Во канцеларија вo американската амбасадата во Скопје во попладневните часови на 15 февруари избувнал пожар.

Како што информираат од МВР, случајот во полиција бил пријавен околу 17:30 часот.

Полициски службеници и противпожарна екипа излегле на местото на настанот, но вработените рекле дека веќе не постои потреба од интервенција.

Две штали изгореа во пожар во Виница. Според полицијата вчера во 14,05 часот во Полициска станица Виница, Р.Ѓ. од Виница, пријавил пожар на штали на место викано „Горица“ на влезот од Виница, сопственост на Г.Е.(32) од Виница.

Биле опожарени две штали во кои изгореле слама, пченка, девет грла добиток, тракторска приколица и друго. Пожарот е изгаснат од Противпожарна екипа Виница. Извршен е увид.

Автомобил удри во 10-годишно дете во Штип. Според полицијата, несреќата се случила вчера
во 14,40 часот во Штип на улица „АСНОМ“.

Б.Н.(19) од Штип управувајќи патничко моторно возило „фолксваген шаран“ удрил во 10-годишно дете од Штип, кое управувало велосипед-трицикл. Детето е пренесено во Клиничка болница Штип каде му се констатирани тешки телесни повреди. Извршен е увид на местото на настанот.