Спорт
Клоп не ја сфаќа Барселона: Ако немам пари, тогаш не трошам!

Менаџерот на Ливерпул, Јирген Клоп, вели дека не може да разбере како Барселона продолжува да носи нови фудбалери и покрај финансиската несигурност во каталонскиот клуб.
Финансиската криза, што ја погоди Барса за време на пандемијата на коронавирусот го остави клубот во долг од над милијарда евра, но ова лето новиот претседател Жоан Лапорта, наместо кратење на буџетот за играчи, потпиша договори со Роберт Левандовски, Рафиња, Жил Кунде, Франк Кеси и Андреас Кристенсен продавајќи дел од ТВ-правата и придружните компании на клубот за да може да бидат регистрирани. Во моментот само уште Кунде останува нерегистриран за настап во шпанската Ла Лига.
Зборувајќи за германскиот „Кикер“, Клоп вели дека поради разни причини, не може да ја сфати финансиската ситуација на славниот шпански клуб.
„Прво, јас не сум финансиски експерт. Но, од друга страна, ако ми кажете дека немам пари, тогаш нема да трошам повеќе. Во минатото и мојата кредитна картичка беше исечена двапати, за среќа, пред повеќе години. Ја следам ситуацијата како фудбалски навивач и не ги сфаќам. Последните неколку децении во кои гледам фудбал тој клуб бил фантастичен и се надевам дека ќе им успее ова што го прават“, вели Клоп.
Тој ја спореди ситуацијата со таа во неговиот поранешен клуб Борусија Дортмунд.
„Единствен клуб што знам дека во минатото ги продаде правата за стадионот и другите права однапред беше Борусија Дортмунд. Аки Вацке мораше да дојде во последен момент за да ја спаси ситуацијата. Не знам дали во Барселона имаат Аки Вацке“, додава Клоп.
Во 2005 година Дортмунд беше пред банкрот кога долгогодишниот навивач на клубот, Ханс-Јоаким (Аки) Вацке, беше именуван за генерален директор. Со кратење плати, продавање на правото за именување на нивниот стадион „Вестфален“, тој успеа да ги исплати огромните долгови на клубот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Драма во Шпанија: Тренерот на Жирона итно префрлен во болница

Фудбалскиот тренер на Жирона, Мичел Санчез, напиша на социјалната мрежа X дека е хоспитализиран, но не ги наведе причините поради кои е примен во болница.
„Морав да бидам хоспитализиран и ќе бидам под лекарски надзор неколку дена“, напиша Санчез, додавајќи дека се чувствува добро и со нетрпение очекува да се врати на клупата.
Поради здравствената состојба, Санчез нема да го предводи тимот на натпреварот против Виљареал во сабота. Жирона моментално е на 15-то место на табелата, шест бода над зоната за испаѓање, а до крајот на првенството остануваат уште четири кола.
Ниту клубот, ниту тренерот не објавија повеќе детали за неговата здравствена состојба.
„Се чувствувам добро, под надзор сум на лекар и ги бројам деновите до враќањето на работа за да можеме да ја продолжиме борбата до крајот на сезоната. Ќе бидам отсутен од теренот, но во постојан контакт со стручниот штаб“, рече Санчес.
Минатата сезона, Санчез го предводеше каталонскиот клуб до историско трето место во шпанското првенство. Сепак, тимот се соочи со проблеми оваа сезона откако клучни играчи го напуштија клубот за време на летниот преоден рок, па Жирона е само 15-та на табелата со 38 бода, и сè уште не ја надминала борбата за опстанок.
Спорт
Средба која се чека со години: Ана Ивановиќ и Ѓоковиќ повторно заедно?

Ана Ивановиќ и Новак Ѓоковиќ би можеле повторно да се сретнат за прв пат по долго време.
На турнирот во Женева, најдобриот тенисер на сите времиња, Новак Ѓоковиќ, ќе ги направи последните подготовки за Ролан Гарос, а се очекува да пристигне и некогашната српска тенисерка Ана Ивановиќ во својство на почесна гостинка и поранешна шампионка, пренесуваат српските медиуми.
Нивната средба би можела да се случи во многу деликатен момент за двајцата.
Имено, се повеќе се шпекулира дека Ана поминува низ брачна криза со Бастијан Швајнштајгер и дека развод е на повидок.
Од друга страна, Новак поминува низ чуден период. Од почетокот на годината, тој е далеку од препознатливо ниво, се откажа од мастерсот во Рим без конкретна причина, а се повеќе се шпекулира за крајот на неговата кариера.
Турнирот во Женева е закажан од 17 до 24 мај.
Спорт
Алонсо се збогуваше со Леверкузен: „Разговарав со играчите“
Веќе нема никаква дилема, Чаби Алонсо јавно потврди дека ја напушта клупата на Баер Леверкузен и дека ќе стане нов тренер на Реал Мадрид.
Официјална потврда дојде и од главниот актер.
На прес-конференцијата пред натпреварот од Бундеслигата против Борусија Дортмунд, Алонсо откри пред јавноста дека веќе разговарал со играчите и дека ќе се збогува со клубот во преостанатите два натпревари од сезоната.
„Оваа недела, клубот и јас се согласивме дека ова ќе бидат моите последни два натпревари во Леверкузен. Ова е вистинско време да го објавам тоа бидејќи секогаш имавме добра комуникација. Мораме да уживаме во овој момент со измешани емоции. Разговарав со играчите и персоналот, не беше лесно. Имавме одличен однос и тоа беше клучот. Тие веруваа во мене и ме следеа. Сакам да се збогувам на вистински начин овој викенд“, рече Алонсо.
Алонсо, поранешен шпански репрезентативец, играше за Реал Мадрид од 2009 до 2014 година за време на својата играчка кариера и освои бројни трофеи со Реал, вклучувајќи ја и Лигата на шампионите во 2014 година.