Спорт
Синистера го потпиша договор со Лидс – Клубот на нови играчи потроши 105 милиони евра
Лидс јунајтед нема намера да му се повтори минатата сезона кога во последното коло се спаси од испаѓање од Премиер лигата. Клубот од „Елан роуд“ од почетокот на преодниот рок е најактивен од сите премиерлигаши на трансфер пазарот. Во четвртокот Лидс го донесе и петтото засилување за новата сезона. Досега на трансфери Лидс потроши 105.000.000 евра.
Колумбиецот Луис Синистера го стави својот потпис на петгодишниот договор со Лидс. За 23-годишниот крилен напаѓач, Лидс на Феенорд му плати 25.000.000 евра.
Синистера во екипата треба да го замени Бразилецот Рафиња. Од почетокот на преодниот рок за потписот на Бразилецот се тркаат Челси, Арсенал и Барселона. Челси нудат најмногу пари, Лидс ја прифати понудата, но Рафиња посакува трансфер во Барселона.
Пред Синистера во Лидс потпиша договори со Брендон Андерсон од Слацбург за 32.840.000 евра, Тајлер Адамс од Лајпциг за 17.000.000 евра, Расмус Кристенсен од Салцбург за 13.000.000 евра и Марк Рока од Баерн Минхен за 12.000.000 евра.
Парите за новите трансфери Лидс ќе ги извади од продажбите на Рафиња, трансферот не би требало да биде помал од 60.000.000 милиони евра и Калвин Филипс кој замина во Манчестер сити 48.000.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: Не одлучувам јас дали ќе го напуштам Челзи
Тренерот на Челзи, Маурисио Покетино изјави дека не е сигурен дали ќе има време да го врати клубот на врвот на англискиот фудбал.
Челзи на домашен терен го победи Тотенхем со 2:0 во натпреварот од Премиер лигата и ги задржа шансите за пласман во европските натпреварувања.
„Сините“, речиси цела сезона се справуваат со повреди, а во моментов дури 14 играчи поради повреди се надвор од тимот. Се шпекулира дека аргентинскиот стручњак би можел да го напушти клубот на крајот на сезоната.Тој не сакаше да одговори на ова прашање.
„Мислам дека е доста“, изјави Покетино за Скај на прашањето за шпекулациите околу неговата иднина.
„На сите тренери им треба време за да пренесат идеи и филозофии. Уште повеќе кога екипата е ваква. Ни треба време. Тоа не е моја одлука. Тешко е бидејќи секоја недела сум под лупа. Но, тоа не е моја одлука. Ако сакаме да испишеме историја со Челси, не чека многу работа. Ќе бидиме дали ќе имаме доволно време“.
Челзи моментално е осмо на табелата со 51 бод од 34 натпревари во Премиер лигата и заостанува три бода зад шестопласираниот Манчестер Јунајтед, кој го држи последното место кое обезбедуа пласман во европските купови.
Спорт
Тренерот на Бенфика сега е прв фаворит за нов тренер на Баерн
Баерн беше подготвен да го претстави Ралф Рангник како тренер кој ќе го наследи Томас Тухел следната сезона, но австрискиот тренер се премисли во последен момент и реши да остане на кормилото на репрезентацијата на Австрија. Претходно Баерн го одбија Чаби Алонсо и Јулијан Нагелсман.
Баерн ја продолжува потрагата по наследникот на Тухел, а според „Билд“ следен кандидат е Роџер Шмит (57), актуелниот тренер на Бенфика.
„Билд“ тврди дека Баерн сега со сите сили ќе тргне по Шмит, чиј договор со Бенфика е со важност до 2026 година и има откупна клаузула од 30 милиони евра. Сепак, португалскиот клуб наводно не е целосно задоволен од неговата работа, па постои можност Баерн да го добие на друг начин, наместо да плати голема сума.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“