Спорт
ФИФА го одби Чиле, Еквадор останува на Светското првенство
Светската фудбалска федерација (ФИФА) ја потврди претходната одлука и ги отфрли жалбите на Чиле и Перу потврдувајќи дека Еквадор ќе остане на Светското првенство во Катар и покрај сомнежите дека играле квалификации со Бајрон Кастијло, фудбалер со сомнителни документи, кој наводно е роден во Колумбија.
Комисијата за жалби на ФИФА ги одби последните тврдења на Чиле и иако даде многу малку детали за својата одлука, потврди дека фактот што Кастилјо и постојаното жителство во Еквадор било доволно да се стигне до заклучок дека смее да игра за нивната репрезентација. Чилеанската фудбалска федерација ќе се обиде да направи уште еден обид да ја собори оваа одлука и да го спречи Еквадор да настапи на мундијалот со жалба кај Судот за арбитража во спортот (ЦАС) во Лозана.
Дискусијата за Кастијло, кој игра професионално во мексиканската лига, трае неколку месеци откако Еквадор беше една од четирите репрезентации што директно се пласираа на првенството, покрај Бразил, Аргентина и Уругвај. Чиле бараше на осум меча во Еквадор да биде доделен службен резултат (3:0), со што Чиле би се искачил на четвртото место на табелата и би добил директно место на мундијалот. На нивната тужба се приклучи и Перу, кој беше петтопласиран и го загуби баражот против Австралија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024