласо поради инфарктот ќе паузира една година
Трофејниот тренер на Реал Мадрид, Пабло Ласо, на крајот од претходната сезона доживеа срцев удар, но за среќа неговата состојба брзо се стабилизира и по еден ден беше пуштен од болница. Неговата рехабилитација се одвива според планот, но 54-годишниот Баскиец се уште нема да се врати во „натпреварувачкиот ритам“.
Реал во во плеј-офот во АЦБ лигата го предводеше првиот помошник на Ласо, Хесус „Чус“ Матео. На крајот Реал ја освои титулата во Шпанија. „Кралскиот клуб“, во финалето на плеј-офот го совлада најголемиот ривал Барселона со 3-1 во победи.
Како што пренесува шпанска „Марка“, Реал е подготвен да му ја плати на Ласо последната година од договорот, иако тој нема да го води клубот и дека тимот има намера да ја продолжи соработката со тренерот, иако неговото здравје е приоритет.
Поради ова, имаше информации дека Ласо може да ја пропушти наредната сезона за да ги слуша советите на лекарот и да се одмори.
Реал не сака ништо да ризикува, а многумина се сеќаваат на ситуацијата од 1991 година кога поради срцев удар што го доживеа за време на финалето на „Купот на Радивој Кораќ“, почина тренерот на оваа екипа Игнасио Пинедо.
Ласо е на кормилото на Реал Мадрид од 2011 година, а претходно беше тренер на Кастељо, Памеса, Кантаприја и Гипускоа. Со Реал е двократен освојувач на Евролигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Салах му викал на Клоп: Ќе добијам црвен картон
Вест Хем и Ливерпул во Лондон минатата сабота одиграа 2:2 во 35. коло од Премиер лигата.
Тренерот на Ливерпул, Јирген Клоп, направи тројна замена две минути откако неговиот тим го прими вториот гол. Меѓу другите, во тој момент во игра влезе и најголемата ѕвезда на Ливерпул, Мохамед Салах.
Репрезентативецот на Египет пред да стапне на теренот влезе во жестока расправија со Клоп, тој момент го уловија камерите.
Англиските медиуми се занимаваа со ситуацијата неколку дена по натпреварот, анагжираа професионален читач од усни.
Тој откри дека Клоп го прекорувал Салах затоа што бил премногу бавен за да се подготви за натпреварот, по што почнала расправијата.
„Не можам да сторам ништо околу тоа“, рекол Салах, а одговорот на Клоп не е забележан на камерите. Меѓутоа рекол нешто што го вознемирило Салах, толку многу, што почна да вика дека ќе добие црвен картон кога ќе влезе:
„Ќе, ќе добијам црвен картон. По седум години, по седум години играње, по седум години играње“, викал египетскиот напаѓач.
Потоа ситуацијата ја смири соиграчот Дарвин Нуњез.
По натпреварот, Салах прошета низ микс зоната, но одби да одговара на новинарски прашања.
Само кратко им дофрли на насобраните новнари: „Ако зборувам денеска, ќе има оган“.
Спорт
Роналдо го продаде Крузеиро
Легендарниот бразилски фудбалер Роналдо ја објави продажбата на Крузеиро. Сопственик на клубот во кој ја започна кариерата, Роналдо стана пред две години.
„Мојата мисија е остварена. Целта беше да се обнови Крузеиро, да се врати таму каде што припаѓа и да се предаде на вистинската личност“, рече светскиот шампион од 2002 година на прес-конференција во Бело Хоризонте.
Со него беше и новиот сопственик на клубот, Педро Лоуренсо, милионер кој раководи со еден од главните супермаркети во земјата.
Детали за продажбата не се откриени, но локалните медиуми јавуваат дека новиот сопственик, како и неговиот претходник, ќе има 90 отсто од акциите за сума која се проценува на 600 милиони реали (110 милиони евра).
Во декември 2021 година, Роналдо се здоби со 90 отсто од акциите на Крузеиро, клубот во кој ја започна својата кариера во 1993 година, за сума од околу 400 милиони реали.
Четирикратниот бразилски шампион и двократниот победник на Копа Либертадорес, Крузеиро, во периодот пред Роналдо минуваше низ финансиска, поради што клубот во 2019 година испадна од бразилската Серија А.
Крузеиро веднаш се врати во елитата под водство на Роналдо, кој го преполови долгот на клубот, моментално седми во бразилското првенство.
Поранешниот играч на ПСВ, Интер, Барселона и Реал Мадрид сепак беше мета на критики минатата година за резултатите кои се сметаа за разочарувачки бидејќи Крузеиро ја заврши сезоната на 14. место.
„Крузеиро беше на интензивна нега и сега удобно одмара во болнички кревет“, рече Роналдо и му го предаде клубот на Лоуренсо.
Инаку, според најавите Роналдо се подготтвува да го продаде и втроиот тим, кој се наоѓа во неговат сопственост. Станува збор за шпанскитиот вторлигаш, Ваљадолид.
Спорт
Браќата го гледаа Никола Јокиќ изолирани од другите навивачи
Никола Јокиќ и Денвер успеаја да се пласираат во конференциското полуфинале, откако во пет натпревари го елиминираа ЛА Лејкерс.
Петтиот натпревар од серијата избраниците на Мајк Мелоун победија со 108:106 со кошот на Џамал Мареј, а Јокиќ беше на прагот на трипл-дабл 25 поени, 20 скокови, девет асистенции).
Во „Бол арена“, во Денвер, изолирани од останатите навивачи на трибините, натпреварот го следеа браќата на Никола Јокиќ.
Минатата недела, во натпреварот број 2, постариот брат Страхиња удри навивач на трибините.
Браќата на Јокиќ добија места во најгорните редови, изолирани од навивачите и со празни седишта околу нив, што беше начин на Денвер да спречи нов потенцијален инцидент.
Да потсетиме, поради целата ситуација од претходниот меч во „Бол арена“, НБА одлучи да покрене истрага, а локалната полиција се обиде да го пронајде човекот кој го удри Страхиња.
— OvoOno (@OvoOnoX) April 30, 2024