Свет
(Видео) Видео од средба на Путин и неговиот најважен генерал привлече внимание: Не сакаше ни да разговара со него?
Рускиот претседател Владимир Путин е снимен во непријатна средба со началникот на Генералштабот додека ги надгледувал воените вежби на Далечниот Исток на Русија, илјадници километри оддалечени од конфликтот во Украина, пренесува „Ројтерс“.
Воената информативна служба „Ѕвезда“ објави видео на кое Путин и началникот на Генералштабот Валериј Герасимов влегуваат во набљудувачката кабина, седат на растојание еден од друг во непријатна тишина и чекаат да им се придружи министерот за одбрана Сергеј Шојгу.
Герасимов си ја галеше косата и гледаше некои документи, додека Путин гледаше со двоглед, во еден момент само кимна со главата на коментарот на генералот, пренесува „Ројтерс“.
Vladimir Putin, Sergei Shoigu and Valery Gerasimov watch the Vostok-2022 exercise at the Sergeevsky training ground pic.twitter.com/YkAtN8HoPK
— cooper (@coope125) September 6, 2022
Нивниот говор на телото предизвика толкувања на политички и воени аналитичари на социјалните мрежи.
„Путин очигледно не сака ни да разговара со командантот на руските вооружени сили“ – напиша на Твитер поранешниот шведски премиер Карл Билт.
Кремљ сè уште не ги коментира овие наводи.
Во второто видео атмосферата изгледа порелаксирана бидејќи Путин и Шојгу се прикажуваат како разменуваат шеги додека Герасимов разговара на телефон.
Would anyone describe this is a happy and confident trio? Putin obviously doesn’t even want to talk with the commander of the ???????? armed forces. pic.twitter.com/gfgcXfIPwy
— Carl Bildt (@carlbildt) September 6, 2022
Герасимов речиси и не се појави во јавноста во текот на 195-те дена од рускиот конфликт со Украина, што ги поттикна шпекулациите за неговата позиција со Путин, а понекогаш дури и за неговото здравје.
Со организирањето на воените вежби „Восток“, кои се одржуваат на секои четири години, Путин очигледно сака да испрати порака дека руската армија е способна да врши и други редовни активности и покрај војната, пишува „Ројтерс“.
Сепак, Министерството за одбрана соопшти дека во вежбите, кои започнаа на 1 септември, учествувале 50.000 војници, што е дел од 300.000 што учествувале во 2018 година. Западните воени аналитичари велат дека и двете бројки се претерани.
Во маневрите учествуваат сили од Индија и Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Столтенберг ги повика сојузниците да ги укинат ограничувањата за употреба на оружје од страна на Украина против Русија
Генералниот секретар на НАТО Јенс Столтенберг ги повика сојузниците да ги укинат ограничувањата за употреба на оружје од страна на Украина за да напаѓаат воени цели во Русија.
„Мислам дека дојде време сојузниците да размислат дали да укинат некои од ограничувањата што ги воведоа за употребата на оружјето што и го донираа на Украина“, рече Столтенберг во интервју за „Економист“, потсетувајќи на борбите во регионот Харков. „Лишувањето на Украина од можноста да го користи ова оружје против легитимни воени цели на руска територија во голема мера ја комплицира нејзината одбрана“, нагласи тој.
Генералниот секретар изјави дека Русија води агресивна војна и Украина има право да се брани. „И тоа вклучува удари цели на руска територија“, објасни тој, истакнувајќи дека некои сојузници веќе ги укинаа таквите ограничувања и „време е другите сојузници“ да размислат за тоа.
Регион
Вучиќ: Најмногу вложив во односите со нашите браќа Македонци, ме погоди што Македонија гласаше за резолуцијата за Сребреница
Претседателот на Србија Александар Вучиќ при синоќешното гостување на ТВ Прва го коментираше гласањето на резолуцијата за Сребреница, но и претставниците на црногорското владејачко мнозинство кои во собраниска процедура го доставија предлогот за резолуција за геноцидот во Јасеновац.
„Црна Гора никогаш нема да донесе закон, резолуција или декларација за геноцидот во Јасеновац. Нема да го донесат, самите кажаа, но сами го кажаа мислејќи дека ќе купат два дена околу Сребреница и тогаш сите ќе го заборават “, убеден е Вучиќ.
„Ви кажувам однапред и подготвен сум да се извинам ако не биде така и најсреќен би се извинил, но за жал нема да има потреба да се извинувам“, продолжи тој.
Вичиќ истакна дека „најодвратно му било однесувањето на Црна Гора“ во однос на Резолуцијата за Сребреница.
„Не ме разочараа, бидејќи тоа го очекував. Му реков на Спајиќ (премиерот на Црна Гора) дека не мора да ме залажуваат, дека знам дека ќе гласаат. Нема да им испратиме протестна нота дури и затоа што гласаа дека сме геноцидни.“ изјавил српскиот претседател,.
Тој изјави дека „посилно го погодила Северна Македонија“.
„Најмногу вложив во односите со нашите браќа Македонци, но тоа не е фер. Испадна дека Грција има повеќе кичма од Скопје, и тоа е точно. Црна Гора не ме ни погоди, ме погоди поради нашите луѓе“, заклучи тој.
Македонија гласаше за усвојување на резолуцијата за Сребреница. Нашата држава беше земја коспонзор на предлогот да се донесе резолуцијата на иницијатива на министерот во заминување Бујар Османи.
Генералното собрание на Обединетите нации во средата ја усвои резолуцијата со која 11 јули се прогласува за Меѓународен ден на сеќавање на геноцидот во Сребреница и се осудува негирањето на геноцидот и глорификацијата на воените злосторници. Србија се противеше на носењето на ваква резолуција.
Регион
„Пасатот“ го паркирал во море: капачите во Неум изненадени од несекојдневна сцена
Арогантното паркирање по улиците на градовите во БиХ веќе е секојдневие, но не се гледа често некој да паркира автомобил во морето, пишуваат тамошните медиуми.
Според написите, токму таква неверојатна слика ги изненадила неколкуте капачи на плажата во Неум, кои гледале како „Пасат“ буквално влегува во морето.
Според фотографиите објавени на социјалните мрежи, возачот го паркирал автомобилот во морето за да го извади скутерот на вода од приколката.
Фотографиите од автомобилот според медиумите, брзо се рашириле на Интернет, а корисниците на социјалните мрежи коментираат дека никогаш не виделе нешто слично.