Црна хроника
Лажен хуманитарец мамел стари лица
Повеќе случаи на измама се регистрирани на подрачјето на општините Охрид и Дебарца, во изминативе неколку месеци, соопшти СВР Охрид
Лице лажно се претставувало како претставник на Црвен крст и доаѓало во домовите на претежно повозрасни жители, на кои им покажувало разни документи велејќи дека Црвениот крст имал акција за делење помош во храна, облека и разна покуќнина и дека на списоците морал да го запише нивното име и презиме.Засега непознатиот, објаснувал дека возило од Црвениот крст со брашно, масло за јадење, сувомеснати производи, конзерви, ќебиња и друга покуќнина било на пат односно дека доаѓало и дека за производите требало да се плати однапред по многу ниски цени. Непознатиот барал одредена сума пари која ако граѓаните ја немале во моментот, тогаш тој барал пари колку што имаат во моментот да платат. За добиените пари, тој на оштетените граѓани им издавал каса прими документ и им кажувал да бидат дома да го чекаат возилото за да ја добијат помошта, информираат од СВР Охрид, додавајќи дека се преземаат мерки за пронаоѓање на измамникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.