Свет
Експлодираше бензиска пумпа во Ирска, загинаа најмалку девет луѓе
![](https://makfax.com.mk/wp-content/uploads/2022/10/Capture-3.jpg)
Во експлозија на бензинска пумпа во Ирска загинаа најмалку девет луѓе, соопшти ирската полиција.
Потрагата по жртви продолжува, а се истражува и причината за експлозијата. Како што наведуваат од полицијата, осум лица се на болничко лекување.
Експлозијата се случила вчера нешто по 15 часот по локално време, на бензинска пумпа, која се наоѓа на околу 25 километри од градот Летеркени, пренесе „Ројтерс“.
Фотографиите од местото на настанот покажуваат голема дупка и урнат покрив на станбена зграда до бензинска пумпа со остатоци расфрлани низ областа каде што биле паркирани бројни автомобили.
Ирската крајбрежна стража соопшти дека нејзиниот хеликоптер им помага на службите за итни случаи на местото на настанот и Националната служба за брза помош испратила голем број амбулантни возила.
Ирскиот премиер Мајкл Мартин рече дека ова е еден од „најтемните денови за Донегал и за целата земја“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Русија: Ги уништивме „Хирмас“ со кои Украинците убиваа луѓе на плажа
![](https://makfax.com.mk/wp-content/uploads/2024/07/р.jpg)
Руските сили ги уништиле ракетните фрлачи „Хирмас“ со кои минатиот месец бил нападнат Севастопол, соопшти руското Министерство за одбрана. Русите споделија и видео за кое тврдат дека го покажува моментот кога е уништен „Хирмас“.
„Операторите на беспилотни летала на руските вооружени сили открија три ракетни фрлачи „Хирмас“ кои се движат и заземаат скриени позиции во шумски појас во регионот Херсон“, соопшти Министерството.
Claimed strike on 3 HIMARS launchers, make up your own mind. I cant tell. pic.twitter.com/A5zfFHvRmg
— Adam 🏴 (@YepAdam_) July 8, 2024
„Со „Искандерс“ извршивме ракетен напад на камуфлирани позиции и уништивме три ракетни фрлачи и до десет странски експерти одговорни за користење на фрлачите“, додаваат Русите.
Москва тврди дека Киев ги користел оза да „изврши криминален напад врз Севастопол на 23 јуни“. Русите потоа ги обвинија Украинците дека ја нападнале цивилната инфраструктура во Севастопол со ракети вооружени со касетна муниција. На социјалните мрежи се рашири снимка на која се гледа моментот на удар на плажата каде што биле капачите.
Според руските податоци, биле соборени четири проектили, додека еден експлодирал над градот. Русите изјавија дека во нападот загинале четворица цивили, а повеќе од 150 биле ранети. Рускиот истражен комитет набрзо отвори кривична истрага за терористички напад.
Свет
Бајден: Не одам никаде, ќе го победам Трамп
![](https://makfax.com.mk/wp-content/uploads/2024/06/bajden-italija.jpg)
Американскиот претседател, Џо Бајден, изјави во интервју дека ќе остане кандидат на Демократската партија на претседателските избори на 5 ноември, додавајќи дека е убеден дека тоа сè уште го сакаат гласачите.
„Не одам никаде“, изјави Бајден.
Тој ги повика сите што сакаат да излезе да го предизвикаат на конвенцијата на демократите во август.
Интервјуто е уште еден обид на Бајден да се опорави од лошиот настап во дебатата на 27 јуни против републиканецот Доналд Трамп, по што неговите ментални способности беа доведени во прашање. Бајден изрази фрустрација од, како што ги нарече, напорите на „елитите“ да го истуркаат од претседателската трка против Трамп, кого го победи во 2020 година.
Кога ко-водителот на емисијата ги наведе главните медиумски организации и експерти кои го повикаа да се повлече, Бајден рече: „Не ми е гајле што мислат тие големи имиња“. „Поентата е дека не одам никаде. Не одам никаде. Не би се кандидирал ако апсолутно не верував дека сум најдобриот кандидат што може да го победи Доналд Трамп во 2024 година“, истакна тој. .
Сè поголем број демократски членови на Конгресот изразуваат загриженост дека ниската јавна поддршка на Бајден и неизвесноста во однос на неговата возраст може да и наштетат на партијата. Потпретседателката Камала Харис се смета за најверојатниот наследник доколку Бајден се повлече.
Анкетата на Ројтерс/Ипсос минатата недела покажа дека секој трет демократски гласач верува дека Бајден треба да се откаже од трката, а 59 отсто од испитаниците од партијата на претседателот рекле дека е премногу стар за да ја води земјата.
Во писмото до демократите, Бајден рече дека е свесен за нивната загриженост, но дека сега е време да се стави крај на тоа прашање.
„Прашањето како да се оди напред кружи веќе една недела. Време е да заврши. Имаме една работа. Тоа е да го победиме Доналд Трамп“, им напиша Бајден на сопартијците.
Свет
ИДФ издаде нова наредба за жителите на Газа: Евакуирајте се
![](https://makfax.com.mk/wp-content/uploads/2024/05/gaza1.jpg)
Израелската армија издаде нова наредба за евакуација на Палестинците кои живеат во Појасот Газа.
Наредбата се однесува на жителите на населбите Сабра, Тел ал Хава, Римал и Дарај, пренесе „Ал Џезира“.
На жителите им беше наредено да се упатат кон хуманитарната зона лоцирана во Ал Малави, област на јужниот крај на Појасот Газа, која претходно беше нападната од израелската армија.
Последната наредба за евакуација доаѓа откако израелските вооружени сили ги засилуваат нападите врз Газа.
Утринава израелската армија почна нови напади во јужните и западните делови на градот Газа, додека продолжи да врши притисок врз источниот кварт Шуџаеи.