Спорт
Бекам чекаше 13 часа да ѝ оддаде почит на кралицата
Поранешниот англиски капитен Дејвид Бекам се приклучи на илјадниците луѓе на улиците на Лондон, каде што чекаше повеќе од 13 часа да ѝ оддаде последна почит на британската кралица Елизабета Втора.
47-годишниот поранешен фудбалер на Манчестер јунајтед, Реал Мадрид и на Пари Сен-Жермен даде интервју за британските медиуми, при што призна дека чека од 1.45 часот наутро грицкајќи чипс и крофни и зборувајќи со луѓето околу себе. Тој беше забележан и со солзи во очите откако во минатото неколкупати се сретна со кралицата и во 2003 година доби орден ОБЕ.
„Пораснав во куќа полна со ројалисти и бев одгледан на таков начин. Да беа моите баби и дедовци тука, ќе беа среќни што сум тука во нивно име и во име на моето семејство. Имав среќа да се сретнам со кралицата, да ја претставувам мојата земја и да бидам капитен. Кога ја пеевме химната, таа значеше многу“, изјави Бекам.
Бекам имаше 115 настапи за Англија од 1996 до 2009 година настапувајќи на три светски првенства, а со клубовите освои шест титули од Премиер лигата и трофеј од Лигата на шампионите.
David Beckham wiped away a tear as he paid his respects to the Queen after queueing for 13 hours.
Beckham slowly bowed his head and stared at the floor as he viewed the Queen’s coffin.
Read more here: https://t.co/d1vJyHthxE pic.twitter.com/hsv3OoAFMO
— Sky News (@SkyNews) September 16, 2022
David Beckham has been queuing for 12 hours to pay his respects to the late Queen Elizabeth II ????
(via @BBCVickiYoung)pic.twitter.com/xTvpJxB4kz
— ESPN FC (@ESPNFC) September 16, 2022
Former British soccer star David Beckham queued alongside the tens of thousands of people waiting to see Queen Elizabeth lying in state https://t.co/SaxM2wrFfQ pic.twitter.com/zwwy4xqc7g
— Reuters (@Reuters) September 16, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.