Економија
„Гаспром“: Утре сепак нема да пуштиме гас за Европа
И покрај најавите дека утре ќе продолжи испораката на гас кон Европа, рускиот енергетски гигант „Гаспром“ објави дека сепак нема да испушта гас преку гасоводот Северен тек 1.
Пред неколку дена „Гаспром“ ја прекина испораката на гас преку Северен тек 1, со образложение дека ќе ја продолжи в сабота. Сепак, тоа нема да се случи.
„Гаспром“ наведува дека турбината не може да работи безбедно додека не се реши истекувањето и не даде временска рамка за тоа кога гасот би можел повторно да почне да се движи низ гасоводот, што се очекуваше да се случи утре, по тридневното прекинување на одржувањето.
Од компанијата велат дека поправката на истекувањето на нафта од турбинските мотори е можно само во специјализирани капацитети, а Русија претходно тврдеше дека нивната работа е попречена од западните санкции. Снабдувањето со гас ќе биде прекинато додека не се отстрани дефектот, се вели во соопштението на „Гаспром“.
„Гаспром“ го откри дефектот на турбината истиот ден кога членките на Г7 објавија дека ќе воведат ограничување на цената на руската нафта.
Портпаролот на Путин, Дмитриј Песков, денеска изјави дека Русија воопшто нема да продава нафта на земјите што ќе се одлучат на таков потег.
Извори запознаени со плановите на „Гаспром“ претходно денеска изјавија дека компанијата се подготвува утре да продолжи со испораките на гас преку гасоводот „Северен тек 1“, кој минува под Балтичкото Море и ги снабдува Германија и другите земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Николоски: Трет мобилен оператор за граѓаните да добијат пониски цени
Министерот за транспорт и заменик претседател на Владата, Александар Николоски, најавува трет мобилен оператор во Македонија. Со тоа цените за мобилната, кабелската телевизија и интернет услугите ќе поевтинат.
„Би сакал да објавам дека сериозно ја разгледуваме можноста за доделување лиценца за трет мобилен оператор. Нашата анализа кажува дека цените за мобилната, како и за кабелската телевизија и интернет услугите се поскапи од најголем дел европски земји. На пазарот постои класичен дуопол. Затоа мора да бараме мерки да поевтинат услугите. Граѓаните да имаат подобри и поевтини услуги.
Затоа потенцијално решение е трет мобилен оператор. Во следниот период ќе мотивираме големи имиња од светот на телекомуникациите да се појават на македонскиот пазар. Време е државата да прави за граѓаните“, напиша министерот за транспорт, Александар Николоски.
Граѓаните задоволни.
„Браво! Дополнително треба независна контрола за квалилетот на испорачани услуги“, „Браво, некој да помисли и на народот“, „Да и тоа што побрзо бидејќи претплатите за мобилна телефонија се енормно високи. Исто така и кабелски интернет и телевизија, поевтини треба да бидат, не секогаш добиваме тоа што го рекламираат“, се само дел од коментарите под објавата на ФБ.
Економија
(Фото) Во министерството за финансии се крои ребалансот на буџетот, работата тече и викендов
Се крои ребалансот на буџетот. Во министерството за финансии се работи и викендов без прекин. Се пренаменуваат пари од нереализирани и непродуктивни трошења за она кое е попотребно и неопходно. Една од тие ставки е зголемувањето на пензиите од 2.500 денари од септември. Пари требаат и за капиталните проекти за општините. Според информациите, планирано е да бидат пренаменети 200 до 300 милиони евра.
„И овој викенд повторно работно во Министерството за финансии. Се работи на ребалансот на Буџетот. Секогаш во интерес на граѓаните на Македонија!“, напиша на Фејсбук министерката за финансии Гордана Димитреска Кочоска.
Економија
(Видео) Трипуновски: Земјоделските задруги се важни за решавање на проблемот со пласманот на производи
Министерот за земјоделство, шумарство и водостопанство Цветан Трипуновски присуствување на панел дискусија во организација на Македонската асоцијација на земјоделски задруги.
– Мораме да работиме да го развиваме задругарството, во моментов се наоѓаме во еден правен вакуум бидејќи законот за земјоделски задруги е укинат и се формираше еден посебен закон за задруги меѓутоа делот на земјоделските задруги остана недефиниран. – изјави Трипуновски.
На панел дискусијата се споделија неколку идеи за во која насока треба да се движат земјоделските задруги, а министерот Трипуновски ги презентираше мерките и проектите од владината програма за земјоделски задруги.
Преземавме обврска да веќе во наредниве месеци да го измениме законот за земјоделство и рурален развој каде што ќе ги дефинираме земјоделските задруги и нивното здружување. Ние во нашата владина програма имаме ставено фокус на задругарството преку разни мерки и проекти се со цел да овој начин на здружување биде еден од алките на решавање со пласманот на нашите земјоделски производи – заврши Трипуновски.