Спорт
Последниот танц на сестрите Вилијамс

Легендарните сестри Серена и Венус Вилијамс доживеаја пораз во конкуренција на двојки на Ју-ес опен. Американките, и покрај големата поддршка од трибините, не успеаја да ја прескокнат првата пречка и по два часа и осум минути игра, мораа да го прифатат поразот од чешката двојка, Луција Храдецка и Линда Носкова – 7:6 (5) и 6:4.
Четириесет и двегодишната Венус и една година помладата Серена добија специјална покана од организаторите, но не успеаја да го минат првото коло на последниот грен слем во сезоната.
Неповторливите сестри имаа двојно повеќе ас-сервиси од своите ривалки (8-4), но искористија само една од петте топки за брејк.
Серена и Венус во двојки имаат освоено 14 грен слем трофеи. Првата титула ја освоија во 1999 година на „Ролан Гарос“, а последната во 2016 година на Вимблдон.
Имаат шест трофеи од Лондон, четири од Австралија опен, и по два од „Ролан Гарос“ и од Ју-ес опен.
Помладата Вилијамс има 23 титули на грен слем турнирите, а во третото коло на годинешниот Ју-ес опен се среќава со Ајла Томљановиќ. Венус освои десет трофеи во сингл на најголемите четири турнири во сезоната.
Да потсетиме, Серена најави дека турнирот во Њујорк е последен во нејзината кариера.
What a ride.@Venuseswilliams ???? @serenawilliams pic.twitter.com/pqHTnGeZAi
— US Open Tennis (@usopen) September 2, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин
Спорт
Шкендија ги дозна противниците во Конференциската лига

Македонскиот шампион Шкендија ги дозна противниците во главната фаза во Конференциската лига.
Софтверот на УЕФА одреди Шкендија да игра дома со Слован Братислава, Јагиелонија и Шелбурн, а клубот од Тетово ќе гостува кај Рајо Ваљекано, Дрита, АЕК Ларнака.
Распоредот на натпреварите и станицата УЕФА ќе го објави во недела.
Првото коло е закажано за 2 октомври, а шестото коло ќе се игра на 18 декември. Првите осум екипи на крајот од лигашката фаза директно ќе влезат во осминафиналето од натпреварувањето, а екипите од 9-то до 24-то место ќе ја играат плеј-оф за пласман во осминафиналето.
Финалето на Конференциската лига ќе се игра на 27 мај во Лајпциг.
Foto/ dailysports.net