Црна хроника
Вработени во МФ и директорот на ЈАТП „Полет“ проневериле над 2 мил. евра
Двајца вработени во Министерството за финансии(МФ), едниот од Скопје другиот од Тетово и поранешен директор на претпријатието на ЈАТП „ПОЛЕТ“ Тетово проневериле над 2 милиони евра, соопшти МВР.
Против нив е поднесена кривична пријава за злоупотреба на службената положба и овластување.
Едниот од вработените во Министерството за финансии во својство на Претседател на комисија за одлучување по барања за денационализација со седиште во Гостивар и другиот како Раководител на Одделение за првостепена управна постапка во Тетово, во 2004 година иако знаеле дека е започната постапка за денационализација на недвижен имот во Тетово, му овозможиле на директор во име на ЈАТП „ПОЛЕТ“ Тетово да купи дел од имотот (парцела), предмет на денационализација.
Поранешниот директор немал право да купува и продава имот во име на „ПОЛЕТ“ бидејќи основач на претпријатието е Совет на Општина Тетово и само општината може да одлучува за имотот и потребите на претпријатието.
Со тоа ја оштетиле државата и барателите на имотот -предмет на денационализација и претпријатието во износ од 136.755.397, 00 денари или 2.223.665 евра./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се договориле да ѝ донесе дрва, па откако му дала 100 евра си заминал и не се вратил: кумановка пријавила дека е измамена
Седумдесет и двегодишна кумановка во полиција пријавила дека била измамена за 6.000 денари при набавка на дрва за огрев, информираше денеска СВР Куманово.
-Вчера во СВР Куманово, 72-годишна жена од Куманово пријавила дека била измамена од едно лица за сума од 6.000 денари. Според пријавеното, лицето ѝ понудило огревни дрва и откако се договориле и таа му ги дала парите, тоа ѝ кажало дека дрвата ќе ги донесе од складот во кој наводно се наоѓаат, но не се вратило, по што сфатила дека е измамена, соопшти СВР Куманово.
Полицијата презема мерки за расчистување на случајот.
Ова не е прв случај на измама при набавка на огревни дрва.
Во јануари годинава, беа пријавени два случаи на измами со огревни дрва, првиот повозрасен кумановец за сума од 3.000 денари и вториот случај, кумановка за 5.000 денари.
Во 2023 година на подрачјето на СВР Куманово биле регистрирани вкупно седум измами за дрва, а во 2022 година 15 вакви пријави. СВР Куманово презема мерки и активности за пронаоѓање и санкционирање на сторителите на овие измами.
-Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 192, велат оттаму.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.