Полека, но сигурно, наближува најголемиот спортски настан за оваа година. Уште 12 дена нè делат од најпознатата скопска трка, „Визер – Скопски маратон“, кој ќе се оддржи по 18. пат.

Сите заинтересирани тркачи, кои сè уште не се пријавиле на настанот, тоа може да го направат уште денес, 20 септември, на официјалната страница на „Визер – Скопски маратон“ http://skopskimaraton.com.mk/prijavuvanje/.

18-тото издание на „Визер – Скопски маратон“ ќе се одржи в недела, 2.10.2022 година, со традиционалните трки кои се дел од оваа спортска манифестација. Оваа година стратот и целта се враќаат на својата претпознатлива локација, стартот ќе биде пред Собранието на Р. Македонија, а целта ќе биде плоштадот Македонија. Поччетокот на маратонот, полумаратонот и на штафетната трка „ЕУ за спорт“ ќе биде во 8 часот, а трката на 5 км ќе почне во 8.10 часот.

Подигнувањето на стратните пакети сите учесници ќе имаат можност да го направат од 29.9.2022 (четврток) до 1.10.2022 (сабота) во „Веро центарот“, од 11 до 19 часот. При подигнување на пакетот тркачите ќе треба да прикажат потврден имејл од пријавата или документ за идентификација.

Секој учесник на „Визер – Скопски маратон“ добива вредносен ваучер од 20 евра од насловниот спонзор на трката, „Визер“, кој може да го користат до наредното издание на маратонот.

„Визер – Скопски маратон“ е во организација на Сојузот на спортовите на Скопје, во соработка со Атлетскиот клуб „Работнички“ од Скопје, а под покровителство на Град Скопје, Делегацијата на ЕУ и Агенцијата за млади и спорт.

Повеќе информации може да се најдат на официјалната страница на маратонот, како и на нивната фејсбук-страница: http://skopskimaraton.com.mk/ и https://www.facebook.com/skopskimaraton

ПР