Македонија
(Видео) Пешевска: Маричиќ не го прашувам бидејќи, освен бифтеци, ништо друго не го интересира
Пратеничката Жаклина Пешевска од ВМРО-ДПМНЕ постави низа прашања до министерот Бујар Османи, премиерот Димитар Ковачевски и до пратениците од помалите партии, дел од владината коалиција. Прашање немаше само за вицепремиерот Маричиќ за кого рече: „Него, освен бифтеци, не го интересира ништо друго“.
Прашањето до Мисовски, Мираковска и до Панчо Минов беше дали ќе гласаат за предлогот за уште некоја функција, а Мартин Костовски доби прашање: „Ќе го гласате ли овој предлог во замена за ослободување од гонење поради Законот за јазиците, кој го објавивте без потпис на претседателот?“ Таа смета дека пратениците се пазарат. На седницата продолжи праксата со кинење на листовите на кој е францускиот предлог.
„Собранието е параван на оваа Влада и купување време за да ја подели одговорноста со нас пратениците за документи за кои не сме консултирани, прашани, туку брутално заобиколени. Информации дознававме од Бугарија. Оваа Влада не покажа државничко однесување за заштита на државните интереси. Молчеше кога Бугарија имаше територијални претензии кон Македонија. За сето ова, можам да ви порачам дека за да ве ценат и почитуваат другите, треба да се цените и почитувате самите себе. Вие се потценивте лично, но и народот. Поништивте малцинство во Грција, сега во Бугарија“, рече Пешевска.
Таа го праша министерот Бујар Османи: „Ти Бујаре што направи за земјата што ти понуди сè? Детство, образование, функции“, па беше прекината од Талат Џафери, кој ѝ рече: „Жаклина, министерот има име и презиме, ако не, ќе му се обраќаш со име и презиме. Коректно ако треба да бидеме. Министерот за надворешни работи е Бујар Османи, а не ти Бујарее“.
Пратеничката имаше прашање и до премиерот Ковачевски: „Дали ќе дозволите да бидете премиер на Чакаларовци или генерација на Јуди бидејќи Јуда и по 2022 лета господови, останаа предавник и ништо друго“.
„Маричиќ не е тука и не го прашувам бидејќи, освен бифтеци, ништо друго не го интересира“, констатира Пешевска.
На крајот од обраќањето пратеничката ја праша и претседателката на ЕК, Урсула фон дер Лаен, дали би потпишала договор со кој би се довел во прашање нејзиниот идентитет и јазик?
„Со овој лист хартија ќе ја погребате Република Македонија“, додаде таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.