Спорт
„Шумахер не ми недостига, го гледам цело време и заедно ги гледаме трките“
Поранешниот шеф на Ферари, Жан Тод, изјави дека заедно со седумкратниот светски шампион Михаел Шумахер на телевизија ги следи трките во шампионатот во Формула 1.
Тод одговараше на тврдењата на поранешниот агент на Шумахер, Вили Вебер, кој го обвини семејството на легендарниот Ф1 возач дека не ја кажува вистината за неговата моментална состојба.
„Не ми недостига Михаел, го гледам постојано. Вистина е дека заедно ги гледаме трките. Сепак, ми недостигаат работите што ги правевме заедно”, jа пренесува изјавата на Тод германски РТЛ.
На 29 декември 2013 година Шумахер (53) се здоби со сериозна повреда на главата додека скијаше во Франција. Веднаш бил префрлен во болница во Гренобл каде итно беше опериран, а потоа помина шест месеци во кома.
Неговото закрепнување потоа продолжи во Лозана, пред да биде префрлен на домашно лекување во Гланд, Швајцарија, во септември 2014 година.
Вистински информации за неговата состојба нема, бидејќи неговото семејство ретко се огласува.
Шумахер беше седумкратен шампион во Ф1, во кариерата забележа 91 победа. Возеше за тимовите на Џордан, Бенетон, Ферари и Мерцедес.
Тој ја возеше својата последна трка во Ф1 во ноември 2012 година за Големата награда на Бразил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.