Црна хроника
Петкратно убиство во Албанија

Во селото Сук кај градот Фиер во Албанија во вторникот наутро било извршено петкратно убиство. Според информациите на полицијата 73-годишниот Бајрам Врапи со огнено оружје – ловечка пушка ги убил двајцата негови браќа Џемаил (69) и Бесим Врапи (60), сопругата на Бесим, Дрита Врапи (43) и ќерката на Бесим Мируше Врапи (17) години, а потоа се самоубил.
Полицијата информира дека убиствата биле извршени за само неколку минути , при што двајцата браќа, Бајрам ги убил во близина на куќата, додека пак сопругата и ќерката на Бесим ги убил во куќата.
Според албанските медиуми, масакрот што го направил Бајрам Врапи бил поврзан со неговото несогласување неговата внука Мируше да се вери со лице за кое тој не се согласувал. Но засега станува збор за шпекулации, бидејќи полицијата нема точни сознанија околу причините за петкратното убиство./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен 30-годишник од Скопско поради тешка кражба, одреден му е притвор

На 14.10.2025 часот во 17:30 часот во трговски центар на подрачје на Карпош во Скопје полициски службеници од СВР Скопје го лишија од слобода 30-годишниот М.А. од село Глумово, скопско поради извршено кривично дело „тешка кражба“ по член 236 од Кривичниот законик на Р.С.Македонија.
Лицето по насока на Јавен обвинител беше задржано во Полициска станица и по комплетирање на доказниот материјал во координација со ОЈО Скопје истиот на 15.10.2025 година е изнесен пред судија на претходна постапка, при што му е одредена мерка притвор.
Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.