Регион
Италија очекува Црна Гора да стане членка на НАТО до крајот на 2015 година
Италијанската министерка за одбрана, Роберта Пиноти смета дека реално е Црна Гора да стане членка на НАТО до крајот на 2015 година, нагласувајќи дека целта на интензивираниот дијалог со Подгорица е забрзување на процесот на пристапување кон Алијансата.
Италијанската министерка за одбрана, Роберта Пиноти смета дека реално е Црна Гора да стане членка на НАТО до крајот на 2015 година, нагласувајќи дека целта на интензивираниот дијалог со Подгорица е забрзување на процесот на пристапување кон Алијансата.
Според Пиноти, одлуката за поканата била одложена за на Црна Гора да и се овозможи шанса за продолжување со реформите кои не биле блиски до воената димензија, како што е тоа случај со владеењето на правото.
„Министрите на земјите членки на НАТО ќе го оценат напредокот на Црна Гора најдоцна до крајот на 2015 година. Не само што сметам дека постојат претпоставки, туку дека оваа цел е реална“, изјавила Пиноти за црногорските медиуми.
Италијанската министерка додала дека Алијансата на самитот во Кардиф го препознала напредокот на Црна Гора, истовремено додавајќи дека НАТО ја поттикнува Црна Гора да надмине одредени слабости, меѓу кои се и реформите во безбедносниот сектор.
„Понатаму, свесна сум за фактите дека црногорскиот Стратегиски преглед на одбраната ќе поттикне квалитативни и оперативни стандарди, кои ќе придонесат за членството во НАТО“, заклучила Пиноти./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.