Свет
Мајка од Тексас среде парк ја избола и ја задавила својата петгодишна ќерка, па ја ставила во пластична кеса
Жена од американската сојузна држава Тексас е обвинета за убиство на својата петгодишна ќерка.
Според информациите од властите, 37-годишната мајка ја избола и ја задавила својата петгодишна ќерка среде парк, северно од Хјустон, а потоа ѝ ставила пластична кеса на главата.
Мелиса Таун (37) го признала убиството кога девојчето било пронајдено завиткано во разни кеси во нејзиниот автомобил, изјави шерифот на округот Харис, Ед Гонзалес.
Изгледа дека на девојчето му бил пресечен вратот, пишува „Ен-би-си њуз“.
Таун е притворена со кауција од 15 милиони долари.
Убиството се случило во неделата во паркот Спринг Крик во Томбол. По убиството, Таун го однела девојчето во локалната болница, каде што медицинска сестра од итната медицинска помош го пронашла девојчето во џипот по што била констатирана смрт.
Таун признала дека го однела девојчето во шумата во паркот и ѝ го пресекла грлото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.