Шампионот на НБА, Оклахома Тандер, остана единствениот непоразен тим во новата сезона.

Тандер до седмата победа во исто толку натпревари дојдоа против слабиот Њу Орлеанс со 137:106. Њу Орлеанс заедно со Бруклин Нетс, останаа единствената франшиза без триумф во сезоната досега.

МВП-то од минатата сезона, Шеј Гилџис Александар, постигна 30 поени, со совршени 13/13 од линијата за слободни фрлања. Шеј влезе во аналите како трет кошаркар со најдолга серија од „20+“ поени. Тој го стигна Оскар Робертсон со 79 врзани натпревари, со споменатиот број поени, додека само Вилт Чемберлен (92 и 126) има подолга серија од Канаѓанецот.

Во триумфот, помош доби од Вигинс (15), Хартенштајн (14), Џо (14) и Волас 13 поени. Зајон Вилијамсон постигна 20 поени како најефикасен играч во тимот што загуби, но промаши половина од своите 12 слободни фрлања.

Сан Антонио и Чикаго ги претрпеа своите први порази во сезоната.

Феникс Санс ги декласираа Спарс во Аризона со 130:118, а Виктор Вембањама постигна само 9 поени (4/14 шут, 1/5 за три), заедно со девет скока и четири блокади, но и шест загубени топки.

Само Стефон Касл со 26 поени беше на исто ниво во Сан Антонио. Девон Букер го предводеше Феникс со 28 поени и 13 асистенции. Санс постигнаа 19 тројки од 33 обиди.

По пет последователни победи, Чикаго Булс го положија оружјето во Њујорк. Никс славеа со 128:116.

Шестмина кај Њујорк имаа двоцифрен број на постигнати поени. Ги предводеше најефикасниот Џејлен Бренсон со 32 поени, Ануноби додаде 21, Таунс 20. Џош Гиди беше најефикасен кај Булс со 23 поени, Никола Вучевиќ забележа дабл-дабл од 17 поени и 14 скока (3/4 за три). Никсите постигнаа 20 тројки од 42 обиди, а Булс 17 од 40.

Килијан Мбапе го израмни рекордот поставен од Кристијано Роналдо додека играше за Реал Мадрид.

Францускиот фудбалер беше двоен стрелец на натпреварот против Валенсија, што беше негов осми натпревар по ред во кој успеа да постигне гол.

Го израмни рекордот на Португалецот, разликата е само што Роналдо постигна 19 гола во осум последователни натпревари, додека Мбапе стигна до бројката од десет гола.

Следниот рекорд би можел да биде ако Мбапе постигне гол против Елче и Џирона.

Откако пристигна во шпанската престолнина, светскиот шампион од 2018 година одигра 73 натпревари, со учинок од 62 гола и седум асистенции.

Лука Дончиќ блеска на почетокот на НБА сезоната, прва што ја игра во Лејкерси од самиот почеток. Тимот, кој сè уште е без Леброн Џејмс, го предводеше до домашна победа од 130:120 над Мајами Хит.

И кога Дончиќ шутира под просекот од поле (9/22) и катастрофално за тројки (1/11), успева да постигне учинок за историјата на најсилната лига.

Дончиќ влезе во историјата и покрај лошиот шут од поле. Го надомести тоа со 10 од 12 погоден слободни фрлања, натпреварот го заврши со 29 поени. Словенецот го запиша првиот трипл дабл во сезоната, на 29-те поени им придодаде 11 скокови и 10 асистенции.

Дончиќ ја отвори сезоната со 43 поени против Голден Стејт, по што ја наполни Минесота со 49 поени. Потоа, по пауза од три натпревари поради повреди на прстите и ногата, тој се врати со 44 поени против Гризлис.

Luka Doncic through 4 games:

41.3 PPG
11.5 RPG
8.3 APG
67.2% TS pic.twitter.com/W0zCXS0Pvl

— Real Sports (@realapp) November 3, 2025

НБА откри на официјалните канали дека Дончиќ му се придружил на Вилт Чемберлен. Овие двајца се единствените во историјата на најсилната лига што ја отвориле сезоната со три последователни натпревари во кои постигнале 40 поени. По пат, Дончиќ стана првиот НБА играч од 1961 година што отворил сезона со три натпревари со повеќе од 40 поени.

Сега, со 29 поени против Мајами, тој ја принуди најсилната лига во светот повторно да посегне по архивите за да најде кога последен пат некој ја отворил сезоната вака.

„Дончиќ постигна 165 поени во првите четири натпревари од сезоната. Тоа е најмногу од Вилт Чемберлен во 1962 година.“

По пат, Дончиќ стана рекордер за Лејкерси. Кон крајот на натпреварот против Мајами, статистиката откри во преносот дека тој ги надминал Џери Вест, Коби Брајант, Остин Ривс и Елгин Бејлор со неверојатен број поени во првите четири натпревари.

Luka Doncic has the most points through 4 games to start a season in Lakers history.#LakeShow pic.twitter.com/1vsjoKE3ki

— 🎗NBA•Fan🎗 (@Klutch_23) November 3, 2025

Покрај Дончиќ во победата над Мајами се истакнаа Остин Ривс со 26 поени и 11 асистенции и Џејк ЛаРавија со 25 поени и осум скока. Кај Мајами, најистакнат беше Хаиме Хакез со 31 поен и осум скока.