Црна хроника
Владо Димов ослободен од притвор
Поранешниот министер за здравство Владимир Димов е пуштен на слобода. Вака одлучиле полските власти. Македонското Министерство за внатрешни работи доцна синоќа добило официјална информација дека Димов е пуштен на слобода
Сега ќе треба Интерпол Скопје од своите колеги во Варшава да побара официјално образложение за причините поради кои Владо Димов е пуштен на слобода. Во текот на денот МВР ќе го информира Министерството за правда за одлуката на полските власти, информираат од Мминистерството за внатрешни работи.Како што дознаваме, Димов е ослободен поради неговото бугарско државјанство, односно за него веднаш интервенирал бугарскиот конзул во Варшава, како за нивен државјанин. Димов беше уапсен на аеродромот во Варшава, каде чекал авионски лет со купен билет за Софија, а при поверката на патните исправи, се открило дека е баран со меѓунарона потерница.Поранешниот министер за здравство во понеделникот беше уапсен од страна на Интерпол. Тој бил приведен врз основа на потерница од македонското МВР, издадена на 25 март годинава, според која се бара по наредба на Основен суд Струмица за истрага за злоупотреба на службена должност. Димов, делото го сторил во 2005 г., додека бил министер за здравство. Тој се сомничи дека во 2005 г. спротивно на законот, односно без согласност на Министерството за финансии одобрил вработување на 17 лица, со што го оштетил Буџетот за повеќе од 2,5 милиони денари. Тој, исто така беше осомничен за повеќе набавки преку Фондот за здравство, а не беше достапен затоа што беше ангажиран во клиника во Истанбул. Против Димов беше подигнато обвинение за затајување данок во висина од 790 илајди денари. На Димов во 2007 г. му беше замрзнат имотот. Поранешниот министер, од Турција преку своите адвокати се жалеше на одлуката, но сепак, жалбата не беше доволна за да запре извршувањето. Владо Димов поседува три стана, а своевремено беше на врвот на листата на УЈП неплаќачи на данок. Веднаш откако се смени власта во државава, Димов замина за Турција, на специјализација, каде работи како хирург во престижна болница. Министерството за внатрешни работи ја потврди информацијата за неговото апсење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.