Спорт
Гави – Златното момче на светскиот фудбал
Фудбалерот на Барселона, Гави ја доби наградата „Голден бој“, која ја доделива „Тутоспорт“. Наградата Гави ја наследи од соиграчот Педри. Гави е третиот фудбалер на Барселона кој ја добил оваа награда, во 2005 година таа заврши во рацете на Лионел Меси.
Гави, во понеделникот, истото признание го доби и од „Франс фудбал“, на церемонијата кога Карим бензема ја доби Златната топка. Наградата на „Тутоспорт“ ќе му биде врачена на 7.ноември.
Гави зад себе ги остави Едуардо Камавинга од Реал и и Џуд Белингам од Дортмунд.
18.годишниот Гави досега има одиграно 61 натпревар за првиот тим на Барселона. Тој постигна два гола и забележа седум асистенции. На „Камп Ноу“ пристигна од Бетис во 2015 година.
Сите досегашни добитници на наградата „Голден бој“:
2003: Рафаел ван дер Варт (Ајакс)
2004: Вејн Руни (Евертон/Манчестер Јунајтед)
2005: Лионел Меси (Барселона)
2006: Сеск Фабрегас (Арсенал)
2007: Серхио Агуеро (Атлетико Мадрид)
2008: Андерсон (Манчестер Јунајтед)
2009: Алесандре Пато (Милан)
2010: Марио Балотели (Интер/Манчестер Сити)
2011: Марио Геце (Борусија Дортмунд)
2012: Иско (Малага)
2013: Пол Погба (Јувентус)
2014: Рахим Стерлинг (Ливерпул)
2015: Ентони Марсијал (Монако/Манчестер Јунајтед)
2016: Ренато Санчез (Бенфика/Баерн Минхен)
2017: Килијан Мбапе (Монако/ПСЖ)
2018: Матијс де Лихт (Ајакс)
2019: Жоао Феликс (Бенфика/Атлетико Мадрид)
2020: Ерлинг Халанд (Борусија Дортмунд)
2021: Педри (Барселона)
2022: Гави (Барселона)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024