„Денеска, во присуство на моите сограѓани, овде од урбаниот дел од Кисела Вода, во присуството на лидерот на мојата политичка партија, Христијан Мицкоски, претседателот на Советот и преостанатиот дел од мојот тим, означуваме, односно почнуваме првпат во триесет години еден ваков капитален проект, а тоа е првпат во историја моите сограѓани да добијат современи услови за пазарење, односно еден нов, модерен, ултрасовремен и затворен пазар, нешто што во мојата општина недостигаше повеќе од 30 години и моите сограѓани го немаа. Тука, од една страна, го постигнуваме ефектот да моите сограѓани, мојот народ овде во Кисела Вода да пазари во едни современи услови, услови какви што им прилегаат, а од друга, и оние што се пазарџии, што го опслужуваат нашиот народ и го пласираат својот производ, да имаат едни современи, исто како народот да може да пазари, така и тие да имаат современи услови за пласман на своите производи овде во Кисела Вода“, изјави градоначалникот на Кисела Вода, Орце Ѓорѓиевски.

Тој му се заблагодари на Министерството за локална самоуправа што партиципира со дел од средствата во овој проект, ова е првпат во историјата во Кисела Вода да имаме еден ваков нов современ пазар, ветен во мојата програма. Јас во мојата програма се обврзав дека 2 пазара вакви ќе изградиме, еве на истекот на првата година од мојот мандат веќе го почнуваме овој пазар, кој треба за 2 месеца да биде готов, а за многу бргу како медиуми ќе бидете повикани и во Драчево, каде што ќе почнеме со изградба на уште еден ваков ултрамодерен, современ и затворен пазар, како што прилега за нашата современа општина.

„Морам да истакнам дека на истекување на една година од мојот мандат веќе со програмата финишираме или почнуваме како денеска овој проект со некаде околу 70 % од она што сме се обврзале за изборите пред нашиот народ да го реализираме, продолжуваме и понатаму со уште едно посилно темпо од ова што е досега сè со цел да ги реализираме сите дадени ветувања во програмата и да ги подобриме условите за моите сограѓани овде во Кисела Вода“, изјави Ѓорѓиевски.