Спорт
Ван Гал го објави списокот за Катар – На поширокиот список 39 играчи
Селекторот на фудбалската репрезентација на Холандија, Луј ван Гал го објави списокот за Светското првенство во Катар. На спискот има 39 имиња, од нив Ван Гал ќе одбере 26 фудбалери, кои ќе ја претставуваат Холандија на мундијалот.
Селектортите на сите национални тимови конечните списоци до ФИФА ќе треба да ги достават најдоцна до 14.ноември. Инаку, според препораките на ФИФА, на поширокиот список селекторите ќе можат да стават најмногу 55 играчи.
Предводникот на Холандија, Ван Гал, пак, не беше задоволен што мораше да стави толку играчи на списокот.
„Списокот е долг и да бидам искрен, тоа не е мој стил. Но, барем е јасно дека момците што ќе ги изберам да одат на првенството ќе бидат од оваа листа. Бидејќи никој не може да гледа во иднината, мораме да бидеме подготвени за сите проблеми и можни повреди“, објасни Ван Гал.
Поради повреди Ван Гал не може да смета на Жоржињо Вајналдум и Бруно Мартинс Инди.
На списокот на Холандија се:
голмани: Џастин Бејлоу (Феенорд), Јаспер Силесен (НАК Бреда), Марк Флекен (Фрајбург), Андрес Ноперт (Херенвен), Ремко Пасвер (Ајакс)
дефанзивци: Нејтан Аке (Манчестер Сити), Мичел Бејкер (Леверкузен), Дејли Блинд (Ајакс), Свен Ботман (Њукасл), Вирџил ван Дијк (Ливерпул), Дензел Дамфрис (Интер), Џереми Фримпонг (Леверкузен), Матијс де Лихт (Баерн, Тајрел Маласија (Манчестер Јунајтед), Девин Ренш (Ајакс), Паскал Стрик (Лидс), Јуриен Тимбер (Ајакс), Мики Ван де Вен (Волфсбург), Стефан де Фрај (Интер),
играчи од средниот ред: Стивен Бергуис (Ајакс), Жорди Класи (АЗ Алкмар), Рајан Гравенберч (Баерн), Франк де Јонг (Барселона), Дејви Класен (Ајакс), Тун Копмајнерс (Аталанта), Мартен де Рон (Аталанта), Чави Симонс (ПСВ Ајндховен), Кенет Тејлор (Ајакс), Гас Тил (ПСВ Ајндховен),
напаѓачи: Стивен Бергвејн (Ајакс), Брајан Броби (Ајакс), Арно Данџума (Виљареал), Коди Гакпо (ПСВ Ајндховен), Винсент Јансен (Антверпен), Лук де Јонг (ПСВ Ајндховен), Ноа Ланг (Клуб Бриж), Даниел Мулен ( Дортмунд), Мемфис Депај (Барселона), Вут Вегхорст (Бешикташ).
Холандија на Мундијалот ќе игра во група со Сенегал, Еквадор и Катар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Рим, Ѓоковиќ удрен во главата со шише за вода
Новак Ѓоковиќ доби шише во глава, кое беше фрлено од трибините додека даваше автограми.
Инцидентот се случи по победата на Ѓоковиќ, во второто коло на Мастерсот во Рим, над Французинот Корентин Муте 6:3, 6:1.
Додека најдобриот во светот давал автограми од трибините излетало шише со вода кое завршило во неговата глава.
Ѓоковиќ од болка паднал на земја, додека луѓето од организацијата притрчале да му помогнат. Новак останал долго да лежи, што јасно покажува дека шишето било полно и прилично тешко, а ударот бил многу болен. Според некои новинари од местото на настанот, Ѓоковиќ има расекотина на главата.
Како што пишува „Спортмесиасет“, српскиот ас веднаш бил пренесен во болница на преглед, имал благи вртоглавици, но генерално се чувствува добро. Се шпекулира и дека се работи за случајност, а шишето испаднало од ранецот на гледач од трибините и завршило со главата на Новак.
Ова го потврди и организаторот кој соопшти дека инцидентот се случил кога едно дете се наведнало преку оградата за да му даде на Ѓоковиќ тетратка на потпис, а од ранецот на детето испаднало алуминиумско шише со вода и завршило во главата на Ѓоковиќ.
This is shocking.
Novak Djokovic was hit on the head with a water bottle thrown from the stands while he was signing autographs.
Disgusting.pic.twitter.com/Pwt2sjBisl
— Relevant Tennis (@RelevantTennis) May 10, 2024
Спорт
(Видео) Новак Ѓоковиќ заврши на клиника, удрен e со шише во глава
Српскиот тенисер Новак Ѓоковиќ се пласираше во третото коло на Мастерсот во Рим, кој по голема борба го совлада Французинот Корентин Муте со 2:0 (6:3, 6:1), а по мечот се случи сериозен инцидент кога тој беше удрен во глава, најверојатно со шише.
View this post on Instagram
Српскиот тенисер веднаш се струполи на подот, а присутните велат дека има траги од крв.
Someone threw a water bottle at Novak Djokovic’s head when he was signing autographs.
He ends up on the floor.
Absolutely disgusting behavior from whoever did this.
The world is becoming a very sad place.
— The Tennis Letter (@TheTennisLetter) May 10, 2024
Имено, Новак е познат како некој кој има трпение за сите фанови. Така беше и овој пат во Рим. Новак без разлика на трудот што го имаше за време на натпреварот, се посвети на навивачите фотографирајќи и давајќи автограми. но, на излегување од теренот, некој фрлил шише и го удрил Новак во главата. Српскиот тенисер легнал на подот и веднаш се фатил за глава. Според присутните, Новак има расекотина, а забележливи се и траги од крв.
Како што јавија италијанските новинари, тој веднаш отишол во амбуланта и се пожалил на мачнина.
Спорт
(Видео) Мбапе објави дека заминува од ПСЖ
Една голема епизода во кариерата на Килијан Мбапе заврши. Францускиот фудбалер вечерва и официјално потврди дека на крајот од сезоната го напушта Пари Сен Жермен.
Но, вториот дел од енигмата сепак останува, бидејќи Мбапе не кажа каде ќе ја продолжи кариерата. Иако, цел свет тоа одамна го насетува.
Епизодата на Килијан во Париз не заврши славно. Трофејот во Лигата на шампионите и оваа сезона остана недостижен за брзиот напаѓач, иако „светците“ важеа за големи фаворити во полуфиналето против Борусија Дортмунд.
Сите други домашни трофеи одамна престанаа да ја задоволуваат гладта и на Ембапе и на навивачите на францускиот клуб.
И покрај тоа што не кажа каде ќе ја продолжи кариерата, тоа најверојатно ќе биде Реал Мадрид.
Мбапе вечерва преку видео порака се прости од навивачите на Пари Сен Жермен.
„Отсекогаш сум велел дека ќе ви се обратам кога ќе дојде вистинското време. Сакам да ве информирам дека ова е мојата последна сезона во Пари Сен Жермен. Нема да го продолжам договорот и оваа авантура ќе заврши во следните неколку недели. Мојот последен натпревар ќе го одиграм на „Паркот на принцовите“ во недела.
Се борам со многу емоции. Имав можност и голема чест да бидам дел од најголемиот клуб во Франција и еден од најдобрите во светот, што ми овозможи да дојдам овде и да почувствувам како е да се игра во голем клуб под притисок. Нашредував како играч, се разбира со едни од најдобрите фудбалери во историјата. Некои големи шампиони. Запознав многу луѓе, созреав како личност, со сета слава и грешки што ги направив“, изјави Мбапе.
MERCI. 🔴🔵 @PSG_inside pic.twitter.com/t0cL2wPpjX
— Kylian Mbappé (@KMbappe) May 10, 2024