Спорт
Дончиќ поднесе тужба против сопствената мајка – Проблем е брендот „Лука Дончиќ 7“
Словенечкиот кошаркар Лука Дончиќ во вторникот поднесе барање до Канцеларијата за патенти и трговски марки на САД (USPTO) во кое бара укинување на регистрацијата на трговската марка „ЛУКА ДОНЧИЌ 7“, која е во сопственост на неговата мајка Мирјам Потербин, соопшти познатиот американски новинар Марк Стајн.
Како што пишува „N1 Словенија“, поднесувањето е последниот чекор во повеќемесечниот напор на 23-годишната ѕвезда на Далас Маверикс да ја врати целосната контрола врз брендовите што го носат неговото име.
„Продолжувам да растам како играч и како личност, па затоа ми е важно да го контролирам сопствениот бренд“, му изјави меѓу другото Дончиќ на новинарот Стајн.
Почетокот на приказната и несогласувањето датираат од неговата прва сезона во НБА 2018/2019 година, кога и дал согласност на мајка си да го регистрира неговото полно име како заштитен знак.
По многубројните обиди и преговори за префрлање на контролата врз правата, преку адвокатската канцеларија „Браун Радник“, Дончиќ во јули 2021 година писмено објави дека сака да го откаже споменатиот договор.
До несогласувањето наводно дошло кога кошаркарската ѕвезда сакала да го регистрира името „ЛУКА ДОНЧИЌ“ како заштитен знак под своја контрола, но Канцеларијата за патенти на САД го одбила неговото барање поради постоечкиот „ЛУКА ДОНЧИЌ 7“. Од ова име неговта мајка Мирјам Потербин не сакала да се откаже.
Во тужбата, поднесена во име на кошаркарот од адвокатската канцеларија „Браун Радник“, се наведува дека Дончиќ не е поврзан со брендот „ЛУКА ДОНЧИЌ 7“ и дека не одобрува ставање на стоки и услуги под споменатото име.
За сите партнерства и договори во САД се грижи компанијата на Дончиќ „Luka99 Inc“, која поднела и барање за отповикување на согласноста на Миријам Потербин.
Според Стајн, Дончиќ повеќе не е поврзан со компаниите кои го поседуваат и продаваат брендот „LD77“ и управуваат со веб-страницата „lukadoncic.com“.
Според словенечката јавна евиденција (Ајпеш), со овие компании моментално заеднички управуваат 48. годишната Мирјам Потербин и директорот Борис Пожег, пишува „N1 Словенија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вулвс го откупија Дојл од Манчестер Сити
Англискиот играч од средниот ред Томи Дојл, кој оваа сезона е позајмен во Вулверхемптон од Манчестер Сити, ќе остане во редовите на Волвс, откако клуботреши да го откупи неговиот договор.
Дојл сезонава забележа 30 настапи во сите натпреварувања. Со Вулверхемптон потпиша четиригодишен договор. Манчестер Сити од трансферот заработи 4,3 милиони фунти.
Шампионот на Англија ќе заработи 50 отсто од следниот трансфер на 22-годишниот фудбалер, а за веќе договорената цена ќе има можност во иднина да го врати Дојл во своите редови.
Англичанецот игра на позицијата централен играч за врска.
Минатата година го освои Европското првенство за играчи до 21 година.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.