Свет
Бројот на загинати во земјотресот во Кина се зголеми на 74 – илјадници евакуирани, се трага по преживеани
Бројот на жртвите од силниот земјотрес во југозападна Кина се искачи на 74, јавија денеска државните медиуми.
Илјадници луѓе се евакуирани во привремени засолништа бидејќи обилните врнежи се закануваат да предизвикаат нови свлечишта.
Земјотрес со јачина од 6,6 степени според Рихтеровата скала се случи пред два дена на 43 километри југоисточно од градот Кангдинг во провинцијата Сечуан, на длабочина од десет километри, покажуваат податоците на Американскиот геолошки институт.
Кинескиот „Пиплс дејли“ пишува дека 34 лица загинале во градот Јаан, а 40 во соседната префектура Ганзи, пренесе АФП.
Според државната телевизија, повеќе од 21.000 луѓе се евакуирани од областите во кои постои ризик од лизгање на земјиштето или уривање згради.
Спасувачите сè уште ги посетуваат тешко достапните села во планинскиот регион во југозападниот дел на покраината во потрага по преживеани. Се верува дека десетици луѓе се блокирани или исчезнати.
Најмалку 13 последователни потреси со јачина од три степени се регистрирани до полноќ, соопшти Кинескиот мрежен центар за земјотреси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.