Спорт
Нов тркачки викенд на Twingo Cup на Гробник со рекорден број возачи
На патеката Гробник крај Риека лани за првпат македонски возач победи во генерален пласман на CEZ, а викендов ќе биде место на уште еден дуел на македонските „мајстори на четири тркала“ кои се дел од Twingo Cup. Со најголем број пријавени возачи, 38 од шест држави, меѓу кои и деветмина Македонци ќе се возат следните две трки од третиот тркачки викенд сезонава.

Во Хрватска викендов ќе дебитира и Бојан Костовски кој првпат седнува во седиштето на Twingo и ќе се обиде да го стигне па дури и да биде подобар од неговиот брат Мартин Костовски, ланскиот вицепрвак во Twingo Cup.
Со двете трки викендов ќе се означи половина од сезоната во која со поддршка на Automotive Group и АКК Реноспорт првпат на вакви трки учествуваат и возачи од Македонија. Покрај деветтемина Македонци кои ќе возат, има и возачи од Словенија, Италија, Србија, Чешка и од Австрија. Покрај за Twingo Cup истите трки ќе се бодуваат и за FIA CEZ првенството, и за националните првенства на Словенија и на Македонија.
За третиот тркачки викенд на Twingo Eurocup, планиран за сабота и недела каде треба да се возат две трки, пријавени се 38 возачи што е најмногу дсосега. Постои можност на стартот да се појави уште едно возило бидејќи тоа е максималниот број на натпреварувачи. Гробник е првата вистинска тркачка патека на просторите на бивша СФРЈ каде од 1978 година се одржуваат најразлични тркачки манифестации. Патеката е долга 4168 метри и има 18 свиоци.

Лани имаше два тркачки викенди на Гробник на кои се возеше Twingo Cup, и четири трки на кои по двапати победија Давид Малинковски и Марко Блажевски. На последната трка на сезоната Марко Блажевски триумфираше и во генерален пласман, а зад него беше Давид Малинковски, што беше најголем успех на македонските возачи во Twingo Cup дотогаш.

Тие двајца и сезонава се вбројуваат меѓу најсериозните кандидати за победи. Со двете победи во Австрија, Марко Блажевски го презеде лидерското место во генерален пласман во првенството на Македонија и води со 55 бода, пред Давид Малинковски кој има 50 бодови и една победа, во Унгарија. Од третото до петтото место се Владимир Тренески (41 бод), Слободан Трајковски (40 бода) и Ангелче Стојковски (38 бода). На четирите трки досега сезонава имаше тројца различни победници во првенството на Македонија: Владимир Тренески, Давид Малинковски и Марко Блажевски.
На Гробник се враќа и Мурис Хамзиќ кој претходно ја прескокна трката во Австрија, а во Унгарија на стартот двапати беше осмопласиран. Младиот Бојан Костовски ќе го вози автомобилот на Ненад Костовски, кој возеше и во претходните две сезони, и по две трки сезонава поради големи обврски реши да се повлече од трките.

Покрај стандардно пријавените возачи од Словенија и до Македонија, кои ги има во најголем број на Гробник ќе се појават и повеќемина натпреварувачи од Италија, Австрија, Србија, Чешка. Во петок изутрина се квалификациите. Првата трка е во сабота наутро од 11,45 часот, додека втората во недела во 17,20 часот.
Ова е трета сезона од Twingo Cup што се бодува за првенството на Македонија, а севкупниот победник како награда ќе го добие електричното возило Renault Twizzy.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Синер ја одбрани титулата на Завршниот Мастерс
Јаник Синер го освои Завршниот Мастерс во Торино со победа од 2-0 во сетови над Карлос Алкараз.
Синер го победи Алкараз со 7:6, 7:5 по два часа и 15 минути борба.
Со ова, Италијанецот ја одбрани титулата на Завршниот Мастерс, без загубен сет, а неговиот настап на бетон во затворен простор се зголеми на 31 победа по ред, во последните 40+ натпревари, само Новак Ѓоковиќ го победи, и тоа во финалето на Торино 2023 година.
Алкараз и покрај поразот ја заврши годината на првото место, но Синер со овој триумф ја намали неговата предност на 550 поени.
За дваесет и четиригодишниот Синер, ова е шеста титула во сезоната, а 24-та вкупно во неговата кариера.
Бидејќи го освои Завршниот Мастерс без пораз, Синер освои 5 милиони долари. Со одбраната на титулата влезе во друштвото на Ѓоковиќ, Федерер, Хјуит, Сампрас, Мекенро, Лендл, Борг и Настасе.
Спорт
Манчестер Јунајтед во НБА Европа
Екипа од Манчестер е прва што официјално стана тим на НБА Европа.
Добро познатиот проект НБА Европа објави дека нивниот прв официјален тим е од Англија, поточно од Манчестер.
Претседателот на Италијанската кошаркарска асоцијација, Џани Петручи, изјави дека маркетиншкиот потенцијал на НБА Европа е многу голем и потврди дека Манчестер Јунајтед е првиот тим од нивното натпреварување.
„Ако Манчестер Јунајтед, тимот со најмногу навивачи во светот, бил првиот што се согласил на овој проект, мора да има причина за тоа, нели? Ова е нова лига што ќе има добар систем, одлични ресурси и ќе обезбеди одлична забава за гледачите. Договорот е дека членовите мора да играат во домашни лиги“, потврди Петручи.
НБА Европа има план да регрутира повеќе тимови од големите европски градови…
„Тим од Рим? Да, ќе има и тим од Рим. Постои можност да биде поврзан со многу богат претприемач“, потврди тој.
Значи, Манчестер Јунајтед е првиот, а се чини дека тимот од Рим ќе биде вториот новоформиран кошаркарски тим што ќе се приклучи на НБА Европа, која ќе започне во сезоната 2027/28.
Спорт
(Видео) Ирска во 96-та минута и го одзеде баражот на Унгарија, Португалија со девет гола го поврди местото на Мундијалот
Ирска, во нереален расплет во Ф групата, победи в Будимпешта со 3:2 и обезбеди место во плејофот за Светското првенство. Оваа група ја освои Португалија.
Нерешен резултат им беше доволен на Унгарците за да играа бараж за настап на Мундијалот наредното лето. Така не мислеше Трој Парот, човекот кој пред три дена со два гола им пресуди на Португалците во Даблин.
Парот стана херој на нацијата, откако со хет-трик и донесе победа на Ирска во Бдимпешта (3:2).
Првиот го постигна од пенал во 15-та минута, кога го поништи голот на Лукач во четврттата минута, вториот во 80-таа минута кога изедначи на 2:2, откако Варга во 37-та постигна спектакуларен гол за 2:1 и третиот во шестата минута од судиското надополнување на времето.
TROY PARROT AT THE DEATH FOR IRELAND!!!!!!!!pic.twitter.com/uki1KUD8ln
— Football Xtra™ (@FootballXtra0) November 16, 2025
Патем, прва во групата Ф е селекцијата на Португалија, која стигна до директен пласман на завршниот турнир. Португалија ќе игра на Светското првенство по деветти пат во историјата, а седми пат по ред.
Во последниот натпревар од квалификациската група Ф, актуелните шампиони на Лигата на нации ја декласираа Ерменија во Порто на стадионот „Драгао“ со 9:1. Доколку Кристијано Роналдо се најде на списокот на играчи за Светското првенство следната година, тоа ќе биде негов шести настап на најголемото фудбалско шоу на планетата.
Најголемиот успех на Португалија беше третото место во 1966 година, додека на Светското првенство во Германија во 2006 година, беа четврти.
Во Порто по три гола во победата постигнаа Жоао Невеш и Бруно Фернандеш, а еднаш прецизни беа Веига, Рамош и Консеисао.

