Европа
Докторка во Хрватска по грешка ставила лепак во око на шестгодишно момче
Пристигнал на Итната помош поради аркадна повреда, а излегол со залепено око, пишуваат медиумите во регионот. Докторка од болница во Чаковец по грешка му ставила лепак во окото на шестгодишно момче, изјавила мајката на момчето, а пренесуваат хрватските медиуми.
„Прво некое време не можеше да го отворат лепилото. Потоа му предложи на друг доктор да се обиде да го отвори. Лепилото не излегуваше и на крај го притисна лепилото толку силно што истото се разлеа по целото око а болката беше страшна. И тој буквално врескаше, не можеше да се смири од болката”, изјавила мајката на момчето за RTL.
Инцидентот се случил пред две недели. Докторката според написите не сакала да се појави пред камера, само кажала дека не е виновна. И поради целата ситуација таа изразила жалење во подолга изјава.
„Лепакот не беше во моите раце, но го направив најодговорниот дел – ја фиксирав главата на детето. За жал, дојде до несакано движење на детето и сосема случајно истурање на лепилото. Веднаш забележавме што се случило и се обидовме да ги намалиме последиците со брзо дејствување, иако од медицинска гледна литература не наидовме на податоци за трајни последици“, изјавла таа.
Добиената повреда во наредните денови била целосно санирана, изјавил офталмолог.
Мајката, пак, тврдела дека момчето било трауматизирано.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.