Спорт
Шахтјор од ФИФА бара 50 милиони евра
Украинскиот клуб Шахтјор бара од Светската фудбалска асоцијација (ФИФА) 50 милиони евра. Шахтјор оштетата ја бара пред Судот за спортска арбитража во Лозана.
Тимот од Доњецк се жали на одлуката на ФИФА да им дозволи на странските фудбалери во Украина еднострано да ги раскинат договорите и да ги напуштат клубовите поради воената состојба.
13. кратниот шампион на Украина на почетокот на овој месец ја поднел тужбата.
Шахтјор протестира против одлуката донесена на 21. јуни, во која се вели дека тренерите и играчите имаат право да ги прекинат договорите со украинските клубови до 30. јуни 2023 година, освен ако не се постигне договор меѓу играчите и тренерите и нивните сегашни клубови до 30. јуни оваа година.
Ова му создаде посебен проблем на тимот кој отсекогаш бил познат како „Легија на странци“ со голем број Бразилци. Во моментот кога ФИФА ја донесе одлуката во Шахтјор имаше 14 фудбалери од странство.
Финансиските средства на клубот веќе беа исцрпени поради инвазијата на Русија и прекинот на сите натпреварувања, па затоа клубот сакаше да ги продаде своите странци за да преживее.
Поради ова Шахтјор веќе почна да продава странци, а беа во активни преговори со бројни клубови. Меѓутоа, кога ФИФА ја донесе одлуката, сите преговори што ги водел клубот пропаднале.
На украинскиот клуб му остана само уште една недела да ги продаде сите играчи, но најголемиот проблем беше што сите други знаеја дека можат да чекаат само седум дена и потоа да донесат кој било од Шајтор без никаков надомест.
„Поради одлуката на ФИФА, Шахтјор ја загуби шансата да продаде четворица странци за вкупно 50 милиони евра“, изјави извршниот директор Сергеј Палкин.
Добрата вест за Украинците во овој хаос е што сите фудбалери ќе мора да се вратат во клубот во јуни 2023 година кога ова правило ќе престане да важи.
Сепак, тука има проблем, бидејќи тоа ќе ги доведе повеќето од тие играчи на дофат или на самиот крај на нивните договори, па практично веднаш ќе станат слободни да најдат нова средина.
Палкин потсети и на примерот со 22-годишниот дефанзивец Тете, кој требаше да се пресели во Лион за околу 23,5 милиони евра.
Поради правилата на ФИФА, тој таму замина на позајмица без обештетување, а договорот му истекува во декември 2023 година, што значи дека по неговото враќање во Шахтјор никој нема да сака да плати за да го доведе во тој момент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дали е Баерн оштетен во последните секунди од натпреварот?
Фудбалерите на Реал Мадрид се пласираа во финалето на Лигата на шампионите каде на 1.јуни за титулата ќе се борат со Борусија Дортмунд.
Вечерва на „Сантијаго Бернабеу“, Реал повторно режираше нестварен пресврт и со головите на Хоселу во 88. и 91.минута го победи Баерн со 2:1.
Сепак, сенка на феноменалното полуфинале фрли помошникот на Симон Марчињак, Томаш Листкиевич, кој во последната минута од судиското надополнување реши да го прекине нападот на Баварците поради дискутабилен офсајд.
Во последните секунди Де Лихт погоди по додавањето на Милер, но помошникот во ситуацојата која беше „тесна“ реши да го крене знамецето.
Протоколот предвидува линискиот судија да ја остави акцијата да заврши, за доколку е постигнат гол, подоцна со помош на ВАР да се утврди дали голот бил регуларен или не.
Овде судијата не го направи тоа, па фудбалерите на Баерн, но и тренерот Томас Тухел целосно ги загубија нервите.
Спорт
Олимпијакос е последниот патник на завршниот турнир – Грците ја добија мајсторката во Барселона
Кошаркарите на Олимпијакос ја совладаа Барселона, во мајсторката одиграна во Каталонија со 63:59 и се пласираа на завршниот турнир во Евролигата, кој ќе се одржи од 24-26. ќе се одржи во Берлин во мај.
Грчкиот тим, кој вторпат победи на гостински терен во четвртфиналната серија со Барса, на тој начин им се придружи на Реал Мадрид, Панатинаикос и Фенербахче кои претходно се пласираа во Берлин.
Избраниците на Јоргос Баркокас трета година по ред се пласираа на завршниот турнир во Евролигата.
Претходната година беа поразени во финалето од Реал, а годината претходно беа елиминирани во полуфиналето од Анадолу Ефес кој подцна ја освои титулата.
Ривал на Олимпијакос во полуфиналето ќе биде Реал и тоа ќе биде реприза на финалето од минатата сезона од Каунас.
Вечерва во Блауграна, двата тима одиграа исклучително тврд и дисциплиниран натпревар во кој доминираа одбраните.
Олимпијакос во сердишницата од решевачката четвртина со серија поени и добра одбрана со која ги затворија сите патишта до нивниот обрач направија клучен исчекор кон победата.
Серијата од 8:0 во тој налет се покажа како клучна.
Две тројки постигнаа гостите во тој интервал, по една Мекисик и Папаниколау.
Барса, не се предаде, а пропушти одлична можност да го израмни резултатот кога Грците водеа со 57:54. Потоа Абрињес го повлече нападот, но Мекисик му ја „украде“ топката за во продолжение Милутинов да остане сам во рекетото на противникот и со забицвање да ја запечати победата на Олимпијакос.
Српскиот центар го заврши мечот со 10 поени (4/5 за два, 2/4 слободни фрлања), 10 скокови, две асистенции и блокада за убедливо највисок индекс на корисност 26 за 25 минути на теренот, Мекисик постигна 12. (2/4 за три), Папаниколау 11 (3/6 за три).
Само Лапровитола со 17 (3/8 за два, 2/7 за три) со седум скока и четир асистенции и Алекс Абринес со 13 поени (3/3 за два, 2/5 за три) во Барселона постигнаа двоцифрен број на поени.
Спорт
(Видео) Хоселу го реши трилерот во Мадрид – Реал е во финалето на ЛШ
Реал Мадрид 18.пат во клупската историја ќе се бори за трофејот во Купо/Лигата на шампионите. Вечерва на „Сантијаго Бернабеу“ во инфаркт завршница го победи Баерн со 2:1. Апсолутен херој на Реал е искусниот напаѓач Хоселу, кој со головите во 88. и 91.минута направи пресврт, откако Баерн поведе со голот на Дејвис во 68.минута.
Фудбалерите на Баерн беа на само неколку минути до финалето. Поведоа со спектакуларниот гол на Алфонс Дејвис и водеа до самиот крај на натпреварот, сепак, избраниците на Карло Анчелоти по којзнае кој пат покажаа сила и одлучност да се вратат „од мртвите“ и со голем пресврт да дојдат до победата.
Јунак на натпреварот беше Хоселу, тој влезе во игра во 81. минута и ги постигна двата гола за „кралскиот клуб“. Трагичар е голманот на Баерн, Мануел Ноер. Бранеше брилијантно во текот на целиот меч, но со груба грешка им го подари израмнувачкиот гол на фудбалерите на Реал.
Реал во финалето ќе игра против Борусија Дортмунд, која во два натпревари со вкупни 2:0 го елиминира ПСЖ.
Реал Мадрид е убедливо најуспешен клуб со рекордни 14 титули европски шампион. Борисија само еднаш ја освои Лигата на шампионите, во 1997 година, кога како аутсајдер го победи и Јувентус (3:1) во Минхен.