Политика
Лидерите оставија ЕУ да информира за содржината на разговорите
Лидерската средба во вторник, била искористена за информирање на лидерите на политичките партии на Албанците во Македонија, за тоа што се разговарало на средбата меѓу премиерот Никола Груевски и лидерот на опозицискиот СДСМ, Зоран Заев, во Стразбур минатата седмица, а договорена е следна средба во ист формат за почетокот на идната недела, информираа по разговорите во вторникот во Клубот на пратеници
„Споделивме информација со господинот Груевски со претседателите на ДУИ и на ДПА, а и со амбасадорите коишто се овде во функција на набљудувачи, за она за што се разговараше во Стразбур на состанокот, меѓу мене, Груевски, комесарот Хан и тројцата пратеници. Согласно тоа што го споделивме ги разговаравме деталите околу тоа што таму се разговарало и го договоривме следниот состанок да биде на почетокот на идната седмица“, рече Заев, челникот на најголемата опозициска партија по третата ткн „лидерска средба“.
„На денешната средба се случи брифирање на претседателите на ДУИ и на ДПА, за разговорите коишто се случуваа во Стразбур и беше договорена следната средба да се одржи во ваков формат на почетокот на следната седмица. Не би навлегувал во детали поради тоа што целиот тек на разговорите коишто се почнати од поодамна го имаат тој формат, односно се дава предност на содржината и на возможните резултати, во интерес на државата и на граѓаните отколку на брифирање на информации на изјави“, рече Илија Димовски од владејачката ВМРО-ДПМНЕ.
„На денешниов состанок се сподеилја информациите што ги донесоа лидерите на ВМРо-ДПМНЕ и СДСМ од Стразбур, се споделија тие информации со албанските лидери на политички партии и се договирвме разговорите да продолжат на почетокот на следната недела“, рече Луан Дреси, од ДПА, кој не сакаше да коментира дали албанските партии ќе излезат со заеднички предлог во преговорите и дали предлогот на СДСМ за преодна влада е прифатлив за нив.
Деталите од средбата во Стразбур, кои досега не се соопштени, лидерот на СДСМ, Заев вели дека ги оставиле на Европската унија, односно, од таму да одлучат што и како ќе соопштат.
„Деталите оставаме Еврипската унија преку своите претставници да ги соопштува, за да му дадеме шанса и евентуална успешност на процес којшто би можел да почне, а тоа се преговори. Сé уште се разговара за рамката, за форматот, за еден куп детали, темите се номинираат, но никако не сме навлегле во деталите за да можеме да кажеме дека сме почнале преговарачки процес. Никој од страните немал ни прилика да промени свои ставови или слично. Нашите ставови се јасни и остануваме на нив“, порача Заев.
И лидерот на СДСМ и Димовски потврдија дека немаат никакви информации дали е делегиран меѓународен претставник, кој беше спомнат по средбата во Стразбур.
По информациите дека од Стразбур ќе произлезе некаков документ, Заев рече дека нема апсолутно никаков документ, туку дека точно е дека се нотирани теми којшто генерално е обврска на сите.
„Предност даваме на државата, сите остануваме на евроатланските интеграции, обврска на сите е менаџментот за евентуално појавување меѓуетничка чувствителност во државата. Обврската на сите е дека не смееме да си дозволиме одолговлекување на разговори и преговори , поради тоа што сите сме свесни колку лошо политичката криза влијае врз секојдневието на нашите граѓани, врз нашето стопанство и врз иднината на Македонија. Тоа е дополнителна обврска врз сите партиципиенти во овие разговори за да бидат во функција на надминување на политичката криза“, дополни Заев.
Според него, има решенија кои би биле брзи и можни, но не зависат само од опозицијата, и изрази надеж да ја изненадат јавноста со брзи решенија, којшто зависат од сите, а од никој посебно, којшто директно ќе ја олабават ситуацијата во Македонија, доволно за да продолжат нормалните текови.
Смета дека едно од можните брзи решенија е ако паднат оставки, но дека не гледа ниту индикации Груевски да даде оставка од функцијата премиер, што е едно од барањата на опозицијата.
За `молкот` со објавување наводно нелегално прислушувани разговори вели дека не прекинале, туку дека дале шанса на протестните активности, од каде испраќаат пораки многу сериозни за нив како опозиција, и до домашната и до меѓународната јавност, но најави утре дека ќе продолжат со објавување `бомби` од пред Влада, каде кампуваат стотина поддржувачи.
Ова беше треба средба во овој формат на лидерит ена политичките партии, за наоѓање решенија за излез од политичката криза, која почна со отсуството на опозицијата по изборите од Собранието и по објавувањето од страна на опозицијата на наводно прислушувани телефонски разговори на владини функционери, кои треба, како што велат, да ги откријат криминалните начини на кои оваа власт владее со државата./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.