Спорт
Спортскиот директор си замина од Партизан
Спортскиот директор на Партизан Ивица Илиев го напушти клубот. Оваа информација официјално ја потврдија од клубот, преку официјалната веб-страница на која е објавена изјавата на Илиев.
„Ја известувам јавноста дека се повлекувам од функцијата спортски директор на ФК Партизан. Сакам да им се заблагодарам на сите луѓе во клубот за нивната соработка, професионалност, поддршка и борба во изминатите седум години. Периодот во кој бев на чело на спортскиот сектор е проткаен со многу успеси, победи, пласмани во европските натпреварувања, но имаше и неуспеси, кои не нè попречија на патот да веруваме дека клубот ќе се засили на спортски и организациски план.
Сега дојде моментот да се повлечам од клубот, од лични причини. Сакам да напоменам дека во иднина ќе бидам со клубот, како навивач, дека ќе ги поддржувам луѓето кои го водат клубот, како и играчите за кои верувам дека ќе го покажат квалитетот што го поседуваат и ќе излезат како победници на крајот на сезоната“.
Илиев реши да се пензионира поради несогласувањето со неодамнешната одлука да му даде втора шанса на тренерот Илија Столица и да остане на клупата.
Илиев влезе во конфликт со новиот шеф на струката по двата поврзани кикса на Партизан (Раднички Ниш 3:3 и ТСЦ 0:0), што практично веќе ја доведува во прашање борбата за титулата.
Тој побара смена на тренерот, но како спортски директор не наиде на одговор на останатото раководство на клубот и си замина од функцијата.
Ивица Илиев во два наврати беше играч на Партизан, а веќе еднаш ја напушти функцијата спортски директор, пролетта 2019 година, кога тренерот Зоран Мирковиќ поднесе оставка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.