Македонија
(Видео) Рашковски со три пораки до јавноста: Не барам да ми верувате на збор
Зоран Заев како премиер бил запознаен дека се набавува софтвер за определување просечна брзина во сообраќајот и изрекување казни. Обвинителството има докази со кои се побива нивниот став дека немало технички прием на софтверот, како и одлука за негова набавка. Тезата дека софтверот е набавен за МВР е неточна. Ова се неколкуте тези на ексгенералниот секретар Драги Рашковски, кој останува на ставот дека сето ова ќе го докаже со документи. Според него и неговиот адвокатски тим, потврдно е дека не е направена никаква штета на буџетот, како што посочува Обвинителството.
„Имате изјава на премиерот во која вели дека е запознаен со набавката. Уште повеќе што ќе може да ви го доставиме доказот 376. Премиерот писмено се има изјаснето кога Државното правобранителство побара да се изјасни. Премиерот вели дека сѐ е набавено за потребите на Владата, сѐ е инсталирано, нема штета, се работи, нема никаква штета на буџетот“, посочува Рашковски на брифинг со новинарите.
Тој во неколку наврати посочи дека не бара да му се верува на збор бидејќи за сѐ има докази, со кои ќе докаже дека не е виновен.
„По завршување на доказната постапка од Обвинителството, ќе го потврдиме тоа. Потоа ќе одиме со афирмативен пристап, со докази и сведоци од наша страна, со цел не да издвојуваме победа, туку да дојдеме до еден прогрес. Прогрес, кој ќе значи не само борба за правда, туку прогрес, кој ќе значи еден нов начин на презентирање и водење доказна постапка од обвинети лица и да завршиме со круната – фактичко презентирање на она што е набавено“, изјави Рашковски.
Ексгенералниот секретар, кому му се суди за нелегална јавна набавка и незаконско делење хонорари, посочува: „Она што во ваков случај е светиња – тоа е материјалниот доказ. Компромис со вистината нема кога станува збор за материјални докази“.
Тој имаше три пораки до јавноста.
„Неточна е тезата дека за предметната јавна набавка за софтвер, не постои одлука за набавка. Тоа е одлука донесена во законска процедура, донесена од надлежен орган и е единствениот документ врз кој вие може да спроведете јавна набавка. Сѐ друго донесено надвор од оваа процедура е прекршување на Законот за јавните набавки. Одлуката е донесена од Генералниот секретаријат, односно јас како генерален секретар. На судското рочиште оваа теза ќе ја докажеме“, рече Рашковски.
По ова, додаде: „Втората неточна теза на Обвинителството, кое успешно ја пласира, а тоа е дека софтверот е набавен за потребите на МВР, а гледате дека е за потребите на Владата. Тезата е извртена бидејќи единствена точка на која може да се вадат на моментот е пласирање дезинформации. Постои одлука според која софтверот е набавен. Одлуката е направена од единствениот што тоа можел да го направи“.
Ја објасни и третата теза за која рече: „Се пласира е дека не постои техничко исправен предаден софтвер. Таа теза повторно се наметнува, според мене, од некои мотиви, сѐ со цел во недостиг на аргументи да се дојде до оцрнување, да се дојде до пласирање дезинформации, правење некое јавно мислење дека тоа што е набавено е нефункционално. Таа теза е од сведочење на лице што во предметот е вешто лице, меѓутоа може да се обратите и до Владата, односно ќе видите и на самото рочиште презентирање на функционалностите на системот, дека е инсталиран на сервери од „Телеком“, и тоа многу порано од крајниот рок. Пак ќе кажам, не барам да ми верувате на збор“.
Рашковски најави и кривични пријави за ИТ-вештакот Мане Пиперески, кој рече дека софтверот не можел ниту да се вклучи, но и за вештакот Билјана Киселчки, која го работеше материјално-финансиското вештачење бидејќи, како што рече: „.. анализирала, а немала комплетна документација, пишувала претпоставки“.
Тестирање на софтверот ќе бара да се врши јавно.
„Дека сѐ е реализирано во согласност со законот, доказ е записникот за технички прием. Во него е наведено што се предава, кои се функционалностите и дека заедно со предавање на самиот софтвер се предава и изворниот код. Тоа е важен момент бидејќи изворниот код е развојна компонента на другите што ќе продолжат да го надградуваат. Затоа што знаете дека ако го немате изворниот код, ќе добиете нешто што не можете да го менувате. Оттука е нејасно и за нас како одбрана и тврдењето на Обвинителството дека не постои одлука за набавка на софтверот, дека не постои технички прием на софтвер, односно технички исправно софтверско решение. Третиот доказ што ви го давам е листата на докази од Обвинителството. Самото Обвинителство ги предава, тие што велат дека не постојат. Јас ќе ви ги доставам. Еве ги листата на докази, уверете се сами. Имате можност за комуникација со другата страна, односно Обвинителството, за да ги прашате дали ги предложиле овие докази од нивна страна. Дали постои одлука и дали е доставена, дали постои записник за примопредавање. И да прашате дали ние имаме предложено реконструкција на самиот случај“, изјави Рашковски.
Ексгенералниот секретар најави дека ќе бара од судот Владата да ја донесе целата набавена опрема во судницата за да се види дека постои. За Муахмед Зеќири, кој е наследник на функцијата генерален секретар по Рашковски, обвинетиот вели дека има доказ со кој може да се констатира дека е утврдено примопревање на софтверите.
„Мојот наследник вели не знаел, иако тоа се основни средства (софтверот, камерите, кабините) со кои треба да располага. Со сведокот од ИТ се утврди дека софтверот е инсталиран и постои во системот на Владата. Треба секој да се запознае со тоа што е основно средство. Четвртата точка е допис од наша страна како доказ бидејќи Обвинителството го има добиено, но го нема предложено во доказите. Тоа е дописот под арх. 45-3576/11, кој доказ, поради постапката, можам само наративно да ви го кажам дека со потврда од Мухамед Зеќири се вели дека примопредавање е извршено на софтверите и дека се инсталирани на сервери сопственост на Владата на РСМ. За да се утврди дали постојат софтверите, имало вонреден попис и утврдено е дека целокупната набавена опрема постои во Владата. Не само што ќе докажеме туку ќе бараме и од судот да наложи Владата да ја донесе опремата во судницата. Дека за сето ова не е предавање апстрактни вредности, апстрактни набавки, туку дека станува збор за нешто што е врв во технологијата, а кое уште кај нас не е стасано. Србија пред два месеца и два дена пушти ваков систем, кој е далеку далеку комплетно поинакво ниво на квалитет од она што ние го имаме како држава во сопственост“, додаде Рашковски.
Прашан како неговата сопруга Вероника Рашковска возела автомобил на фирма од која компаниите добитници на тендерите ги набавувале продуктите, тој рече дека нема ништо спорно.
„Компанијата што е наведена (ГБЦ) не е договорен одговор некаде, ниту некој од Владата има добивано средства. Затоа да не брзаме со оваа теза. Првично тезата дека некој возел некакво возило од 80 илјади евра не е точна. Фирмата, според нивното вештачење, со средствата што ги добивала не можела да купи возило. Возењето, пак ќе кажам, кој било од нас може да земе нечие возило. Тоа не е недозволено“, додаде Рашковски.
Тој додаде дека софтверот го набавил по претходна анализа.
„Секаде во светот кога почнувате да правите јавна набавка, правите анализа. Направена е анализа за да се утврди каде ние како држава сме моментно во однос на сообраќајните прекршоци. Како држава ние сме на дното во рамките на Зимбабве и Гана по бројот на луѓе што загинуваат во сообраќајни несреќи. Има студија во светски рамки за тоа како вакви софтвери придонесуваат. И вели дека бројот на починати лица со софтвер кој е далеку од ова што ние го имаме направено се намалува 50 отсто. Во просек 160 луѓе гинат во државата во сообраќајни несреќи. 50 отсто од 160 знаете што значи. Кажете дали не вреди… Софтверот треба да детектира вистински извршители на сообраќајни прекршоци наспроти евендитираните. Од анализите софтверот е неколкупати пуштен да прави анализи. На ‘Партизанска’ беше во октомври, регистрирани се 240 возила, од нив 120 направиле прекршоци“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Меџити најави затворање на нестандардната депонија на Липково
Првиот заменик претседател на Владaта, а воедно и министер за животна средина и просторно планирање, Изет Меџити, заедно со вицепремиерот Арбен Фетаи, како и пратеници од регионот и општински советници, денеска најавија затворање на нестандардната депонија на Липково, која се наоѓа во близина на селото Никуштак. Меџити во оваа прилика најави дека во рамките на ИПА2 Програмата за животна средина и климатска акција предвидени се значајни проекти за управување со отпадот во Источниот и Североисточниот регион.
Овие проекти вклучуваат набавка на возила и контејнери, затворање на нестандардни депонии во двата региона како и изградба на регионален систем за управување со отпад.
Проектот опфаќа набавка на возила и контејнери на соодветните региони, вклучително и општина Липково, која ќе добие камион за собирање смет и 139 контејнери. Дополнително, планирано е затворање на повеќе нестандардни депонии, вклучително и депонијата во Липково (Никуштак) и пет други помали депонии во Матејче, Горна Рупа, Лојане 1, Лојане и Гору.
Во моментов проектот е во фаза на тендерирање по претходното откажување на избран изведувач. Новата проценка започна на 6 јуни 2024 година и се очекува да биде завршена до крајот на август 2024 година, кога ќе биде потпишан Договорот и ќе започне теренската работа.
Во меѓувреме, мал дел од депонијата ќе остане отворен до изградбата на регионалната депонија во Свети Николе. Во втората фаза од проектот, во рамките на ИПА 3 Програмата, депонијата ќе биде целосно затворена. По изградбата на регионалната депонија, отпадот од Липково ќе се транспортира до друг пункт во Куманово, а потоа до регионалната депонија во Свети Никола.
Во нестандардната депонија во Липково, која се наоѓа во близина на селото Никуштак, ќе се вршат активности како преобликување на телото на депонијата, тампонирање стар отпад, изградба на пасивен систем за собирање гас и покривање на депонијата со здрава почва. Депонијата се наоѓа на стрмна падина и е далеку од секакво водно тело.
„Дејствуваме за доброто на граѓаните, за поздрав живот и почиста животна средина“, изјави првиот вицепремиер и министер за животна средина и просторно планирање Изет Меџити.
Македонија
Зеќирија Ибрахими е новиот претседател на Алтернатива
Денеска во Домот на културата во Куманово се одржа вонредниот изборен конгрес на Алтернатива. По оставката на Африм Гаши од функцијата претседател на партијата откако беше избран за претседател на Собранието на Република Северна Македонија, се појави потребата Алтернатива да го избере својот претседател. Поради оваа причина беше свикан овој изборен Конгрес.
Конгресот ја водеше својата работа во две сесии. На првата седница, која беше свечена, учествуваа и претставници на други политички партии, дипломати, новинари, претставници на бизнис секторот и невладини организации, додека на втората се работеше на изборот на новиот претседател.
Во првиот дел од Конгресот, присутните ги поздрави в.д. претседателот на Алтернатива, Беким Сали, кој посакувајќи им добредојде на гостите и делегатите, откако му се заблагодари на Африм Гаши за досегашната работа на оваа задача, истакна: „Завршувајќи го овој циклус на нашата политичка активност, денес се собравме овде да го избереме новиот претседател на Алтернатива. Последниов месец се обидов да ја покријам оваа задача, но оценивме дека нашето членство, структурите и гласачите заслужуваат да имаат претседател излезен од Конгресот, кој ќе биде правосилен да ја претставува партијата и да биде политичка алтернатива на политичката сцена. Фала му на Бога и благодарение на придонесот на секој од вас, овој процес го развиваме на демократски начин, така што денес, кога Алтернатива ќе има претседател, прво ќе бидам растеретен и среќен, додека мислам дека ова ќе биде празник за сите нас“.
По него, говор имаше и досегашниот претседател на Алтернатива, Африм Гаши, кој им се заблагодари на структурите и органите на партијата за поддршката и додаде: „Колку често ни изгледа мачна активност, колку и да е тешка, колку и да ни изгледа неблагодарно, сепак политиката останува единствениот најмоќен начин директно да влијае на животите на луѓето, а ние имаме обврска да се занимаваме со политика. Бидејќи вакумот не постои, ако ВЛЕН не ја водеше оваа битка, вие добро знаете кој ќе беше на власт денес. Затоа, почитувани делегати на Алтернатива, знајте дека вашиот политички активизам има мисионерска и историска вредност. Можеби не ви изгледа ништо што сте активист во некој разгранок, но знајте дека сте и активен учесник во јавниот живот, додека и најслабиот активизам е подобар од рамнодушноста“.
Потоа следуваа поздравите на делегациите на политичките партии, при што тие ги поздравија Билал Касами од Движењето Беса, Изет Меџити од Демократското движење, Арбен Таравари од Алијанса за Албанците, од ВМРО-ДПМНЕ Ѓорѓија Сајкоски како и Петар Арсовски од ЗНАМ.
Така заврши свечениот дел од Конгресот. Во вториот, изборниот дел, откако беше избрано раководството и го претстави дневниот ред, најпрвин беше разгледан и одобрен извештајот на досегашниот претседател на Алтернатива, Африм Гаши, а потоа помина точката за избор на нов претседател.
Во оваа прилика, делегатите за претседател го предложија Зеќирија Ибрахими, досегашниот генерален секретар на Алтернатива. Овој предлог беше ставен на гласање и едногласно одобрен од делегатите на Конгресот.
Потоа на Конгресот се обрати Зеќирија Ибрахими. Заблагодарувајќи им се на делегатите за поддршката, рече: „Ако во годините 1991-2001 се боревме за еднаквост, ако во годините 2002-2008 се боревме за институционално достоинство, ако по 2011 година деградиравме во корупција, сиромаштија, масовна миграција, во уништено образование и во корумпиран општествен живот, во 2024 година отвораме ново поглавје од нашата национална историја. Не се веќе патриотизам церемониите за дипломирање, туку ПИСА тестовите и рангирањето на универзитетите.
Тој понатаму додаде: „Можеби на некого му изгледа утопично, но моја должност во согласност со програмата на Алтернатива е да му помогнам на албанскиот бизнис, да ги направам Албанците што е можно побогати, бидејќи така се наметнува општиот квалитет на живот. Општеството со економско изобилство наметнува квалитетно образование, квалитетно здравје, богат спортски живот и просперитетна култура“.
„За крај, треба да разбереме дека не стануваме народ без образование и економија. На крајот на краиштата, политичката нација се гради со капитал и образование, како што се уништува со сиромаштија и незнаење“, заклучи новоизбраниот претседател, Ибрахими.
На крајот, делегатите на вонредниот изборен Конгрес на Алтернатива ја одобрија ажурираната листа на Централното собрание на Алтернатива и после тоа Конгресот беше прогласен за затворен.
Македонија
(Видео) Македонска делегација предводена од Мицкоски патува за Вашингтон, на НАТО самитот можна е средба и со Мицотакис
Премиерот на Македонија Христијан Мицкоски заедно со министрите за надворешни работи и трговија Тимчо Муцунски, за одбрана Владо Мисајловски и за внатрешни работи Панче Тошковски денескаа заминаа во Америка.
Македонската делегација, според информациите, првите активности ќе ги има веќе во понеделник.
„Делегација предводена од премиерот Мицкоски на НАТО Самитот во САД. Денес патуваме за САД. Делегација предводена од премиерот Христијан Мицкоски ќе учествува на НАТО Самитот во Вашингтон, каде ќе одбележиме 75 години од формирањето на Алијансата. Благодарност до нашите стратешки партнери“, напиша министерот Муцунски на ФБ.
Очекувањата се дека на самитот ќе се случи и средба на македонскиот премиер Мицкоски со неговиот грчки колега Мицотакис. Тоа ќе биде прва средба откако Грција остро се спротивстави на изјавите со користењето на името „Македонија“, без додавката „Северна“.
Мицотакис најави дека Мицкоски ќе се најде во многу непријатна позиција во рамките на Самитот на НАТО доколку опстојува на оваа реторика.
Директорот за Европа и НАТО во Пентагон, Бјуланд, пак, порача билатералните односи да останат надвор од НАТО, а САД ќе продолжат силно да го поддржуваат Договорот од Преспа.
Самитот во Вашингтон започнува во вторник, а во фокусот ќе биде прашањето за помош на Украина и нејзиното влегување во НАТО.
(Фото) Во министерството за финансии се крои ребалансот на буџетот, работата тече и викендов
Се крои ребалансот на буџетот. Во министерството за финансии се работи и викендов без прекин. Се пренаменуваат пари од нереализирани...
(Видео) Македонска делегација предводена од Мицкоски патува за Вашингтон, на НАТО самитот можна е средба и со Мицотакис
Премиерот на Македонија Христијан Мицкоски заедно со министрите за надворешни работи и трговија Тимчо Муцунски, за одбрана Владо Мисајловски и...
Антикорупциска ќе ги испитува сите именувања на новите директори
Антикорупциската комисија попладнево информира дека будно ги следи директорските смени што во изминатите две недели ги прави новата власт. „Државната...
(Видео) Трипуновски: Земјоделските задруги се важни за решавање на проблемот со пласманот на производи
Министерот за земјоделство, шумарство и водостопанство Цветан Трипуновски присуствување на панел дискусија во организација на Македонската асоцијација на земјоделски задруги....
Почнува силен топлотен бран, Македонија следната недела ќе се „вари“ на плус 40
Се враќа многу топлото време во Македонија. Според последните информации од Управата за хидрометеоролошки работи, највисоката измеренa температурa во 14...
Македонија има свои симболи и сите треба да ги почитуваме, рече министерката за образование Јаневска
Државата има свои симболи – химна, знаме, а јас би рекла и заеднички јазик кој треба да биде средство за...
Словачкиот премиер: Да ми дозволи здравјето, со задоволство би му се придружил на Орбан во Москва
Словачкиот премиер Роберт Фицо вчера за првпат се појави во јавноста откако беше тешко повреден во обид за атентат. Тој...
Истражување: 30 отсто од Бугарите сакаат нивната земја да го напушти НАТО
Неодамнешното истражување на јавното мислење во Бугарија покажа дека 30 отсто од испитаниците гласале за напуштање на НАТО алијансата. Истражувањето,...
(Видео) Речиси 5.800 луѓе се евакуирани поради пукањето на брана на езеро во Кина
Во централната кинеска провинција Хунан поради пукањето на браната на езерото Донгтинг и опасноста од поплави се евакуирани околу 5.800...
СДСМ: Минималната плата мора да продолжи да расте, го поддржуваме ССМ во барањата
„Не станува збор за тоа колку е долга чергата, туку колку покачувањето на минималната плата е приоритет за оваа Влада....
Фицо за првпат се појави во јавноста откако беше ранет
Словачкиот премиер Роберт Фицо се појави во јавноста за првпат откако беше ранет во мај годинава. Фицо, кој се опоравува...
Бајден: Само Господ може да ме исфрли од претседателската трка
Американскиот претседател Џозеф Бајден изјави дека никој од него не е поквалификуван да се кандидира на претстојните избори и дека...
ВМРО-ДПМНЕ: Венко Филипче и Зоран Заев се браќа по криминал и корупција
Венко Филипче и Зоран Заев се браќа по криминал и корупција. Беа живи фатени кога во најголемата здравствена криза во...
Левица: 40 проценти од тие што дипломирале, ја напуштиле државата
Македонија се соочува со значителен одлив на високообразовани кадри, што годишно изнесува околу 2500 лица. Според последниот ревизорски извештај на...
И седмоодделенците ќе имаат учебници од септември, МОН и БРО најдоа преодно решение
По неколкудневни разговори Министерството за образование и наука и Бирото за развој на образованието изнајдоа решение за непречена реализација на...
Во тек е исплатата на правата од социјална и детска заштита
Министерството за социјална политика, демографија и млади информира дека денеска почна исплатата на правата од социјална, детска и цивилна заштита...
„Тие се против реформите затоа што удобно им е да седат во фотелји, да земаат плата и имаат само два процента доверба“, рече Мицкоски за членовите на Судскиот совет
„Убава е нивната позиција, секој месец да си земате плата, а да имате два процента доверба кај граѓаните. Таа е...
Таравари ќе бара мораториум за одредени специјализации за да се стимулираат онколози и патолози за кои има недостиг
Новиот министер за здравство, Арбен Таравари, заедно со директорот на Клиниката за онкологија, Игор Стојковски, и вработените ќе подготват специјален...
В година со уште позаострени мерки против препишување, 3,25 била просечната оценка на државната матура
Просечната оценка што ја постигнаа средношколците на државната матура годинава е 3,25. Во споредба со минатите години постои намалување (3,65...
(Видео) Лефков: Филипче, брат по криминал на Заев, доаѓа за претседател на СДС со цел и двајцата да го притискаат Обвинителството да не отвора постапки против нив
Венко Филипче е брат по криминал и корупција на Зоран Заев. Тој заедно со Заев бркаа дебели провизии за кинеските...
