Европа
Трамп: Маск е измамник; Маск: Трамп е премногу стар за да биде следниот претседател
Доналд Трамп ги засили своите напади врз извршниот директор на Tesla Inc., Илон Маск, откако тој рече дека Трамп е премногу стар за да стане следниот американски претседател и дека треба да плови кон зајдисонцето, пренесуваат американските гласила.
Поранешниот американски претседател рече дека Маск го молел за владини субвенции во порака на неговата апликација за социјалните мрежи Truth Social.
„Кога Илон Маск дојде во Белата куќа барајќи од мене помош за сите негови многубројни субвенционирани проекти, без разлика дали тоа се електрични автомобили што не возат доволно далеку, автомобили со автопилот што се судираат или ракети што не стигнуваат никаде и без кои субвенцијата немаше вредност, тој ми рече дека е голем обожавател на Трамп и републиканец. Можев да кажам ‘клекни на колена и моли се’ и тој ќе го направеше тоа“, напиша Трамп.
Oh, man, we’re really going to do this. What happens the two most volatile social media accounts collide? pic.twitter.com/PK381Uab0H
— Ashlee Vance (@ashleevance) July 12, 2022
Како одговор Маск на „Твитер“ напиша Lmaooo – кратенка што на социјалните мрежи се толкува како умирање од смеа.
Маск во понеделникот изјави: „Не го мразам човекот, но време е Трамп да ја закачи капата и да заплови кон зајдисонцето“. Маск претходно изјави дека е склон да го поддржи гувернерот на Флорида, Рон де Сантис, за претседател во 2024 година и оцени дека Де Сантис лесно ќе го победи претседателот Џо Бајден на изборите.
Забелешките на Маск беа одговор на коментарите на Трамп на политичкиот митинг во саботата, каде што тој го нарече Маск ултимативен лажго затоа што тврдеше дека никогаш не гласал за републиканец до јуни оваа година.
„Ми кажа дека гласал за мене“, изјавил Трамп, според медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Русите по две години ослободија млада Украинка: „Ја мачеа, ја изгладнуваа“
Во рамките на 52-та размена на воени заробеници, Русите ја ослободија Маријана Чечељук, 24-годишна полицајка на Националната полиција на Украина (НПУ) од Мариупол. Таа беше во заробеништво повеќе од две години. По почетокот на инвазијата на Украина, Маријана и нејзината помлада сестра се сокриле во фабриката за челик Азовстал, пишува Украинска Правда.
Кога цивилите беа евакуирани од фабриката за челик, тие беа однесени во руски филтрационен камп. Русите, откако дознале за нејзината професија, ја пренеле во истражниот затвор во Доњецк. После тоа, извесно време била задржана во затворскиот логор во Оленивка, а потоа испратена во затворите во Таганрог и Мариупол.
„Се обидоа да ја придобијат ќерка ми, и понудија голема плата, ја заплашија. Но таа одби“, изјави мајката на Маријана, Наталија Чечељук за весникот ЗМИНА во јануари. Мајката на приведената полицајка рече дека Маријана била изгладнувана, тепана и малтретирана на различни начини.
Здравјето и се влошило поради затворските услови – респираторните заболувања и болките во грлото се претвориле во хронична форма на бронхитис.
„Маријана ослабе многу, имунитетот ѝ ослабна, косата почна да ѝ опаѓа, менструацијата ја изгуби“, вели мајката.
Наталија постојано и пишувала на ќерката, но Маријана не добивала писма. Долго време таа не знаела што се случува со нејзиното семејство, дали се добро и каде се. Кога Координативниот штаб за воени затвореници објави видео од ослободените воени заробеници, исто така, се гледа како Маријана плаче кога првпат и се јавува на мајка си.
Во рамките на оваа размена беа ослободени 70 мажи и пет жени. Најмалку една третина од воените затвореници имаат повреди, сериозни болести или инвалидитет.
Европа
Холандија и подари на Украина 24 авиони Ф-16: „Употребата не е ограничена“
Холандија дава 24 ловци Ф-16 на украинските воздухопловни сили што ќе може да ги користи и против цели во Русија.
„Ограничувањата за тоа каде Украина може да ги користи никогаш не беа дискутирани“, рече холандската министерка за надворешни работи Ханке Бруинс СлотБруинс Слот, додавајќи дека употребата не е ограничена ни на границата во близина на Харков.
Министерката во заминување ги негира претходните извештаи дека САД треба да ја одобрат испораката на овие ловци.
Украина очекува да добие 30 белгиски Ф-16, но може да ги користи само против цели во Украина, бидејќи тоа се услови поставени од Белгија.
Европа
(Видео) Зеленски во Шведска: Само заедно можеме да го запреме лудилото од Москва
Украинскиот претседател Володимир Зеленски денеска потпиша билатерален безбедносен договор со Шведска, еден од трите планирани со нордиските земји, бидејќи бара дополнителна воена поддршка од Западот во војната против Русија.
Соопштението доаѓа додека западните земји дебатираат дали да и дозволат на Украина да користи западно оружје за да нападне воени цели во Русија, поддржувајќи офанзива врз североисточниот украински град Харков.
„Можете да видите дека Русија се обидува да ја прошири војната… Само заедно можеме да го запреме лудилото од Москва“, рече Зеленски на потпишувањето на договорот, 13-ти таков договор што Киев го потпиша со западна земја.
Зеленски рече дека ќе потпише билатерални договори и со Норвешка и Исланд.
Воздушната одбрана, производството на муниција и заедничкото производство на оружје се на врвот на агендата на петочниот самит меѓу Зеленски и премиерите на Шведска, Норвешка, Данска и Исланд и претседателот на Финска.
Сите нордиски земји, кои цврсто ја поддржуваат Украина, се членки на НАТО.
„Постојано се повторува, вие буквално не се борите само за сопствената слобода, туку и за нашата слобода и нашата безбедност“, рече шведскиот премиер Улф Кристерсон.
„Ова е причината зошто поддршката на Украина е толку фундаментална, егзистенцијална задача за Шведска и за сите други нордиски земји“, додаде тој.
Претходно овој месец, Шведска соопшти дека се согласила за дополнителна воена помош за Украина во вкупна вредност од 7 милијарди долари во текот на три години, додека во последните недели Норвешка преговараше за билатерален безбедносен договор со Киев.
Данска и Финска веќе потпишаа 10-годишни безбедносни договори со Украина во февруари и април, соодветно.