Спорт
Ќе им се суди на Нејмар и поранешните претседатели на Барселона
На фудбалерот на Пари Сен Жермен, Нејмар, ќе му се суди од 17. до 31. октомври во Барселона поради наводни неправилности при неговиот трансфер од Сантос во Барселона во 2013 година.
Како што дознава агенцијата Франс прес, покрај бразилскиот фудбалер, ќе им се суди и на поранешните претседатели на Барселона, Сандро Росел и Жозеп Марија Бартомеу.
Тие се обвинети за корупција и измама. На Нејмар му се заканува затворска казна од две години и парична казна од 10.000.000 евра.
Тужбата против Нејмар и двајцата поранешни челници на Барселона беше поднесена пред седум години, а сега пресудата и претходното рочиште сигурно ќе се одразат на подготовките на Нејмар за Мундијалот.
Обвинителот побарал Нејмар да биде суспендиран од фудбалот дури пет години, а дополнително бара и отштета во износ од 150.000.000 евра бидејќи сметаат дека биле измамени и дека со склучување на два паралелни договори, таткото на Нејмар ги измамил нив и фудбалскиот клуб Сантос.
„Барселона и играчот ги прекршија правилата на ФИФА и ја нарушија конкуренцијата на трансфер пазарот“, изјавија тужителите во 2016 година.
Доколку Нејмар биде осуден, би можел да биде избркан од фудбалот на подолг период, а сигурно би го пропуштил и Мундијалот доколку според желбата на обвинителите добие одредена забрана за играње фудбал.
Што се однесува до затворот, тој ќе го избегне бидејќи казна затвор до две години во шпанското правосудство може да се избегнат со плаќање дополнителна голема сума на пари на државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.