Црна хроника
Роднини на обвинетите во Монструм сведочат пред судот

Роднини на обвинетите за петкратното убиство кај Смилковското езеро даваат искази пред судот.
Братот на обвинетиот Фејзи Азири, Фекри Азири раскажуваше дека на денот на убиството, 12 април 2012 година во 6 часот утрото заедно со неговиот брат Фејзи и другиот брат Јусуфи заминале на фармата каде во Белимбегово, каде заедно одгледувале овци.
Во текот на денот Феjзи заминал од фармата и околу 18 часот се вратил во фармата и таму биле до 21 часот. Сведокот заедно со другиот брат си заминале околу 21 часот, додека Фејзи се подготвувал да си оди, заминал сам, но сведокот не знаеше да каже каде точно.
Фекри Азири му е вујко на првообвинетиот Алил Демири и чичко на обвинетиот Хаки Азири. Другите обвинети, Африм и Алил Исмаиловиќ и Рами Сејди рече дека не ги познава. Но по неколкучасовно испрашување, на прашање на судијата, Фекри рече дека го знае чичкото на Сејди Рами, а Сејди го знаел од телевизијата.
Како што раскажа Фекри, фармата ја поседувале, три до четири години. Фармата имала седум објекти, три од нив купил Фејзи, додека останатите четири биле фирма за правење на церади, која што ја поседувал извесен Екрем.
Со оглед на тоа што Фекри детално раскажа што правел на денот на убиството, судијата го праша што правел на 12 март или на 12 мај таа година. Но тој не можеше да се сети, бидејќи како што рече, немало посебна причина да се сеќава на тие денови.
„Нема посебна причина да се сеќаваме на 12 април 2012 година, освен случајот што се случи на Смилковското езеро, бидејќи тоа не е мала работа“ рече Фекри Азири.
Судењето продолжува без првообвинетите, Алил Демири и Африм Исмаиловиќ кои сеуште не се екстрадирани од Косово, кадешто с ево притвор.
Македонското министерство за правда откако ги преведе ги испрати документите за екстрадиција. Сега косовското министерство за правда треба да одлучи дали двајцата обвинетите ќе бидат испорачани во Македонија.
На 12-ти април минатата 2012 година без причина беа убиени Кире Тричковски, Филип Славковски, Цветанчо Ацковски, Александар Наќевски и Борче Стефковски. Сé уште не се знае зошто момчињата и рибарот беа свирепо егзекутиран. Во обвинителниот акт единствено стои дека убијците имале цел да предизвикаат создавање на чувство на несигурност и страв кај граѓаните на Македонија./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.